Rom Yaab 1:20 - Uwumbɔr aagbaŋ

²⁰ Buyoonn Uwumbɔr nan naan dulnyaa wee ki nan saa dandana wee na, binib kani waabimbin aah bi pu na. Naa ye ke binimbil le kan u. Bi kan tiwan ni u naan ni na, ki kan ke u kpa mpɔɔn mu kaan doo na, ki sil ye Uwumbɔr. Nima le baan ŋmaa len ke baa nyi.

UWONBƆR A GBƆNPƆŊ LIKƆƆNL

²⁰ Uwonbɔr kaah nan naan dulinya n-yonn man nin, le bininfob kan Uwonbɔr wan kaa ga-n a binbem, nin U Pɔɔm man kaa jɔɔ diɛmin, le U wonaaŋin ji che bininfob biɛ U, ni bu baa jɔɔ nan wee bi li ta pag ke baa nyi.

Rom Yaab 1:20 ပူးပေါင်းရင်းမြစ်များ

Mpiin 1:1

Mpiin na Uwumbɔr nan naan kitiŋ,

Mpiin 21:33

Beerseba aanyunbun ngbaan chee le Abraham nan ŋum busub bu aafar aa gbaar n‑yoonn mɔmɔk na, le ki doon Tidindaan Uwumbɔr u bi kaa kpa ndoon na.

Job Aagbaŋ 12:7

Inyoon ni ipeel kpa tiwan sakpen i di mɔk nimi,

Ilahn 104:31

Uwumbɔr aapak ga yunn ki ti saa n‑yoonn mu kaa kpa ndoon na. Uwumbɔr aasui ga li piin waah naan tiwan ni na pu.

Ilahn 104:5

Aa di kitiŋ nyal siin kaabuul ni, le kaan ki foor daalbaadaal.

Ilahn 119:90

Saabamɔn ga li bi ki ti saa n‑yoonn mu kaa kpa ndoon na; aa baa kitiŋ siin libubaan ni, le kaan ki ŋmaa foor.

Ilahn 139:13

Sin le naan nwon mɔmɔk; aa di mi kpaan tɔb ni, nna aaponn ni.

Ilahn 8:3

M yaa lik kitaapaak ki aa naan na, ni uŋmal, ni iŋmabi, i aa di kaan yaabuu ni na kan,

Ilahn 90:2

Waahr aan aa nin naan ŋigongon ni dulnyaa na, aa nan ye Uwumbɔr u kaa kpa ndoon na, ki ga li beenin ye Uwumbɔr ki ti saa n‑yoonn mu kaa kpa ndoon na.

Aisaya 26:4

Tiin man Uwumbɔr naadii n‑yoonn mɔmɔk; u ga li kii timi n‑yoonn mɔmɔk.

Aisaya 40:26

Waan lik kitaapaak man. Ŋma naan iŋmabi i ni waa i na? U lolni i pu nsan ke bijab bi cha butɔb na la, ki nyi yaa wiir pu na, ki yin i mɔmɔk ni yaayimbil la. Waapɔɔn aah nyaŋ sakpen pu na, i ponn ni ubaa aa wɔŋni.

Aisaya 9:6

Bi ma ubo tii timi. Bi tii timi ubijabo. Le u ga li ye timi aajojoor. Waayimbil ga li ye ke, “Lijinjiir Aasusur,” ni “Mpɔɔn mɔmɔk Aawumbɔr,” ni “N‑yoonn mu kaa kpa ndoon na Aate,” ni “Nsuudoon Aabɔrbo.”

Jeremia 5:21

Li pel man, nimi bijɔrb ni bilatiirb bi kpa ŋinimbil kaa waa na, ki kpa ŋitafal kaa ŋun na.

Jeremia 51:15

Uwumbɔr di waapɔɔn le naan kitiŋ kee, waalan le u di naan dulnyaa le ki daa taln kitaapaak.

Matiu 5:45

Ni yaa ŋani kina kan, ni ga li ye Nite Uwumbɔr u bi paacham na aabim; uma le cha waawiin puur ki woln tiniwanbir ni bininyaam pu, ki cha utaal nu ki tii binib bi ŋan na, ni binib bi kaa ŋan na.

Tibɔnyaan ti Mak ŋmee ti na 10:6

Uwumbɔr le aa len kina. Buyoonn u nan naan dulnyaa wee na, u nan naan uja ni upii.

Jɔnn 1:18

Ubaa aa kee kan Uwumbɔr. Ujapɔnbaal Yesu Kristo, u bi ke Ute Uwumbɔr aah bi pu na, ki bi u chee na, uma le tuk timi Uwumbɔr aah bi pu na.

