Rom Yaab 1:26 - Uwumbɔr aagbaŋ

²⁶ Baah yii Uwumbɔr na, nima le u siir cha bi. Le bi tun inimɔɔn aatuln, bisui aah ban pu na. Bipiib di biŋeen aatɔtiib kpaln bijab, ki doo bi chee.

UWONBƆR A GBƆNPƆŊ LIKƆƆNL

²⁶ Ni niɛ nan bu, Uwonbɔr nyan U num ki jiɛn bi per bi fai a kɔlisa nmɔn. Hali gbaa bi yaa piib kpenn le ki dɔɔ nin bi piitab ki jiɛn bijab.

Rom Yaab 1:26 ပူးပေါင်းရင်းမြစ်များ

Mpiin 19:5

Bi nan tar, le ki baa Lot ke, “Bijab bi bi aado kinyeek kee na bi la chee? Nyan bi tii ni timi. Ti ban ti doon bi chee la.”

Ilahn 81:12

Kina pu le m cha bi kpa tafalaaŋun le ki ŋani baah gee pu na.

Rom Yaab 1:24

Nima le Uwumbɔr di cha bi, le bi dii bisui aah ban pu na, ki tun tijɔŋ aatuln, ki tun lituln li jinni biwon inimɔɔn na. Bi yii Uwumbɔr u ye mbamɔn na, ki dii ŋiwaa.

Rom Yaab 1:28

Baah kaa gee ke bi li nyi Uwumbɔr na, le u siir cha bi. Le bi dak ilandak i ye fam na, ki tun lituln li kaa ŋan na,

1 Korenti 6:9

Naa nyi ke binib bi aabimbin kaa ŋan na aan kan Uwumbɔr aanaan aa? Ni taa ŋmanni nibaa man; bibɔnbɔnn, ni biwaadam, ni bidagoob, ni bijab bi di biŋeen aatɔtiib kpaln bipiib ki doo bi chee na, ni bijab bi mu di bibaa ŋa bipiib ki cha bijab ŋeen aatɔtiib doo bi chee na,

Efesusi 4:19

Binimbil man kidagook ni tijɔŋ aatuln pu la. Baalandak aa ki muk bi titunwanbir pu.

Efesusi 5:12

Ti yaa po len baah tun lituln li libɔɔl ni na aabɔr kan, ni ye inimɔɔn la.

1 Tesalonika 4:5

Ubaa taa cha bipiib aakpeek li bi u ni, ke binib bi kaa nyi Uwumbɔr na aah bi pu na.

1 Timoti 1:10

ni binib bi gɔr kidagook na, ni bijab bi yii bipiib ki ban bijab na, ni binib bi chur biken tinaagbiir na, ni binib bi chuun mɔni inyamɔn na, ni binib bi puur Uwumbɔr yɔl yɔl na, ni binib bi ŋani tiwan ni kaa dii mmɔkm mu ŋan na. Nkaal ngbaan bi titunwanbir timina mɔmɔk pu la.

Juud 1:10

Bibiindam ngbaan ma seei Uwumbɔr aatuuntiib la, kaa nyi baah bi pu na. Bi ŋani bisui aah gee pu na, ke ipeel i kaa dak ilandak na aah ŋani pu na. Nima le Uwumbɔr ga daa bitafal.

Juud 1:7

Teer man, Sodom ni Gomora aatim, ni itingbaan na aanib bi nan gɔr kidagook, ki mu yii bipiib ki ban bijab na aabɔr. Uwumbɔr nan daa bitafal, ki di bi ŋa mmii mu kaan junn na ni, ni le ye nsurm ki tii titunwanbirdam mɔmɔk.

Bibɔjirb 19:22

Bi nan bi ji ki mɔɔni, le bininsum bibaa nyan ni kitiŋ ni ki nan kpaan gob lidichal ngbaan ti ton ki gbaa jaaleŋ. Bi nan bui ujaninkpel ngbaan ke, “Nyan ni uja u ba dii si kun ni na. Ti ban ti doon u chee la.”