Tibɔkpiirkaan 6:16 - Uwumbɔr aagbaŋ

¹⁶ ki bui ŋijoo ni ŋitakpal ke, “Lir ti pu, ki biin ti pu, aan Uwumbɔr u ka libɔrjal pu na taa li waa timi, Upihbo ngbaan mu aaŋuul taa pii timi;

UWONBƆR A GBƆNPƆŊ LIKƆƆNL

¹⁶ Le bi yin ijɔɔ nin titanpirin ki len ke, “Ni lu ti bu ki woon ti ni wee wan ka kunaangbɔŋin bu-n laa ji kan ti, wee Kipeebigin mu a ŋuufiiŋin laa pii ti!

Tibɔkpiirkaan 6:16 ပူးပေါင်းရင်းမြစ်များ

Ilahn 14:5

Tɔ, ijawaan sakpiin ga chuu bi, ba pu? Uwumbɔr bi binib bi kii waamɔb na chee.

Aisaya 2:10

Bi mɔmɔk ga bɔr titakpalunn ni, ni ŋitakpasakpiin taab, ŋijoo paab, ke bi ŋmar Uwumbɔr aaŋuul, ni waapɔɔn, ni waawiihn sakpiin chee.

Jeremia 8:3

Le titunwanbir aatimbol limina aanib bi ŋmar, ki koo maah cha bi yaa ki bi nin chee na, ga li neen nkun ki jer ke bi li fu. Min Uwumbɔr le len kina.”

Hosea 10:8

Afenn aagongon pu aawaa ŋi Israel aanib dooni ŋi na ga ber. Ikokon ni timoor le ga gaa kitork aabimbin ngbaan. Binib ga bui ŋijoo ke, “Bɔr timi man,” le ki bui ŋigongon ke, “Biin ti pu man.”

Matiu 26:64

Le Yesu bui u, “Ni ye saah len pu na. M tuk nimi la, n‑yoonn mu choo na, ni ga kan min Unibɔn Aabo ka Uwumbɔr aaŋangii wɔb, ki ga kan mi ntaalangbam ni paacham ki choo.”

Tibɔnyaan ti Mak ŋmee ti na 3:5

Le u lik bi mɔmɔk, le ki gee liŋuul bi pu. Bitafal aah pɔɔ pu na, le ni bii usui. Le u bui uja u aaŋaal faan na ke, “Taln aaŋaal.” Le u taln uŋaal. Le mu pɔɔk.

Tibɔnyaan ti Luk ŋmee ti na 23:30

N‑yoonn ngbaan le bi ga bui ŋijoo ni ŋigongon, ‘Lir ti pu, ki biin ti pu.’

Tibɔkpiirkaan 10:6

ki puu Uwumbɔr u bi n‑yoonn mu kaa kpa ndoon na, ki nan naan paacham ni tiwan nimɔk bi ni ponn ni na, ni kitiŋ ni tiwan nimɔk bi kitiŋ pu na, ni nnyusakpem, ni tiwan nimɔk bi mu ponn ni na, ke Uwumbɔr aan ki taan.

Tibɔkpiirkaan 19:15

Le kijaak aajuk ki ka na bi umɔb ni, ke u ti nyaŋ ŋinibol mɔmɔk. U ga di tikur aadabil ki li joo bi mpɔɔn pu, ki ga ŋa bi ke binib aah taar ŋisubil pu libuusakpeln ponn ni ki nyani ŋaanyun pu na, le ki mɔk bi Uwumbɔr Mpɔɔnsakpiindaan aah gee liŋuul pu na.

Tibɔkpiirkaan 20:11

Le m kan libɔrjal pipiln sakpeln, ni u ka li pu na. Le kitiŋ ni paacham san nyan u chee, kaa ki bi.

Tibɔkpiirkaan 4:2

Libuul ngbaan ni le Uwumbɔr Aafuur Nyaan yoor mi buen paacham. Le m ti kan libɔrjal si Uwumbɔr do; ubaa mu ka li pu.

Tibɔkpiirkaan 4:5

Libɔrjal ngbaan chee moor lak lak ke utaal aah moor pu na, kifuuk mu faa ke utaal aah tar pu na. Karyaa bilole mu wiin libɔrjal ngbaan aanimbiin ni, ki ye Uwumbɔr Aafuur mulole la.

Tibɔkpiirkaan 4:9

Tiwanfuurkaan ninaa ngbaan le len kina, ki di mpakm, ni lisil, ni idoon tii Uwumbɔr u ka libɔrjal pu, ki ga li bi n‑yoonn mu kaa kpa ndoon na.

Tibɔkpiirkaan 5:1

Le m kan Uwumbɔr u ka libɔrjal pu na ŋub kigbaŋ uŋangii ni. Kigbaŋ ngbaan nan kpa ŋŋmeen ŋipepel mɔmɔk, ki dab ŋimɔgbin nfum mulole.

Tibɔkpiirkaan 6:10

Le binib ngbaan aawiin teen mpɔɔn pu ke, “Tidindaan u ye chain ki ye mbamɔn na, ni ga yunn ki ti saa kinye pu aan aa ga ji dulnyaa aanib bi ku timi na aabɔr ki daa bitafal?”

Tibɔkpiirkaan 9:6

N‑yoonn ngbaan, binib ga li ban nkun ke mu ku bi, kaan kan mu. Nkun ga san cha bi.