Tibɔkpiirkaan 3:19 - Uwumbɔr aagbaŋ

¹⁹ Maah gee binib bimɔk na, m sur bi ki dar bitafal. Nima pu na, cha ninimbil li man aan ni kpeln nimi aabimbin man.

UWONBƆR A GBƆNPƆŊ LIKƆƆNL

¹⁹ Ban wee n jiɛ-n, bi ma le n fu bi bu ki dar bi tuli. Mambu ni ŋaam kinunmaŋ ki kpenn ni binbema.

Tibɔkpiirkaan 3:19 ပူးပေါင်းရင်းမြစ်များ

2 Samuel 7:14

Min le ga li ye ute, le u li ye maabo. U yaa tun taani kan, m ga daa utafal, ke ubo aate aah dar waabo aatafal pu na la.

Job Aagbaŋ 5:17

Uwumbɔr aah sur unii u na kpa mpopiin. U yaa kae si kan, taa bui ke utafal aa bi aa ni la.

Ilahn 39:11

Saah ga kae unii pu na, le aa joo dar utafal waatunwanbir pu, le ki bii waah gee tiwan ni na ke ŋipandakur aah bii likekeln pu na. Mbamɔn, unibɔn aa jer litakpiln libaa aabuln.

Ilahn 6:1

Uwumbɔr, taa gee m pu liŋuul ki kae mi. Taa daa ntafal saaŋuul ponn ni.

Ilahn 69:9

Maah neen saadichal pu na bi ke mmii le aah wu mponn ni na; ŋisiibil ŋi ye sin yee na choo min chee la.

Ilahn 94:10

Uma le sur ŋitimbol, u dar ŋitafal. Uma le ye unibɔn mɔmɔk aamɔmɔkr, kina pu na, u nyi tiwan mɔmɔk aabɔr.

Ŋiyataŋak 15:10

Aa yaa tun titunwanbir kan, aa ga kan ntafadaan mu bir ki pɔɔ na, sin u kaa gee nsurm na ga kpo la.

Ŋiyataŋak 15:32

Unii umɔk yii nsurm na, aa gee ubaa. Aa yaa kpa ŋuntii nsurm chee kan, aa ga moo kan nlan.

Ŋiyataŋak 22:15

Mbim ma po ŋani kijɔrk, ni tiwan ni kaa ŋan na, le aa yaa tii bi kiŋaataŋ kibaa kan, bi ga kpeln baabimbin.

Aisaya 26:16

Uwumbɔr, aa daa saanib aatafal, le baanimbaak ni, bi mee si.

Jeremia 10:24

Uwumbɔr, chiin saanib; taa li lik timi aatunwanbir mɔmɔk, ki taa daa titafal saaŋuul ni; naa ye kina kan, ti kuln le na.

Jeremia 2:30

M daa nitafal, le naa ŋa nimi nibaa; naan kii ke m sur nimi. Ni ku maabɔnabtiib ke uchinn u aaŋuul fii na la.

Jeremia 30:11

M ga dan ni chee ki nan gaa nimi lii. M ga kuln ŋitimbol ŋi mɔmɔk m cha ni yaa ki bi ŋi ponn ni na, maan kuln nimi ma. Maan di cha ki taa daa nitafal; m mu yaa daa nitafal kan, m ga daa ki ŋeer la. Min Uwumbɔr le len kina.”

Jeremia 31:18

M ŋun Israel aanib aasui aah bii aan bi len pu na ke, Uwumbɔr, ti nan bi ke kiwakork ki bi timoor ni na la; le aa nan mɔk timi taah ga kii tii si pu na. Giin ni timi; ti gor ke ti gir ni sin Tidindaan Uwumbɔr chee.

Jeremia 7:28

Aa ga bui bi ke baatimbol aa kii mi Bidindaan Uwumbɔr aamɔb, kaa bae baatafadaan chee. Mbamɔn aa ki bi. Ubaa aa ki len mbamɔn aabɔr.

Sefania 3:2

Ki yii, kaa ŋun tii Uwumbɔr, kaa kii waasurm, kaa kii tii u, kaa ban u chee nterm.

Matiu 25:7

Le bisapɔm kipiik ngbaan mɔmɔk fii ke bi toor baakaryaa mam.

Jɔnn 2:17

Le waadidiliib teer ke ni ŋmee Uwumbɔr Aagbaŋ ni ke, “Uwumbɔr, maah neen saadichal pu na bi ke mmii le aah wu mponn ni na.” Le bi bee ke ni ye Yesu aabɔr la.

Rom Yaab 12:11

Ni taa li san ligbanyakl man. Cha ninimbil li man Tidindaan aatuln pu,

1 Korenti 11:32

U mu yaa daa titafal kan, u chiini timi ke u taa bii timi bundaln u ga ji dulnyaa aanib tibɔr na la.

2 Korenti 6:9

Taa kpa liyimbil binib chee. Ti kpa liyimbil Uwumbɔr chee la. Nkun dii timi, le ti beenin bi. Uwumbɔr cha falaa pii timi, ki mu aa cha u ku timi.

2 Korenti 7:11

Uwumbɔr aah cha ni kpa mpombiin pu na, ni kan naah ŋa nimi tinyoor pu na. Nitafal bi waabɔr ni. Ni gee liŋuul titunwanbir pu, ki ban ni nyan nibaa tibɔr ngbaan ni, ki san Uwumbɔr ijawaan, ki ban ni ki kan mi, ki ban ni ŋa Uwumbɔr aageehn, ki ban ni daa unii u tun titunwanbir na aatafal. Naah ŋa kina na, ni mɔk ke naa kpa taani ubaa tibɔr ngbaan ponn ni.

Galantiya 4:18

Binib aanimbil yaa man nsanyaan pu kan, nima le ŋan. Ni ŋan, maah bi ni chee buyoonn na, ki ŋan maah kaa bi ni chee buyoonn na mu.

Ikaal 8:5

Ni teer ke Nidindaan Uwumbɔr nan sur nimi ki daa nitafal, ke ubo aate aah sur u pu na.

Taitus 2:14

U nan kpo ti pu ke u gaa timi lii ki nyan timi titunwanbir mɔmɔk ni, aan ti li bi chain, ki li ye waanib, ki li ye binib bi aanimbil man ke bi tun litunyaan na.

Jemisi 1:12

Tɔ, unii u kan ntɔŋ ki kpa limɔr na, Uwumbɔr aanyoor bi u pu. Ba pu? u yaa kan ntɔŋ ki si mbamɔm kan, u ga kan ipiin i ye limɔfal li Uwumbɔr nan puu tipuur ke u ga tii binib bi gee u na.

Tibɔkpiirkaan 2:5

Teer man naah nan bi pu, kaa ki bi kina dandana wee na, ki kpeln nimi aabimbin man, ki ki li ŋani ke naah nan ŋani njan pu na. Ni yaa kaa kpeln nimi aabimbin kan, m ga dan ni chee ki nan chuu nyan nimi aakaryaa ngbaan, le naan ki li ye maanib.