Tibɔkpiirkaan 7:14 - Uwumbɔr aagbaŋ

¹⁴ Le m bui u ke, “Maaninkpel, si le nyi.” Le u bui mi ke, “Bi ye binib bi nyan falaa sakpiin ni, ki finn baakpar Upihbo ngbaan aasin ni aan ti ŋa ti tipipinn na.

UWONBƆR A GBƆNPƆŊ LIKƆƆNL

¹⁴ Le n jiin ke, “N yudaau, fin le nyi.” Le u len ke, “Bi ma ye ban nyann limug takpenl a poolin; ki ye ban wee bi ta Kipeebigin a cham ki ŋunn biwan yɔɔr le ti nin peen.

Tibɔkpiirkaan 7:14 ပူးပေါင်းရင်းမြစ်များ

Job Aagbaŋ 11:16

le saamuk mɔmɔk ga nya aayil ni, ke nwam mu jer aan bi suln mubɔr na.

Nnyam 37:3

U nan di salmaa aakur le mɔɔ ibuen inaa ki di dab ŋipepel ŋinaa ngbaan aataa.

Aisaya 1:18

Le Uwumbɔr ki len ke, “Dandana wee, cha ti toor tibɔr ngbaan man. Nimi aatunwanbir man ni pu ke nsin na, le m ga ŋmaa finn nimi ni nya chain ke nkokoyon na. Nimi aatunwanbir yaa po man ni pu sakpen pu na, m ga finn nimi, ni piir chain.

Daniel 11:35

Bi ga ku bilandam ngbaan bibaa, le kina ngbaan ga nyan binib ngbaan baajɔŋ ni. Nimina ga li ŋani kina ki ti saa ndoon, n‑yoonn mu Uwumbɔr siin na.

Daniel 12:1

Uwumbɔr aatuun mu pee ŋitanyaan aawanpeenkaan na len ke, “N‑yoonn ngbaan yaa nan fuu ni kan, Uwumbɔr aatuun Maikel u kpa mpɔɔn ki kii Israel aanib na ga dan. Le tibɔbir aayoonn ga fuu ni, tibɔbir ti kaa kee ŋa n‑yoonn mu Uwumbɔr naan ŋitimbol na ga fuu ni. N‑yoonn ngbaan yaa nan fuu ni kan, saanib bimɔk aayimbil bi Uwumbɔr Aagbaŋ ni na ga ŋmar.

Daniel 7:16

Le m buen bi si nima chee na ubaa chee ki ti bui u ke u tuk mi taatataa. Le u tuk mi taatataa.

Sekaria 13:1

Uwumbɔr Mpɔɔnsakpiindaan bui ke, “N‑yoonn ngbaan kan, m ga piir uyayak aanyunbun ki di finn nyan titunwanbir ni ŋiwaa aajɔŋ ti bi David aayaabitiib ni Jerusalem aanib pu na.

Matiu 24:21

N‑yoonn ngbaan binib ga ji falaa pam. Buyoonn Uwumbɔr nan naan dulnyaa wee ki nan saa dandana wee na, baa kee jin falaa ngbaan aaboln, ki mu aan ki ji falaa kina.

Tibɔnyaan ti Mak ŋmee ti na 13:19

N‑yoonn ngbaan, binib ga ji falaa sakpen a. Buyoonn Uwumbɔr nan naan dulnyaa na, ki nan saa dandana wee na, baa kee jin falaa ngbaan aaboln, ki mu aan ki ji falaa kina.

Jɔnn 16:33

M tuk nimi tibɔr timina ke ni li kpa nsuudoon m pu. Ni ga kan falaa dulnyaa ni. Ni li kpa lipobil man; ba pu? m nyaŋ dulnyaa a.”

Lituln 14:22

Baah dii ntim ngbaan ni na, le bi pɔɔk Yesu aanib aataakpab, ki toor tuk bi Uwumbɔr aabɔr, le ki tuk bi ke bi sil Yesu aachaŋ ni, ke binib yaa ban bi koo Uwumbɔr aanaan ni kan, bi ga ji falaa sakpen le ki nin koo ni.

Rom Yaab 5:3

Naa ye nima baanja pu le ti mɔɔni. Falaa mu pu le ti mɔɔni. Ba pu? falaa le tii timi suklaa.

