Tibɔkpiirkaan 21:7 - Uwumbɔr aagbaŋ

⁷ Unii umɔk nyaŋ na ga li yeh tiwan mɔmɔk. M ga li ye Waawumbɔr; u mu ga li ye maabo.

UWONBƆR A GBƆNPƆŊ LIKƆƆNL

⁷ Wan fir ki nyaŋ ke udaan li kan lifaalin biɛn, le N li ye u Wonbɔru le u mu li ye N big.

Tibɔkpiirkaan 21:7 ပူးပေါင်းရင်းမြစ်များ

Mpiin 17:8

M ga di kitiŋ ki aa ye uwɔwɔnja ki pu na tii si ni aayaabitiib. Kanaann aatiŋ kee mɔmɔk ga li ye aa ni aayaabitiib yaan, le ki cha n‑yoonn mu kaa kpa ndoon na, le m ga li ye Baawumbɔr.”

2 Samuel 7:14

Min le ga li ye ute, le u li ye maabo. U yaa tun taani kan, m ga daa utafal, ke ubo aate aah dar waabo aatafal pu na la.

Ilahn 89:26

U ga bui mi ke, ‘Sin le ye nte, ni Maawumbɔr; sin le ye maakikiir, sin le ye u gaal mi lir na.’

Ŋiyataŋak 3:35

U ga tii bilandam liyimbil li nyuun na, le ki ga di inimɔɔn kpee bijɔrb, baajɔrk pu.

Aisaya 65:9

M ga ŋa tinyoor ŋa Israel yaab ponn ni bi ye Juda aamaal aanib na, le biyaabitiib ga nan li yeh maajoo pu aatiŋ. Bi ye maanib bi m nyan bi na, ki mu ye maatutum. Bima le ga li koo nima.

Sekaria 8:8

le ki nyan ni bi liwipuul ni liwilir wɔb, bi nan li koo Jerusalem ponn ni. Bi ga li ye maanib, le m mu ga li ye Baawumbɔr, ki joo bi ibamɔn ni, ki cha mbimbinyaan li bi.

Matiu 19:29

Unii umɔk di cha waadichal, bee ukpetiib, bee unaatiib, bee uninkpatiib, bee ute, bee una, bee waabim, bee tisar, maayimbil pu na kan, u ga kan kina nfum nkub, ki ga li kpa limɔfal li kaa kpa ndoon na.

Matiu 25:21

Le udindaan bui u, ‘Nfaan, aa ye ututunn la, ki tun lituln mbamɔm. Maah nan tii si tiwan ni siib na, aa joo ni mbamɔm. M ga ŋa si tiwan sakpenn aaninkpel. Ji maamɔɔn.’

Matiu 25:34

Le min, u ye Ubɔrkpaan ngbaan na, ga bui binib bi si ŋŋangii wɔb na, ‘Nimi bi Nte Uwumbɔr ŋa tinyoor ŋa ni pu na, dan nan ji nnaan mu u nan toor siin nimi, buyoonn u nan naan dulnyaa wee na.

Tibɔnyaan ti Mak ŋmee ti na 10:17

Yesu aah nyan nima chee na, le uja ubaa san choo u chee, le ki nan gbaan unimbiin ni, ki baa u ke, “Umɔmɔkr nyaan, m ga ŋa kinye ki kan limɔfal li kaa kpa ndoon na?”

Rom Yaab 8:14

Binib bimɔk dii Uwumbɔr Aafuur Nyaan aah ban pu na, bima le ye Uwumbɔr aabim.

Rom Yaab 8:19

Tiwan ni Uwumbɔr naan ni na mɔmɔk aanimbil man ke ni kan bundaln Uwumbɔr ga nyan waabim mpaan pu na.

2 Korenti 6:16

Uwumbɔr aadiik ni ŋiwaa kpaan aa? Naa kpaan. Timi le ye Uwumbɔr u ye limɔfadaan na aadiik. Uma ubaa le nan len ke, “M ga li bi maanib aasui ni, ki chuun bikaasisik ni. M ga li ye Baawumbɔr, bi mu ga li ye maanib.”

2 Korenti 6:18

M ga li ye Nite; ni mu ga li ye njapɔtiib ni mbisatiib. Min Uwumbɔr u kpa mpɔɔn mɔmɔk na, le len kina.”

Hiibru Yaab 8:10

Maah ga puu tipuur ti tii Israel yaab n‑yoonn mu choo na na le ye ke: M ga di maakaal ŋa baalandak ni, ki ŋmee mu bisui ponn ni. M ga li ye Baawumbɔr, le bi li ye maanib.

1 Piita 3:9

Binib yaa ŋa nimi bakaa kan, ni taa teen bi. Bi yaa sii nimi kan, ni taa sii bi ki teen. Ni bui bi ke, “Uwumbɔr ŋa tinyoor ŋa ni pu;” ba pu? Uwumbɔr yin nimi ke u ŋa tinyoor ŋa ni pu la.

Tibɔkpiirkaan 2:11

“U kpa litafal na kan, u ŋun Uwumbɔr Aafuur Nyaan aah tuk maanib pu na. “Unii umɔk nyaŋ na aan kan lelee aakun.

Tibɔkpiirkaan 2:17

“U kpa litafal na kan, u ŋun Uwumbɔr Aafuur Nyaan aah tuk maanib pu na. “Unii umɔk nyaŋ na kan, m ga tii u tijikaar ti bɔr aan bi yin ti ke mana na, ki ga tii u litakpapiln li liyimbipɔln ŋmee li pu na. Ubaa aan li nyi liyimbipɔln ngbaan; unii u gaa li na baanja le ga li nyi.

Tibɔkpiirkaan 2:7

“U kpa litafal na kan, u ŋun Uwumbɔr Aafuur Nyaan aah tuk maanib pu na. “Unii umɔk nyaŋ na, m ga cha u moo limɔfal aasubil ŋi bi Uwumbɔr do, aan bi yin nima chee ke Paradais na.

Tibɔkpiirkaan 21:3

Le m ŋun nneel sakpiin libɔrjal ngbaan chee len ke, “Lik, Uwumbɔr do bi binib chee, le u ga li bi bi chee. Bi ga li ye waanib. Uma ubaa ga li bi bi chee ki ga li ye Baawumbɔr,

1 Samuel 2:8

U nyan ni bigiim titan ponn ni, ki nyan ni binib bi kaa kpa na baanimbaak ponn ni. U ŋani bi mbɔrbim aajɔtiib, ki joo bi kaani binikpaam aakakaa chee. Uwumbɔr le naan kitiŋ kee aatinyikl, le ki pɔɔ, litinyikl lee pu le u naan dulnyaa.