Rom Yaab 1:23 - Uwumbɔr aagbaŋ

²³ Baa ki dooni Uwumbɔr u nyuun ki bi n‑yoonn mu kaa kpa ndoon na. Bi ŋa binibɔm aanaŋ, ni inyoon aanaŋ, ni iwaa aanaŋ, ki dooni ŋiwaa ngbaan.

UWONBƆR A GBƆNPƆŊ LIKƆƆNL

²³ ni ma che bi kpenn Uwonbɔr wan kaa kpegin a jilima ki ta sei tiwann mann wan tan wee bi mann wee ti nann uninfo wan kpeg nin nnɔɔm nin tiwankor nin tiwann tan fuul.

Rom Yaab 1:23 ပူးပေါင်းရင်းမြစ်များ

Ilahn 106:20

bi nan di Uwumbɔr aapak tii kiwakork ki ŋmɔ timoor na aanaŋ.

Aisaya 40:18

Ti ga di Uwumbɔr ŋaŋ ŋma? Aa ga ŋa kinye ki mɔk waah bi pu na?

Aisaya 40:26

Waan lik kitaapaak man. Ŋma naan iŋmabi i ni waa i na? U lolni i pu nsan ke bijab bi cha butɔb na la, ki nyi yaa wiir pu na, ki yin i mɔmɔk ni yaayimbil la. Waapɔɔn aah nyaŋ sakpen pu na, i ponn ni ubaa aa wɔŋni.

Aisaya 44:13

Ukpikpiir ga ŋaŋ waadɔgeln, le ki di linaakumbɔln naan tiwan ni u ban na, ki di waachɔk kpii ni, ki kpii ni ke unibɔn nyaan na, ke u di siin udo.

Jeremia 2:11

Litimbol libaa aa kee kpeln laawaa ŋi kaa ye nibaa na, le maanib ma di min Uwumbɔr u tii bi liyimbil na kpeln ŋiwaa ŋi kaan ŋmaa ŋa nibaa tii bi na.

Esekiel 8:10

M nan buen ki ti lik. Bi nan naan ikuub ni tiwakor ti kɔ na ŋmeen, ni Israel yaab aah dooni tiwan niken ni na ŋmeen le gbiin ŋigon ngbaan pu.

Lituln 10:12

Ipeel, ni iwaa, ni tiwan nimɔk baar kitiŋ na, ni inyoon mɔmɔk aabɔŋ nan bi likekeln ngbaan pu.

Lituln 17:29

Taah ye Uwumbɔr aabim na, taa cha ti li dak ke Uwumbɔr aabimbin bi ke ŋiwaa na. Ŋiwaa po ye ŋitakpal le bi kpii ŋi, bee salmaa, bee tikunabr le bi di mɔɔ ŋi.

Rom Yaab 1:25

Bi dooni tiwan ni Uwumbɔr naan ni na, ki dii ni, kaa dooni Uwumbɔr u naan tiwan mɔmɔk na, kaa dii u. Uma Uwumbɔr le yeh mpakm n‑yoonn mu kaa kpa ndoon na. Amii.

1 Korenti 12:2

Ni nyi ke naah kaa nan kee dii Uwumbɔr aasan na, ni nan dii ŋiwaa ŋi ye bibirb na. Ŋi nan cha ni yenni n‑yoonn mɔmɔk la.

Ikaal 5:8

“‘Ni taa naan tiwan nibaa ki di naŋ paacham aawan nibaa, bee kitiŋ aawan nibaa, bee nnyun ni aawan nibaa, ke ni doon ni.

1 Piita 4:3

Ni nan tun titunwanbir n‑yoonn mu jer na; ni ŋeer kina. Ni nan ŋani ke binib bi kaa nyi Uwumbɔr na aah ŋani pu na, ki dii bipiib, ki dii tiwan ni kaa ŋan na aakpeek, ki nan kuuni tɔb ki nyun ndaan gbii, ki tun lituln li kaa ŋan na, ki dii ŋiwaa ŋi sukr ponn ni na.

Tibɔkpiirkaan 9:20

Binib bi gur kaa kpo iween ngbaan pu na aa kpeln baabimbin, kaa di cha baah ŋani ŋiwaa ŋi na. Bi beenin dooni tininkpiwanbir, ni ŋiwaa ŋi bi nan di salmaa, ni tikunabr, ni tikur, ni ŋitakpal, ni idɔ naan ŋi na, ŋiwaa ŋi kaa waa, ki mu aa ŋun tibɔr, ki mu aa ŋmaa chuun na.