Tibɔkpiirkaan 6:15 - Uwumbɔr aagbaŋ

¹⁵ Le dulnyaa aayidam, ni bibɔrb, ni butɔb aajab aayidam, ni biwankpadam, ni bipɔɔndam, ni binaagbiib mɔmɔk, ni bimalb mɔmɔk bɔr titakpalunn ni, ni ŋitakpasakpiin taab ŋijoo paab,

UWONBƆR A GBƆNPƆŊ LIKƆƆNL

¹⁵ Le dulinya a bɔrtiib, nin nbɔrbum, nin bitɔtogib a sanliib, nin biwandam, nin ininfojal, nin biyom biɛn nin ban kaa ye biyom woo titangbafiɛrin nin titanpirin.

Tibɔkpiirkaan 6:15 ပူးပေါင်းရင်းမြစ်များ

Mpiin 3:8

Kijook ngbaan le bi ŋun Tidindaan Uwumbɔr chuun kisaak ni, le bi san ti bɔr isui aakaasisik ni.

Ilahn 76:12

u sunn biyidam bi kpa kigaak na taab ki cha bibɔrkpaam san u ijawaan sakpen.

Aisaya 2:10

Bi mɔmɔk ga bɔr titakpalunn ni, ni ŋitakpasakpiin taab, ŋijoo paab, ke bi ŋmar Uwumbɔr aaŋuul, ni waapɔɔn, ni waawiihn sakpiin chee.

Aisaya 2:19

Buyoonn Uwumbɔr ga dan ki nan deŋ kitiŋ na, binib ga bɔr titakpalunn ni, ni ŋitakpasakpiin taab, ŋijoo paab, ke bi ŋmar waaŋuul, ni waapɔɔn, ni waawiihn sakpiin chee.

Aisaya 2:21

Uwumbɔr yaa nan dan ke u nan deŋ kitiŋ kan, binib ga bɔr titakpalunn ni, ni ŋitakpasakpiin taab, ŋijoo paab, ke bi ŋmar waaŋuul pu, ki bɔr waapɔɔn ni waawiihn sakpiin chee.

Aisaya 42:22

Le dandana bi sun waanib aawan mpɔɔn; bi laŋ bi ibuu ni, ki di bi bɔr tiyondir ni. Bi sun bi nnaayupɔɔn, le ubaa aa bi u gaa bi lii.

Maika 7:17

Bi ga baar kitiŋ titan ni, ke iwaa na la; bi ga nyan ni baadichal ŋi kpa ŋigon ŋi fɔk na ni, ki jii ijawaan pu. Ijawaan pu, bi ga fenn ban Tidindaan Uwumbɔr.

Hiibru Yaab 11:38

Bi nan ye biwɔwɔm, ki nan bi kipɔɔk ni, ni ŋijoo paab, ki koo titakpalunn ni, ni ibuu i bi kitiŋ ni na. Bi mu nan ye bininyaam ki jer dulnyaa wee aanib.

Tibɔkpiirkaan 18:23

Karyaa ubaa mu aan ki li wiin ki ponn ni. Uja ubaa mu aan ki yoor upii ki ponn ni. Upii ubaa mu aan ki mɔn uja ki ponn ni. Binib bi chuun tiir tiwan ki ponn ni na nan ye mpɔɔndam la. Kaanib nan ŋani inyɔk ki ŋmanni ŋinibol mɔmɔk.”

Bibɔjirb 6:2

Midiann aanib nan pɔɔ jer Israel aanib, le Israel yaab ngbaan nan bɔr titakpalunn ponn ni, ni ŋigongon ni, nin chee bi ga ŋmaa kan lifuur na.

1 Samuel 13:6

le ki fii mpɔɔn ŋmeen ti tak Israel yaab, le Israel yaab aa nan ki nyi baah ga ŋa pu na. Bibaa nan bɔr titakpalunn ponn ni, ni ibuu ponn ni, ni ŋitakpal taab, ni ŋibugen, ni inyunbun ponn ni.