Rom Yaab 12:9 - Uwumbɔr aagbaŋ

⁹ Tɔ, ni li gee binib nisui ni. Ni li nan lituln li kaa ŋan na, ki li gee lituln li ŋan na.

UWONBƆR A GBƆNPƆŊ LIKƆƆNL

⁹ Ni kpaa le nin njiɛm le ye ibamɔn. Ni li nan nan ye tibir; ki li ŋmag nan ŋan nin kenken.

Rom Yaab 12:9 ပူးပေါင်းရင်းမြစ်များ

Ilahn 101:3

kaan kii tii titunwanbir kpala. M nan binib bi fenn bipuwɔb tii Uwumbɔr na; m ni bima aan kpaan ki tun lituln.

Ilahn 119:104

M kani nlan saakaal chee pam, kina pu na, maa gee mbimbin mumɔk kaa ŋan na.

Ilahn 119:163

Maa gee ke m kan inyamɔn kpala, le ki tee gee saakaal ma.

Ilahn 34:14

Fenn aapuwɔb tii titunwanbir, ki tun lituln li ŋan na; di aasui mɔmɔk ban nsuudoon linimaln.

Ilahn 36:4

U yaa dɔ kan, u dak ilandak i kaa ŋan na la; waatun mɔmɔk aa ŋan, le kaa yiil titunwanbir aatuln.

Ilahn 45:7

aa gee lituln li ŋan na, le ki nan titunwanbir. Kina pu le Uwumbɔr u ye Saawumbɔr na lee si ki tii si mpopiin ki jer bibɔrb biken.

Ilahn 55:21

Waamɔbon nan mɔ ke tisiir na, le uponn ni ma tee to; waamɔbon nan sɔŋni unii aasui ke nkpapem na, le ki tee geei ke kijaak aajuk ki ka na.

Ilahn 97:10

Uwumbɔr gee binib bi kaa gee titunwanbir na; u kii waanib aamɔfal; u gaal bi bibiindam chee lir.

Ŋiyataŋak 26:25

Waamɔliin ga li mɔ ki ŋan, taa gaa waah len pu na, ba pu? usui gbii kinanaŋ le ki ti bar kpir.

Ŋiyataŋak 8:13

Saah ga nyuŋ Uwumbɔr pu na le ye ke aa yii kinimbɔŋ; maa gee kigaak, ni inimpoo, ni kinimbɔŋ aasan, ni inyamɔn aamɔliin.

Esekiel 33:31

Kina pu na, maanib kuuni ke bi nan ŋun saah kpa pu aa len na, kaa tee ŋani saah tuk bi ke bi ŋa pu na. Ngeehm aabɔlen le bi bimɔi ni, le bi tee beenin dii baakumɔŋ aasan.

Amos 5:15

Li nan kinimbɔŋ man, ki li gee tiwan ni ye ibamɔn na, aan ki cha ibamɔn li bi libɔjil ponn ni. Nibaakan, Uwumbɔr ga san binib bi gur linibol limina ni kaa kpoi na kinimbaak.

Matiu 26:49

Baah fuu ni Yesu ni waadidiliib aah bi nin chee na, le Judas kpaan buen Yesu chee, le ki ti bui u, “Umɔmɔkr, aa pɔɔ ɔɔ?” le ki moor utakpiln.

Jɔnn 12:6

Judas aatafal aa nan bi bigiim ni. U nan ye unaayuk la, ki nan ye unii u joo ŋimombil aataakɔr na, ki su baah di ŋimombil ŋi ŋa li ponn ni na. Nima le cha u len kina.

Lituln 11:23

U nan ye unibamɔnn, ki gaa Yesu ki kii mbamɔm, ki gbii Uwumbɔr Aafuur Nyaan. Le u di ti fuu nima. Waah ti fuu nima, ki kan Uwumbɔr aah san binib ngbaan kinimbaak pu pu na, le ni ŋa u mpopiin. Le u sur bi mɔmɔk ke bi cha binimbil li man bi dii Tidindaan aasan mbamɔm. Le binib pam gaa Tidindaan ki kii ki kpee waanib pu.

2 Korenti 6:6

Timi aabimbin bi chain la. Ti bee Uwumbɔr aabɔr, ki kpa limɔr, ni tibulchinn, ki gbii Uwumbɔr Aafuur Nyaan, ki gee binib mbamɔm,

2 Korenti 8:8

Maah len pu na, naa ye ke m muk nimi ke ni tii. M tuk nimi ke Yesu aanib biken aanimbil man ke bi tii u ipiin, ke m bee ni mu aah gee u pu na.

1 Tesalonika 2:3

Taah tuk nimi waabɔnyaan ngbaan na, tibɔr ngbaan aa ye nnyamɔn. Taa ŋmann nimi. Ti nan bi chain la.

1 Tesalonika 5:15

Ni taa cha unii ubaa teen uken waah ŋa bakaa u na pu. Pɔɔn nibaa man ki li ŋani tɔb, ni binib mɔmɔk tibulchinn, n‑yoonn mɔmɔk.

1 Tesalonika 5:21

Ni li lik tibɔr mɔmɔk aah bi pu na, ke ti ŋan aan taa ŋan, ki li joo ti ŋan na mbamɔm.

1 Timoti 1:5

M tuk si ke aa sur bi kina; ba pu? m ban ke Yesu aanib aasui li bi chain, ki ban ke bi bee bisui ni ke titunwanbir aa bi bi chee, ki gaa Yesu ki kii mbamɔm, ki li gee tɔb.

Hiibru Yaab 1:9

Aa gee lituln li ŋan na, le kaa gee titunwanbir. Nima pu le Uwumbɔr u ye Saawumbɔr na lee si, ki tii si mpopiin ki jer aaŋeen aatɔtiib mɔmɔk.”

Hiibru Yaab 12:14

Ni mɔmɔk pɔɔ nibaa ki li kpa kimɔbaan man, ki li bi chain. Unii umɔk kaa ye chain na aan kan Tidindaan.

Jemisi 3:17

Le unii u kpa nlan mu nyan ni Uwumbɔr chee na, u bi chain, ki kpa nsuudoon, ni mbimbisuuna, ki ŋun tii binib, ki kpa linimbaasaln sakpen, ki tun litunyaan sakpen, kaa kpa imaagann, ki ye mbamɔndaan.

1 Piita 1:22

Ni kii Uwumbɔr aabɔr ti gbii na la. Nima le cha nimi aabimbin bi chain. Le ni sil gee ninaabitiib. Nima pu na, ni li beenin gee tɔb mbamɔm.

1 Piita 4:8

Tiwan ni jer tiwan mɔmɔk na le ye ke ni li gee tɔb mbamɔm; ba pu? aa yaa gee unii kan, aa ga di cha pinn u titunwanbir pam.