Jɔnn 15:22

M yaa kaa ba dan dulnyaa ni ki nan tuk bi maabɔr kan, baa ba ga li kpa taani; naah bi pu na, bi kpa taani; ba pu? maah tuk bi maabɔr na, baan ki ŋmaa len ke baa nyi ti.

Lituln 17:29

Taah ye Uwumbɔr aabim na, taa cha ti li dak ke Uwumbɔr aabimbin bi ke ŋiwaa na. Ŋiwaa po ye ŋitakpal le bi kpii ŋi, bee salmaa, bee tikunabr le bi di mɔɔ ŋi.

Lituln 22:1

U nan len ke, “Ntetiib ni nnaabitiib, li pel man, ki cha m tuk nimi maabamɔn.”

Rom Yaab 1:19

Uwumbɔr gee liŋuul bi pu la; ba pu? waabɔr ti binib ga ŋmaa bee ti na bi mpaan pu. Uwumbɔr le di ti mɔk bi.

Rom Yaab 16:26

Dandana wee, ti nyan mpaan pu. Uwumbɔr aabɔnabtiib nan ŋmee ti waagbaŋ ni. Uwumbɔr, u bi n‑yoonn mu kaa kpa ndoon na le siin ke ŋinibol mɔmɔk ŋun tibɔnyaan ngbaan, aan ki bee, ki tii u naadii, ki kii waamɔb.

Rom Yaab 2:1

Tɔ, si u galni binib biken na, saan ŋmaa len tibaa ki nyan aabaa tibɔr ni Uwumbɔr chee; ba pu? aa mu ŋani kina la. Saah galni bi na, le ni mɔk ke saabɔr mu bii; ba pu? si u galni bi na, aa mu ŋani ke baah ŋani pu na la.

Rom Yaab 2:15

Baah ŋani pu na, nima le mɔk ke Moses aakaal aah len pu na bi bisui ni. Bisui ponn ni, bi nyi ni ŋan na, ni ni kaa ŋan na. Nima le baalandak bii bi n‑yoonn mubaa, ki pak bi n‑yoonn mubaa mu.

1 Korenti 1:20

Bilankpalb bi la? Binibiwolm mu bi la? Dandana aanib bi kpak kinikpakpak na mu bi la? Uwumbɔr cha dulnyaa wee aalan ŋa yɔli.

Ikaal 33:27

Uwumbɔr le nyaŋni ki kii nimi n‑yoonn mɔmɔk. U joo uŋaal mu bi, kaa kpa ndoon na le kii nimi. Naah tur koo nimi aadim ponn ni ki cha na, le u jenn nyan bi tii nimi, le ki bui nimi ke ni kuln bi mɔmɔk.

Ikaal 4:19

Ni taa cha nibaa tɔŋ nimi aan ni li dooni tiwan ni ni waa kitaapaak, ni ye nwiin, ni uŋmal, ni iŋmabi na. Nidindaan Uwumbɔr le di tiwan nimina mɔmɔk tii binib bi mɔmɔk bi dulnyaa wee ni na.

Kolosiya 1:15

U ye Uwumbɔr u taa waa u na aanaŋ, ki ye tiwan nimɔk Uwumbɔr naan ni na Aayidaan;

Kolosiya 2:9

Uwumbɔr aabimbin mɔmɔk bi Yesu Kristo aawon ni.

1 Timoti 1:17

Cha ti pak Uwumbɔr, ki nyuŋ u. Uma le ye Uwumbɔr baan; tinimbil aa waa u; u ye Ubɔrkpaan u ga li bi n‑yoonn mu kaa kpa ndoon na, kaan kpo. Amii.

1 Timoti 6:16

Uma baanja le ye limɔfal li kaa kpa ndoon na Aadindaan. U bi nwiihn ni la. Ubaa aan ŋmaa duun mu ni. Ubaa aanimbil aa kee kan u. Ubaa mu aan ŋmaa kan u. Cha binib mɔmɔk nyuŋ u, ki kii waamɔb n‑yoonn mu kaa kpa ndoon na. Amii.

Hiibru Yaab 11:27

Waah nan gaa Uwumbɔr ki kii pu na le u nan nyan Ijipt aatiŋ ni, kaa san ubɔr na aah gee liŋuul pu na. Ni naahn ke u waa Uwumbɔr u unibɔn aanimbil aan ŋmaa kan u na la. Nima le u nan kpa limɔr le ki sil mbamɔm.

Hiibru Yaab 9:14

Nimina yaa nan ŋa tiwon chain kan, Kristo aasin ga ter timi, ki jer kina. Uwumbɔr Aafuur Nyaan mu bi n‑yoonn mu kaa kpa ndoon na aapɔɔn pu, u nan di ubaa toor kitork ki kaa kpa ngalm na tii Uwumbɔr. Waasin ga nyan titunwanbir ti ga ku timi na tisui ni, aan ti dii Uwumbɔr u ye limɔfadaan na.