Tibɔkpiirkaan 22:14 - Uwumbɔr aagbaŋ

¹⁴ Tɔ, binib bi finn baawanpeenkaan ki ŋa ni chain na, Uwumbɔr aanyoor bi bi pu. Bi ga li kpa nsan ke bi moo limɔfal aasubil, ki dii kitiŋ ngbaan aabisamɔi ni ki koo ni.

UWONBƆR A GBƆNPƆŊ LIKƆƆNL

¹⁴ “Tikaar be ban ŋunn bi wann yɔɔr bu, bi na li kan nsan limiɛfol a siigin ki nɔɔ itimansanmɔnn nin yaan ki kɔɔ kitiŋ nmɔn yaan.

Tibɔkpiirkaan 22:14 ပူးပေါင်းရင်းမြစ်များ

Mpiin 2:9

Uwumbɔr nan cha isui i lu ŋisubil nyaan na aabɔŋ punn kisaak ngbaan ni, ŋisubil ngbaan ŋan linimbil chee, ki mɔ lijil. Kisaak ngbaan aakaasisik ni, busub bubaa nan bi, ki ye limɔfal aasub, buken mu nan bi ki ye mbeem aasub, unii yaa jin bu kan, u ga bee ni ŋan na, ni ni kaa ŋan na.

Mpiin 3:22

Tidindaan Uwumbɔr nan bui ke, “Dandana, uja ngbaan ŋa ke timi aah bi pu na, ki bee ni ŋan na, ni ni kaa ŋan na. Taan ki cha u ji limɔfal aasub aasubil mu, aan ki li bi cha n‑yoonn mu kaa kpa ndoon na.”

Ilahn 112:1

Pak Uwumbɔr man. Unii umɔk nyuŋni Uwumbɔr ki gee ke u li joo waakaal na kpa mpopiin.

Ilahn 118:20

Uwumbɔr aabisamɔb sɔ; binib bi aabimbin ŋan na baanja le ga ŋmaa koo ni.

Nnyam 19:10

le Uwumbɔr bui u ke, “Li cha binib ngbaan chee, ki ti tuk bi ke bi di din ni fen, aan ki toor ki ŋaŋ bibaa ki nan doon mi. Bi finn baakeken,

Daniel 12:12

Binib bi ga li si chob aan iwiin lichur ni ikui itaa ni piitaa ni iŋmu ti jer na ga li kpa mpopiin.

Jɔnn 10:7

Baah kaa bee liyataŋakl ngbaan aatataa na, le u ki bui bi, “M tuk nimi mbamɔn la, min le ye ipiih aabɔkpuŋ aabisamɔb.

Jɔnn 10:9

Min le ye Uwumbɔr aanaan ni aabisamɔb. Unii yaa dii mi ki koo ni kan, u ga ŋmar, ki ga koo ki nya ki gir koo, ki ga kan timosoon la.

Jɔnn 14:15

“Ni yaa gee mi kan, ni ga kii maamɔb,

Jɔnn 14:6

Le Yesu bui u, “Min le ye nsan ngbaan, ni mbamɔn, ni limɔfal. Ubaa aan dan Nte Uwumbɔr chee, see u dii mi.

Jɔnn 4:12

Tiyaaja Jakob, ni ujapɔtiib, ni waawakor nan nyu nnyunbun ngbaan ni la. Uma le nan tii timi nnyunbun ngbaan. Aa jer uma la aa?”

1 Korenti 7:19

Lichakpangeel aa kpa tinyoor. Unii yaa kaa gii kan, ni mu aa kpa tinyoor. Ti yaa kii Uwumbɔr aamɔb kan, nima le kpa tinyoor.

1 Korenti 8:9

Aa mu yaa nyi ke ŋiwaa aa ye nibaa kan, li nyi ki taa cha unii u kaa kee nyi Uwumbɔr aasan mbamɔm na tun titunwanbir.

1 Korenti 9:5

Maa ŋeer m mu li ŋani ke bikpambalb biken, ni Tidindaan aanaatiib, ni Siifas aah ŋani pu na, ki li joo upii ubaa u mu li dii mi lisachuln ni ii?

Galantiya 5:6

Ti yaa kpaan Yesu Kristo ni kan, lichakpangeei aa ye tibɔkpaan. Unii yaa kaa gii kan, ni mu aa ye tibɔkpaan. Ti yaa gaa Yesu ki kii, ki mu yaa gee binib kan, nima le ye tibɔkpaan.

1 Jɔnn 3:3

Unii umɔk kpa Yesu pu limakl ngbaan na, u ŋani ubaa chain la, ke Yesu aah ye chain pu na.

1 Jɔnn 5:3

Ti yaa gee Uwumbɔr kan, naatataa le ye ke ti kii waamɔb. Le waamɔb aa pɔɔ.

Tibɔkpiirkaan 2:7

“U kpa litafal na kan, u ŋun Uwumbɔr Aafuur Nyaan aah tuk maanib pu na. “Unii umɔk nyaŋ na, m ga cha u moo limɔfal aasubil ŋi bi Uwumbɔr do, aan bi yin nima chee ke Paradais na.

Tibɔkpiirkaan 21:12

Ligoln sakpeln li fɔk na mann gonn kitiŋ ngbaan, ki kpa ibisamɔi kipiik ni ilee. Uwumbɔr aatuuntiib ponn ni kipiik ni bilee mu si ibisamɔi ngbaan mɔmɔk chee. Israel yaab aanibol kipiik ni ŋilee aayimbil ŋmee ibisamɔi kipiik ni ilee ngbaan mɔk pu.

Tibɔkpiirkaan 21:27

Tiwan ni kpa tijɔŋ na nibaa aan koo ni ki ponn ni. Binib bi dii ŋiwaa na ponn ni ubaa aan koo ni. Binib bi mɔln inyamɔn na ponn ni ubaa mu aan koo ni. Binib bi aayimbil ŋmee Upihbo ngbaan aamɔfal aagbaŋ ni na baanja le ga koo ni.

Tibɔkpiirkaan 22:2

Le limɔfal aasui si limɔɔl ngbaan aapepel mɔmɔk ŋilee pu, le ki lu ŋisubil libiln ponn ni nfum kipiik ni mulee, uŋmal uŋmal ponn ni. Isui ngbaan aafar le tii ŋinibol mɔk laafee.

Tibɔkpiirkaan 22:7

Tɔ, Yesu len ke, “Li pel man, m ga gir ni mala. Binib bi kii kigbaŋ kee aabɔr ti tuk timi tiwan ni ga ŋa na, Uwumbɔr aanyoor bi bi pu.”

Tibɔkpiirkaan 7:14

Le m bui u ke, “Maaninkpel, si le nyi.” Le u bui mi ke, “Bi ye binib bi nyan falaa sakpiin ni, ki finn baakpar Upihbo ngbaan aasin ni aan ti ŋa ti tipipinn na.