Tibɔkpiirkaan 22:10 - Uwumbɔr aagbaŋ

¹⁰ Le u ki bui mi ke, “Kigbaŋ kee aabɔr ti tuk timi tibɔr ti ga ŋa na, taa joo ti aabaa; ba pu? naan yunn, ti ga ŋa.

UWONBƆR A GBƆNPƆŊ LIKƆƆNL

¹⁰ Le u beim ke, “Laa ta tiwann tabin wann ki tabin ilinlen leen a mɔboi yan be kugbɔŋ nan yaan bu, nan bu-n iyoo mala.

Tibɔkpiirkaan 22:10 ပူးပေါင်းရင်းမြစ်များ

Aisaya 13:6

Li wii man iween pu. Uwumbɔr aawiin duun ni a, bundaal uma Mpɔɔnsakpiindaan ga joo ni libiil na duun ni a.

Aisaya 8:16

Nimi maadidiliib, ni li kii ki joo Uwumbɔr aah di tibɔr ti tii mi ke m nabr ti na.

Esekiel 12:23

Tɔ, tuk bi min Bidindaan Uwumbɔr aah kpa pu ki joo cha kina wɔb na. M ga cha kina aayataŋakl doo. Ubaa aan ki ŋakl li Israel aatiŋ pu daalbaadaal. Tuk bi ke: N‑yoonn fuu ni, le tibɔnabrkaan bi gbiini.

Daniel 12:4

“Tɔ, Daniel, kpab kigbaŋ ngbaan ki ŋal biin ki pu ki ti saa dulnyaa aadoon; le binib pam ga bii baayoonn ke bi bee tiwan ni bi ŋani na aatataa.”

Daniel 12:9

Le u kii ke, “Daniel, li cha n‑yoonn mue; ba pu? tibɔr timina ye tibɔbɔrkaan la, ki ga li bɔr ki ti saa ndoon aayoonn.

Daniel 8:26

Kijook ni kichakpiik ni aatork aadaŋ ti m kpiir taatataa tuk si na ga sil gbiin kina. Aa mu taa tee cha ti nya lipaal dandana wee, ba pu? ni ga yunn pam le ti nin ŋa kina.”

Matiu 10:27

Maah tuk nimi tibɔr ti libɔɔl ni na, ni li mooni ti binib ni. Maah loon tibɔr ti nitafal ni na, ni li mooni ti lipaal.

Rom Yaab 13:11

Ni li ŋani kina man. Ba pu? n‑yoonn mumina ye linimaln aayoonn la. Ni ŋeer ke ni finn ngeen pu ki taa ki san ligbanyakl. Tidindaan aah ga gir ni bundaln na aan ki yunn. Le u ga nyan timi falaa mɔmɔk ponn ni.

Rom Yaab 13:12

Naan yunn, kinyeek ga doo. Kitaak aawoln aa ki daa. Nima pu na, cha ti di cha mbɔmbɔɔn ni aatuln, aan ki li kpa mbimbinyaan mu ŋeer nwiihn na.

2 Tesalonika 2:3

Ni taa cha ubaa ŋmann nimi kina; buyoonn binib pam ga yii Uwumbɔr na le ga puen fuu ni, le Tidindaan aawiindaal nin fuu ni. Uja u yii Uwumbɔr aakaal mɔmɔk na, u mu ga puen nya mpaan pu. Uwumbɔr siin u ntafadaan la.

1 Piita 4:7

Tɔ, ni gur siib le tiwan mɔmɔk ga doo. Nima pu na, ni li kpa laasaab, ki chur nibaa, ki mee Uwumbɔr.

Tibɔkpiirkaan 1:11

ki bui mi ke, “Ŋmee saah ga kan pu na kigbaŋ ni, ki di kigbaŋ ngbaan tun Yesu aanib bi bi Asia aatim mulole ni na chee, bi bi Efesus aatiŋ ni, ni Simina aatiŋ ni, ni Pegamum aatiŋ ni, ni Tiataira aatiŋ ni, ni Sadis aatiŋ ni, ni Filadelfia aatiŋ ni, ni Laodisea aatiŋ ni na.”

Tibɔkpiirkaan 1:3

Unii u karn Uwumbɔr aabɔr timina binib aanimbil ni na, Uwumbɔr aanyoor bi u pu. Binib bi ŋun ki ŋa taah len pu na, Uwumbɔr aanyoor bi bi mu pu. Ba pu? buyoonn tibɔr tee ga nan ŋa na aa ki daa.

Tibɔkpiirkaan 10:4

Utaal aah teen nfum mulole na, le m ban m ŋmee waah len pu na kigbaŋ ni. Le m ŋun nneel len Uwumbɔr do ke, “Taa ŋmee utaal aah len tibɔr ti na, ki taa kpiir ti.”

Tibɔkpiirkaan 22:16

“Min Yesu tun ni maatuun u nan tuk nimi tibɔr tee, ni ti tuk maanib. M ye Ubɔr David aayaabil, ki ye liŋmabil naanyuun li wiin chain na.”

Tibɔkpiirkaan 22:18

M sur unii umɔk ŋun kigbaŋ kee aabɔr ti tuk timi tiwan ni ga ŋa na, unii ubaa yaa di tibɔr tiken kpee tibɔr ngbaan pu kan, Uwumbɔr ga di falaa u ŋmee kigbaŋ kee ponn ni na kpee u.

Tibɔkpiirkaan 22:20

Yesu u tuk timi tibɔr tee na bui ke, “Een, m ga gir ni mala.” Mbamɔn, Ndindaan Yesu, dan.

Tibɔkpiirkaan 22:7

Tɔ, Yesu len ke, “Li pel man, m ga gir ni mala. Binib bi kii kigbaŋ kee aabɔr ti tuk timi tiwan ni ga ŋa na, Uwumbɔr aanyoor bi bi pu.”

Tibɔkpiirkaan 22:9

Le u bui mi ke, “Taa ŋa kina. Pak Uwumbɔr baanja. M mu ye saatutuŋeer ubaa la, ni Uwumbɔr aabɔnabtiib bi ye aanaabitiib na aatutuŋeer la, ni binib bi kii kigbaŋ kee aabɔr na aatutuŋeer la.”

Tibɔkpiirkaan 5:1

Le m kan Uwumbɔr u ka libɔrjal pu na ŋub kigbaŋ uŋangii ni. Kigbaŋ ngbaan nan kpa ŋŋmeen ŋipepel mɔmɔk, ki dab ŋimɔgbin nfum mulole.