Tibɔkpiirkaan 6:13 - Uwumbɔr aagbaŋ

¹³ Iŋmabi nyan ni paacham ki lir kitiŋ ke kibuŋ aah ker ŋisubil ŋi kaa puir na lir pu na.

UWONBƆR A GBƆNPƆŊ LIKƆƆNL

¹³ le iŋmabil nyan titilangbann nin ki nan lu tum, a li ke ntafapɔɔrim kaah ti ŋa ke mi daar bikinkam a sub wee iloonkal ker lur man nin.

Tibɔkpiirkaan 6:13 ပူးပေါင်းရင်းမြစ်များ

Job Aagbaŋ 15:33

U ga li naahn ŋisubil aasub bu aasubikar ker lir na la; ki naahn olif aakpan aasub bu aapuun gbaar na.

Aisaya 13:10

Iŋmabi mɔmɔk aan ki li wiin, le nwiin ga bɔln kaan ki li wiin, le uŋmal mu aan ki li wiin.

Aisaya 33:9

Ubaa aa ki ko kitiŋ ngbaan, le ki gur dɔ fam. Lebanonn aachoor na aasui yɔl, le Saronn aafataŋ ki aatiŋ ŋan na gur naahn nteer la, le Basann aatiŋ ni, ni Kamel Aajool pu aasui aafar gbar lir kitiŋ.

Aisaya 34:4

Nwiin, ni uŋmal, ni iŋmabi mɔmɔk ga ker lir ni kitiŋ ki kpaln titan. Kitaapaak ga kpab buen ke baah kpab nkan pu na, le iŋmabi ker lir ni ke ŋikakan aafar ti kuur na aah ker lir ni kitiŋ pu na.

Aisaya 7:2

Juda aabɔrkpaan ngbaan aah ŋun ke Siria yaab aajab koo ni Israel yaab aatingbaan ni na, le ijawaan chuu u ni waanib, le biwon gbaa tɔtɔk ke libuln yaa daar kan tisufar gbaa pu na.

Esekiel 32:7

M yaa nan kuln si kan, m ga biin kitaapaak pu ki nyan iŋmabi. Nwiin ga bɔr ntaalangbam aapuwɔb, le uŋmal aan ki li wiin.

Daniel 4:14

U nan teen mpɔɔn pu ki len ke, ‘Chuu gaa busub ngbaan lii man, ki gaa gii bu aabon; ki per bu aafar ki cha bu aasubil yaa. Jenn ipeel ngbaan bu taab ki fiin inyoon ngbaan bu aabon pu man.

Daniel 8:10

Mu nan kan mpɔɔn le ki ti kpaan tak iŋmabi i bi paacham na ibaa, ki ker ibaa lii ni kitiŋ ki taa taa i pu.

Joel 2:31

Nwiin ga bɔln, le uŋmal mann ke nsin na waahr aan Uwumbɔr aawiin daal nin fuu ni. Mu ga li ye nwiin sakpiin mu kpa ijawaan na la.

Nahum 3:12

Saah maa tidir ti fɔk ki pɔɔ kiir aabaa na ga li gur naahn ŋikakan aasui i aasubil puir na la: dam isui ngbaan le ŋikakan ga gbar lir ni aamɔb ni.

Matiu 24:29

“N‑yoonn ngbaan aafalaa aapuwɔb, le paacham aawan aan ki li bi mbamɔm. Nwiin ga bɔln. Uŋmal mu aan ki li wiin. Iŋmabi mu ga lir.

Tibɔnyaan ti Luk ŋmee ti na 21:25

“Lijinjiir aawan ga li bi nwiin, ni uŋmal, ni ŋiŋmabil ponn ni. Nnyusakpem ga ŋa tinyunkpenn sakpiin, ki faa kifuuk sakpen, ki ŋa binib ilandak. Baan ki li nyi baah ga ŋa pu na.

Tibɔkpiirkaan 9:1

Le Uwumbɔr aatuun ŋmuŋmur mu pii waakakaan. Le m kan liŋmabil li nyan ni paacham ki lir ni kitiŋ na. Le bi tii li libuul li nyoo kaa kpa limɔk na aasaafii.