Rom Yaab 11:18 - Uwumbɔr aagbaŋ

¹⁸ Nima pu na, ni taa li kpa kipupuk ke ni jer bi. Ni ga ŋa kinye ki li kpa kipupuk? Ni po ye ibon la. Naa joo inyaan, inyaan le joo nimi. Juu yaab pu le ni ŋmar, naa ye nimi pu le cha Juu yaab ŋmar.

UWONBƆR A GBƆNPƆŊ LIKƆƆNL

¹⁸ ni laa far igbingban ibon nmɔn bu. Ni ye ni far igbingban ibon nmɔn bu ke, ni li nyi ke: Nim ban ye ibon nin kaa ter lisibonlin ni, amaa lisibonlin li ter ni.

Rom Yaab 11:18 ပူးပေါင်းရင်းမြစ်များ

1 Bibɔrb 20:11

Ubɔr Ahab nan gar bi ke, “Ti bui Ubɔr Ben‑Hadad ke butɔb aajabamɔnn kpa kipupuk butɔb aapuwɔb la, naa ye butɔb aah laa choo pu na.”

Ŋiyataŋak 16:18

Kipupuk joo ni libiil la, le kigaak joo ni nkun.

Matiu 26:33

Le Piita bui u, “Bi mɔmɔk yaa san ki cha si kan, mma aan san cha si.”

Jɔnn 10:16

M kpa ipiih iken i kaa ye kibɔkpuŋ kee ponn ni aapiih na. M ga li joo ni i mu. Le i ga ŋun maaneel. I mɔmɔk ga ŋa ipihbaan la, ki ga li kpa upihdaan ubaa la.

Jɔnn 4:22

Nimi Samaria yaab dooni Uwumbɔr u naa nyi u na. Timi Juu yaab ma dooni Uwumbɔr u ti nyi u na la. Unii u ga gaa dulnyaa ni aanib lii na nyan ni Juu yaab aakaasisik ni la.

Lituln 25:7

Juu yaab bi nyan ni Jerusalem na mu nan bi nima. Pɔɔl aah fuu ni na, le bi sil goln u, ki bii u ki ti nyaŋ. Le baa ŋmaa mɔk ke baah len pu na gbii.

Rom Yaab 11:20

Ni ye mbamɔn, Juu yaab aah kaa gaa Yesu Kristo ki kii na, nima le cha Uwumbɔr di bi lii. Nimi le gaa u ki kii. Nima le ni leŋ baaleleŋ. Ni taa li kpa kalmbaani. Ni li san Uwumbɔr.

Rom Yaab 3:27

Tɔ, ba pu aan ti ga li kpa kipupuk? Taan li kpa kipupuk nibaa pu. Ba pu? Naa ye ke ti dii Uwumbɔr aakaal mbamɔm le cha u gaa timi lii, taah gaa Yesu ki kii na, nima le cha u gaa timi lii.

Rom Yaab 4:16

Nima le Uwumbɔr puu tipuur tii binib bi gaa u ki kii na. Uwumbɔr aah gee binib pu na, nima le u tii Abraham aayaabitiib mɔmɔk waah nan puu tipuur ti na. U ga tii Abraham aayaabitiib bi ye Juu yaab ki gaa u ki kii na, ni binib bi kaa ye Juu yaab ki mu gaa u ki kii na ke Abraham aah nan gaa u ki kii pu na. Abraham ye timi bimɔk gaa Uwumbɔr ki kii na aayaaja la.

1 Korenti 10:12

Nima pu na, unii u dak ke u si chob na, u li nyi ki taa lir.

Galantiya 3:29

Ni ye Kristo aanib la. Nima le ni ye Abraham aayaabitiib. Le ni ni u ga kan tiwanyaan ni Uwumbɔr nan puu tipuur ke u ga tii nimi paacham na.