Rom Yaab 11:22 - Uwumbɔr aagbaŋ

²² Ni kan Uwumbɔr aah ŋan pu na, ki kan waah dar binib aatafal pu na. U dar binib bi kaa kii tii u na aatafal la, le ki ŋa nimi tiŋann. Ni yaa beenin dii u kan, u ga li beenin ŋani nimi tiŋann. Ni yaa kaa beenin dii u kan, u ga di ni mu lii la.

UWONBƆR A GBƆNPƆŊ LIKƆƆNL

²² Lig Uwonbɔr kaah jɔɔ nbinben ŋan nin inunkoon man: U nunkoon yin tɔɔ ban lu-n bu le, amaa le u binben ŋamin tɔɔ a bu, ni ye a le laa be nin U binben ŋam nmɔn ke. Naa ye man ke U li gaa fin tɔɔl gab.

Rom Yaab 11:22 ပူးပေါင်းရင်းမြစ်များ

Ilahn 31:19

Saah ŋa tiwan ni tii binib bi nyuŋ si na kpa iwaan. Unii mɔmɔk nyi saah ŋan pu na, ki nyi saah kii binib bi tii si naadii na pu na.

Aisaya 66:14

Ni yaa kan nimina ŋa kan, ni ga mɔɔr nimi ki tii nimi mpɔɔn ni laafee. Le ni bee ke min Uwumbɔr ter binib bi kii maamɔb na, ki mɔk maadim maaŋuul.”

Esekiel 18:24

“Tɔ, uninyaan yaa di cha waatunyaan aatum ki piin ki tun titunwanbirdam aatun ŋi mɔmɔk sukr ponn ni na kan, u ga li beenin kpa limɔfal aa? Aayii. Maan ki teer waatunyaan na mɔmɔk libaa bɔr. U ga kpo waah kaa dii maamɔkm pu na ni waatunwanbir pu la.

Esekiel 3:20

“Unibamɔnn ubaa yaa piin ki bi tun titunwanbir aan m di u siin mbimbin mu bir na ni, aan saa sak u kan, u ga kpo. Waatunwanbir pu le u ga kpo, maan teer waatunyaan na bɔr, le m ga chuu si taani waakun pu.

Tibɔnyaan ti Luk ŋmee ti na 8:15

Mu lir kitiŋ ki ŋan na ponn ni na le ye binib bi aasui ŋan ki ye mbamɔn na, ki ŋun Uwumbɔr aabɔr, ki joo ti mbamɔm, ki kpa limɔr, ki dii Uwumbɔr kaa di cha na.”

Jɔnn 15:2

Ibon imɔk bi m pu kaa lu ŋisubil na, u ga per i lii. Ibon imɔk lu ŋisubil na, u ga toor i, i moo lu ŋisubil.

Jɔnn 8:31

Le u tuk Juu yaab bi gaa u ki kii na, “Ni yaa beenin joo maamɔbon kan, ni sil ye maadidiliib la.

Lituln 11:23

U nan ye unibamɔnn, ki gaa Yesu ki kii mbamɔm, ki gbii Uwumbɔr Aafuur Nyaan. Le u di ti fuu nima. Waah ti fuu nima, ki kan Uwumbɔr aah san binib ngbaan kinimbaak pu pu na, le ni ŋa u mpopiin. Le u sur bi mɔmɔk ke bi cha binimbil li man bi dii Tidindaan aasan mbamɔm. Le binib pam gaa Tidindaan ki kii ki kpee waanib pu.

Lituln 14:22

Baah dii ntim ngbaan ni na, le bi pɔɔk Yesu aanib aataakpab, ki toor tuk bi Uwumbɔr aabɔr, le ki tuk bi ke bi sil Yesu aachaŋ ni, ke binib yaa ban bi koo Uwumbɔr aanaan ni kan, bi ga ji falaa sakpen le ki nin koo ni.

Rom Yaab 11:21

U nan daa Juu yaab aatafal. Ni li nyi ke u ga ŋmaa daa ni mu aatafal.

Rom Yaab 2:7

Binib bi kpa limɔr ki tun lituln li ŋan na, ki ban mpakm, ni nnyuŋ, ni limɔfal li kaa kpa ndoon na, bima le Uwumbɔr ga tii bi limɔfal li kaa kpa ndoon na.

1 Korenti 15:2

Tibɔnyaan ngbaan mu pu le ni ŋmar. Ni yaa joo maah tuk nimi ti na mbamɔm, ki yaa kaa gaa ti ki kii fam kan, ni ŋmar a.

Galantiya 6:9

Cha ti tun litunyaan ki taa di cha; ba pu? ti yaa kaa di cha kan, ni nan saa naayoonn kan, ti ga kan lituln ngbaan aanyoor.

1 Tesalonika 3:5

Le maa ki ŋmaa mɔr. Nima le cha m tun ni Timoti ni chee, ke u nan lik ke ni beenin dii Yesu mbamɔm aan naa dii. Ni muk mi la, m dak ke nibaakan kinimbɔŋ tɔŋ nimi, ki ŋa timi aatuln yɔli.

1 Tesalonika 3:8

Ni yaa dii Tidindaan aasan ni, kaa di cha kan, nima le ti fuur.

Hiibru Yaab 10:23

Taah bui ke ti kpa limakl na, cha ti li joo limakl ngbaan iŋaal ilee ki taa joo beeni. Ba pu? Uwumbɔr u puu tipuur tii timi na ga sil tii timi waah puu tipuur ti na.

Hiibru Yaab 3:14

Ti yaa beenin tii u naadii ke taah nan tii u naadii njan pu na ki ti saa ndoon kan, ti ga ji waamɔɔn.

Hiibru Yaab 3:6

Kristo ma kan, u ye Uwumbɔr Aajapɔɔn, le ki joo Uwumbɔr aamaal mbamɔm. Timi le ye waamaal ni aanib. Ti yaa kpa lipobil ni mpopiin ki ti saa ndoon kan, ki yaa kaa joo beeni kan, ti ye waamaal yaab la.

1 Jɔnn 2:19

Binib bi ye Kristo aadim na nyan ti chee. Bi mu aa nan ye timi aanib. Bi yaa ba ye timi aanib kan, bi ba ga li beenin bi ti chee. Bi nyan ti chee ke ti bee ke bi ponn ni ubaa aa ye timi aanii.

Tibɔkpiirkaan 2:5

Teer man naah nan bi pu, kaa ki bi kina dandana wee na, ki kpeln nimi aabimbin man, ki ki li ŋani ke naah nan ŋani njan pu na. Ni yaa kaa kpeln nimi aabimbin kan, m ga dan ni chee ki nan chuu nyan nimi aakaryaa ngbaan, le naan ki li ye maanib.