1 Korenti 6:11

Ni ponn ni bibaa nan bi kina la; le Uwumbɔr finn nipobil, ki ŋa nimi binib bi bi chain na, ki len ke nimi aabɔr ŋan, Tidindaan Yesu Kristo aayimbil pu, ni timi Aawumbɔr Aafuur Nyaan pu.

2 Tesalonika 1:4

Nima pu le ti puk kipupuk ni pu Uwumbɔr aanib chee, ki tuk bi naah gaa Yesu ki kii ki kpa limɔr, falaa ni limukl mɔmɔk ponn ni pu na.

Hiibru Yaab 13:12

Nima pu le Yesu mu nan kpo kitiŋ aagbaan, ke waasin finn tisui, ki ŋa timi chain.

Hiibru Yaab 9:14

Nimina yaa nan ŋa tiwon chain kan, Kristo aasin ga ter timi, ki jer kina. Uwumbɔr Aafuur Nyaan mu bi n‑yoonn mu kaa kpa ndoon na aapɔɔn pu, u nan di ubaa toor kitork ki kaa kpa ngalm na tii Uwumbɔr. Waasin ga nyan titunwanbir ti ga ku timi na tisui ni, aan ti dii Uwumbɔr u ye limɔfadaan na.

1 Piita 1:19

U nan di Kristo aasin mu jer ŋimombil na le gaa nimi lii; uma Yesu nan di ubaa toor kitork ki tii Uwumbɔr, ki bi ke upihbo nyaan u kaa kpa iween ibaa na.

1 Jɔnn 1:7

Ti yaa dii nwiihn aasan ke Uwumbɔr aah bi nwiihn ni pu na kan, ti kpaan kijɔtiik tɔb chee la. Le Uwumbɔr Aajapɔɔn Yesu Kristo aasin finni tipobil ki nyani titunwanbir mɔmɔk.

Tibɔkpiirkaan 12:11

Upihbo Yesu aasin aapɔɔn pu ni waabɔr aapɔɔn pu le bi nyaŋ kinimbɔŋ. Bi gee Yesu ki jer baamɔfal, ki kii ke bi kpo u pu.

Tibɔkpiirkaan 15:2

Le m kan tiwan ni naahn nnyusakpem mu mmii ŋmal mu ponn ni na, le mu wiin chain ke kinimbilik na. Le m kan binib bi nyaŋ, kaa dii upeel ngbaan, ni liwaal li naahn u na, kaa gaa waadaan ki ye waayimbil aanamba na; bi ka nnyusakpem mu wiin chain ke kinimbilik na chee, ki joo tibar ti Uwumbɔr tii bi na,

Tibɔkpiirkaan 17:6

Le m kan upii ngbaan gbii ndaan ki dɔ; ba pu? u nyun Uwumbɔr aanib aasin, ni binib bi kpo Yesu pu na aasin ki gbii. Maah kan u na, le ni gar mi pam.

Tibɔkpiirkaan 2:9

M nyi naah ji falaa sakpen pu na, ki ye bigiim pu na; ni mu tee ye biwankpadam le Uwumbɔr chee. M nyi binib bibaa aah sii nimi pu na. Bi len ke bi ye Juu yaab, le kaa ye; bi ye kinimbɔŋ aanib la.

Tibɔkpiirkaan 22:14

Tɔ, binib bi finn baawanpeenkaan ki ŋa ni chain na, Uwumbɔr aanyoor bi bi pu. Bi ga li kpa nsan ke bi moo limɔfal aasubil, ki dii kitiŋ ngbaan aabisamɔi ni ki koo ni.

Tibɔkpiirkaan 5:9

Le bi gaa ilahnpɔɔn ki tii Upihbo ngbaan ke, “Si le ŋeer aa gaa kigbaŋ ngbaan ki dabr ki; ba pu? aa nan kpo ki di saasin daa binib tii Uwumbɔr; binib ngbaan nyan ŋitimbol mɔmɔk aanib bi bi dulnyaa wee ni, ki len iliin imɔk bi dulnyaa wee ni na,

Tibɔkpiirkaan 7:9

Nimina aapuwɔb le m kan kinipaak sakpeŋ. Ubaa aa ti ki nyi baakahm. Bi nyan ŋitimbol mɔmɔk aanib bi bi dulnyaa wee ni ki len iliin imɔk bi dulnyaa wee ni na, ki si Uwumbɔr aabɔrjal ni Upihbo ngbaan aanimbiin ni, ki pee tikparpipiin, ki ŋub tibɔkpafar biŋaal ni,