Rom Yaab 1:18 - Uwumbɔr aagbaŋ

¹⁸ Uwumbɔr mɔk binib ke u gee liŋuul titunwanbirdam pu; bi tun lituln li kaa ŋan na, kaa dii u. Baabiin pu le bi yii mbamɔn.

UWONBƆR A GBƆNPƆŊ LIKƆƆNL

¹⁸ Uwonbɔr a ŋuufiiŋ nyan papaab ki kpiir ban kaa jɔɔ Uwonbɔr nin bipootondam buu, ban jɔɔ bipootom ki deginn ibamɔn nin bu-n,

Rom Yaab 1:18 ပူးပေါင်းရင်းမြစ်များ

Nnyam 23:7

Ni taa gii inyamɔn ki paan unii ki galn u, ki taa ku unii u kaa kpa taani na; ni yaa ŋa kina kan, m mu ga bii unii u ŋa mbiin ngbaan aaboln na.

Rom Yaab 1:19

Uwumbɔr gee liŋuul bi pu la; ba pu? waabɔr ti binib ga ŋmaa bee ti na bi mpaan pu. Uwumbɔr le di ti mɔk bi.

Rom Yaab 1:28

Baah kaa gee ke bi li nyi Uwumbɔr na, le u siir cha bi. Le bi dak ilandak i ye fam na, ki tun lituln li kaa ŋan na,

Rom Yaab 1:32

Bi nyi ke Uwumbɔr len ke binib bi ŋani kina na ŋeer nkun, le bi tee beenin ŋani kina, ki len ke binib yaa ŋani kina kan, naa bir.

Rom Yaab 2:3

Si u ŋani kina na, ki galni biken bi ŋani kina na, aa dak ke Uwumbɔr aan daa aatafal aa?

Rom Yaab 3:9

Tɔ, timi Juu yaab ŋan ki jer binib bi kaa ye Juu yaab na aa? Taa jer bi. M nan mɔk nimi ke binib bi ye Juu yaab na, ni bi kaa ye Juu yaab na mɔmɔk ye titunwanbirdam la.

Rom Yaab 4:15

Binib aah bii nkaal na, le Uwumbɔr gee liŋuul bi pu. Nkaal aah kaa bi nin chee na, binib aa bii nkaal.

Rom Yaab 5:6

Naah nan ŋeer na, le Kristo nan kpo timi bi ye titunwanbirdam na pu, taah kaa kpa mpɔɔn buyoonn na.

Rom Yaab 5:9

Kristo aasin pu le Uwumbɔr len ke timi aabɔr ŋan. Ŋmaninkabaa taah ga nya ntafadaan mu ponn ni u pu na?

Rom Yaab 6:13

Ni taa di nimi aawon tii titunwanbir, ki taa tun lituln li kaa ŋan na. Ni di nibaa tii Uwumbɔr, ke binib bi fikr nkun ni na, ki di nimi aawon tii Uwumbɔr, ke ni tun lituln li ŋan na ki tii u.

Efesusi 5:6

Titunwanbir timina aaboln pu, le Uwumbɔr gee liŋuul binib bi kaa kii waamɔb na pu. Ni taa cha unii ubaa ŋmann nimi ki tuk nimi ke naa bir.

Kolosiya 3:6

Binib bi yii Uwumbɔr aamɔb ki tun titunwanbir timina na, u ga daa bitafal.

2 Tesalonika 2:10

ki li kpa nlan mu kaa ŋan na ke u ŋmann binib bi Uwumbɔr ga daa bitafal na. Bi yii Uwumbɔr aabɔr ti ga cha bi ŋmar na, kaa gee ti. Nima le Uwumbɔr ga daa bitafal.

2 Tesalonika 2:6

Le ni nyi tiwan ni kiir titunwanbirdaan ngbaan dandana wee na. Waayoonn yaa nan fuu ni kan, u ga nya mpaan pu.