Rom Yaab 12:11 - Uwumbɔr aagbaŋ

¹¹ Ni taa li san ligbanyakl man. Cha ninimbil li man Tidindaan aatuln pu,

UWONBƆR A GBƆNPƆŊ LIKƆƆNL

¹¹ Ni laa san ligbanyagili, amaa wee ki li ŋmag kinaaŋin ni sufu ni, ki li tun tenn Uyudaan na.

Rom Yaab 12:11 ပူးပေါင်းရင်းမြစ်များ

Nnyam 5:17

Le ubɔr bui bi ke, “Ni san ligbanyakl la, le kaa ban ni tun lituln, nima le ni kpa mpaan ki mee nsan ke m cha ni buen ti toor kitork tii Uwumbɔr.

Ŋiyataŋak 10:26

Taa cha ugbanyakdaan ŋa lituln libaa tii si; u ga li bi ke tiwan ni mɔɔn na aah koo aamɔb ni kan, ni bi pu na, bee iŋmanyuu aah koo aanimbil ni kan, ni bi pu na.

Ŋiyataŋak 13:4

Ugbanyakdaan yaa po gee u li neen tiwan sakpen pu na kan, waan ŋmaa kan ni. Unii u tun sakpen na ma ga kan waah ban pu na mɔmɔk.

Ŋiyataŋak 18:9

Ugbanyakdaan aa ŋan ke unii u bii tiwan na aah kaa ŋan pu na la.

Ŋiyataŋak 22:29

Unii u bi ki tun waatuln mbamɔm na jer binib biken, le ki ga li ye bibɔrb aajɔ.

Ŋiyataŋak 31:15

U finn ngeen pu lichakpitaawoln le ki ŋa tijikaar siin waadichal ni aanib, le ki mɔk waanaagbiisapɔm baatun.

Ulandaan 9:10

Aa yaa bi tun lituln limɔk na kan, di saapɔɔn mɔmɔk tun li, ba pu? lituln, ni ilandak, ni ichiin, ni Uwumbɔr do aalan aa bi kitekpiitiŋ ni. Nima chee mu le aa cha.

Aisaya 56:10

U bui ke, “Israel yaab aakikiirb mɔmɔk ye bijoom la. Ni ye baatuln ke bi sur maanib, le baa nyi nibaa. Bi naahn ibɔja i kaa gbei na la, bi po dɔ geen la, le ki daŋni tidaŋ. Bi gee ngeen jer tiwan mɔmɔk.

Matiu 24:12

Le titunwanbir ga li wiir. Nima le binib pam aan ki li gee mi ke baah nan gee mi njan pu na.

Matiu 25:26

“Le udindaan bui u, ‘Utunwanbirdaan umina, ugbanyakdaan umina, aa bui ke aa nyi mbɔr ke maah kaa bun ni na, m chee nima la, maah kaa poo ti na, m faa tima la.

Lituln 18:25

Binib nan tuk u Tidindaan Yesu aasan aabɔr, le unimbil man tibɔr ngbaan pu. U nan len binib chee, ki tuk bi Yesu aabɔr mbamɔm. U mu aa nyi Yesu aah gbiini binib Uwumbɔr Aafuur Nyaan pu na. U po nyi Jɔnn aah nan muini binib nnyun ni pu na la.

Lituln 20:19

Ni nan bee ke m sunn mbaa taab, ki tun Tidindaan aatuln ni tinyunyunn, ki kan falaa Juu yaab chee, baah kpokl n‑yoonn mɔmɔk ke bi ŋa mi bakaa pu na.

1 Korenti 7:22

Tidindaan mu yaa yin unii u ye unaagbiija na kan, u ye Tidindaan aanii u u gaa u lii na la. Kina le ni ye ke Tidindaan yaa yin unii u kaa ye unaagbiija na kan, u ye Kristo aanaagbiija la.

Efesusi 4:28

Binaayukb taa ki su. Cha bi di biŋaal tun lituln li ŋan na linimaln, aan ki kan baah ban pu na, ki tii bigiim mu.

Kolosiya 4:1

Dindatiib, ni li ŋani nimi aanaagbiib mbamɔm; ba pu? ni nyi ke ni mu kpa Dindaan paacham.

1 Timoti 5:13

Ki ki kpee na, bi ga li san ligbanyakl, ki ga li chaa ŋidichal ŋidichal ni. Naa ye ke bi ga li san ligbanyakl baanja la, bi ga li ye bibɔtukb la, ki ga li koo binib aabɔr ni, ki ga len naah kaa ba ŋan bi len pu na.

Hiibru Yaab 12:28

Ti ga ji nnaan mu ga li bi n‑yoonn mu kaa kpa ndoon na. Nima pu na, cha ti doon Uwumbɔr, ki tun lituln li ga piir usui na tii u, ki li pak u, ki li san u ijawaan.

Jemisi 5:16

Nima pu na, ni kpiir nimi aatunwanbir ki tuk tɔb, ki mee Uwumbɔr tii tɔb, aan u tii nimi laafee. Unii u dii Uwumbɔr aasan mbamɔm na yaa mee Uwumbɔr linimaln kan, waameel kpa mpɔɔn sakpen.

1 Piita 1:22

Ni kii Uwumbɔr aabɔr ti gbii na la. Nima le cha nimi aabimbin bi chain. Le ni sil gee ninaabitiib. Nima pu na, ni li beenin gee tɔb mbamɔm.

1 Piita 4:8

Tiwan ni jer tiwan mɔmɔk na le ye ke ni li gee tɔb mbamɔm; ba pu? aa yaa gee unii kan, aa ga di cha pinn u titunwanbir pam.

Tibɔkpiirkaan 2:4

Tɔ, m mu galn nimi; ba pu? naa ki gee mi ke naah nan gee mi njan pu na.