Tibɔkpiirkaan 4:7 - Uwumbɔr aagbaŋ

⁷ Le nibaa naahn uchinn, nibaa mu naahn unaajabo, nibaa mu aanimbil wɔb naahn unii la, nibaa mu naahn libɔrwiin li laani na.

UWONBƆR A GBƆNPƆŊ LIKƆƆNL

⁷ Chinchinn a wanfolin nan nann ugbegin le, le wan kpiɛ milee mu nann unaaja, wan kpiɛ mitaa n mu a num nann uninfosaal, le wan kpiɛ bina-n mu nann libaanweenl lan yugiri paab.

Tibɔkpiirkaan 4:7 ပူးပေါင်းရင်းမြစ်များ

Mpiin 49:9

Juda, aa naahn uchinn u ku tinann, ki ki gir buen waadɔdooyaan na la. U yaa doon ke u naar ubaa kan, ubaa aan kaa ke u fiin u.

2 Samuel 1:23

Sɔɔl ni Jonatann nan ye binib la, le binib gee bi; baamɔfal ni, bi nan kpaan tɔb chee la, le baakun mu ni, bi ki kpaan tɔb chee; bi nan tun mala mala jer ŋikaagii, le ki pɔɔ jer ichinn.

Ŋiyataŋak 28:2

Litimbol li tun titunwanbir na aaninkpiib kpelni mala mala la. Le bilandam ni bichiindam aatiŋ ma kpa mpɔɔn ki yunni.

Aisaya 40:31

le binib bima kpa limakl ke Uwumbɔr ga ter bi na ga kan ke bitaakpab moo pɔɔk la. Bi ga fii ke ŋikaagii na; bi ga san, kaan bak; bi ga chuun, le bitaakpab aan yɔl.

Esekiel 1:10

Tiwanfuurkaan ngbaan nibaabaa aanimbil wɔb munana ngbaan aa nan naahn tɔb; unibɔn aanimbil wɔb le nan bi nimɔb wɔb, le uchinn aanimbil wɔb bi ŋŋangii wɔb, le unaaja aanimbil wɔb bi ŋŋangan wɔb, le likaagiil aanimbil wɔb bi nipuwɔb.

Esekiel 1:8

Ni nan ki kpa iniŋaal inana kpee nimbil wɔb munana ni ifeen inana na pu. Iŋaal ngbaan nan bi ifeen ngbaan ibaabaa mɔk taab la.

Esekiel 10:14

Tiwan ni kpa ifeen ngbaan na nibaa mɔk nan kpa nimbil wɔb munaa pu la. Njan yaan nan ye unaaja aanimbil wɔb la, le lelee ye unibɔn aanimbil wɔb, taataa ye uchinn aanimbil wɔb, le nanaa ye likaagiil aanimbil wɔb.

Esekiel 10:21

Ni mɔmɔk nibaabaa nan kpa nimbil wɔb nfum munaa pu la, ni ifeen inana, ni tiwan ni naahn unibɔn aaŋaal na nfeen mɔk aataab.

Daniel 7:4

Njan yoo nan naahn uchinn, le ki tee kpa likaagiil aafeen. Maah si lik kina na, le m kan ke ifeen na chuu bar nyan lir kitiŋ. Le bi chuu fiin upeel ngbaan siin utaajal ŋilee pu ke unibɔn na, le ki di unibɔn aalandak tii u.

Obadia 1:4

Hali ni yaa di nimi aadichal ti maa paachapaacham ke likaagiil aadir na, aan ŋi daa ke iŋmabi na kan, m ga ŋmaa daa ker nimi lii ni taab.

Nkahm 23:24

Israel yaab aanibol naahn uchinn sakpiin la. U yaa kan waadin kan, waan kal fuur see u chuu u ki bii u, le ki nyu waah ku bi na aasin kookoo.”

Nkahm 24:9

Litimbol ngbaan kpa mpɔɔn sakpen ke uchinn aah kpa pu na la; u yaa dɔ geen kan, ubaa aan kaa ki finn u. Unii umɔk ŋa tinyoor ŋa Israel yaab pu na kan, Uwumbɔr mu ga ŋa tinyoor ŋa udaan pu; le unii umɔk puun lii bi pu na kan, Uwumbɔr mu ga puun lii udaan pu.”

1 Korenti 14:20

Nnaabitiib, ni taa ki li dak ke mbim aah dak pu na. Ni li dak ke binib bi chikr na aah dak pu na. Tɔ, bakaa wɔb ma kan, ni li bi ke mbipɔm na.

Ikaal 28:49

Uwumbɔr ga cha linibol li nyan ni dulnyaa aanaanmɔk aan naa nyi baaliin na nan lir ni pu. Bi ga fii nan lir ni pu, ke likaagiil aah booni chur tiwan pu na la.

Tibɔkpiirkaan 4:6

Libɔrjal aanimbiin ni wɔb naahn nnyusakpem, ki wiin chain ke kinimbilik aah wiin pu na. Le tiwanfuurkaan ninaa mu si gob libɔrjal ngbaan. Tiwanfuurkaan ngbaan aanimbiin ni, ni nipuwɔb mu nan ye ŋinimbil ŋmeen la.

Tibɔkpiirkaan 6:3

Le Upihbo ngbaan nan ki chuu dabr kigbaŋ ngbaan aadam leler. Le m ŋun tiwanfuurkaan leler len ke, “Dan.”

Tibɔkpiirkaan 6:5

Le Upihbo ngbaan ki chuu dabr ndam tatar. Le m ŋun tiwanfuurkaan tatar len ke, “Dan.” Le m lik ki kan utanbɔn. Unii u dik utanbɔn ngbaan pu na nan joo tiwan ni bi joo ŋaŋni tijikaar na uŋaal ni.

Tibɔkpiirkaan 6:7

Le Upihbo ngbaan ki chuu dabr ndam nanar. Le m ŋun tiwanfuurkaan nanar aaneel len ke, “Dan.”