Tibɔkpiirkaan 21:15 - Uwumbɔr aagbaŋ

¹⁵ Uwumbɔr aatuun u len m chee na joo salmaa aadabil u ti ŋaŋ kitiŋ ngbaan ki lik kaah wiir pu na, ki ŋaŋ ki lik ligoln aabisamɔi aah waa pu na, ki ŋaŋ ki lik ligoln mu aah fɔk pu na.

UWONBƆR A GBƆNPƆŊ LIKƆƆNL

¹⁵ Malaka wan nan beim man nin, nan ŋmag salima a jaangbiɛg kan wee u jɔɔ magir tiwann yɔɔr, ke un mag kitiŋ nmɔn nin ki timansanmɔnn nin igon.

Tibɔkpiirkaan 21:15 ပူးပေါင်းရင်းမြစ်များ

Esekiel 40:3

U nan moo di mi foor buen, le m kan unii u moor lak lak ke tikumann na. U nan joo tiwaŋaŋkaan ni bi di ŋitanyaan ŋa ni na, ni tikur aadabil li bi joo ŋaŋni tiwan na, ki si mbisamɔb mubaa chee.

Sekaria 2:1

Tidaŋ tiken ponn ni le m nan kan uja ubaa joo ŋŋmin mu bi joo ŋaŋni tiwan aafɔfɔk na uŋaal ni.

Sekaria 2:2

Le m baa u ke, “Aa cha la chee?” Le u gar mi ke, “M cha m ti ŋaŋ Jerusalem aatiŋ la, m ban m ti ŋaŋ ki, ki bee kaafɔfɔk ni kaawawaan aah ye pu na la.”

Tibɔkpiirkaan 21:12

Ligoln sakpeln li fɔk na mann gonn kitiŋ ngbaan, ki kpa ibisamɔi kipiik ni ilee. Uwumbɔr aatuuntiib ponn ni kipiik ni bilee mu si ibisamɔi ngbaan mɔmɔk chee. Israel yaab aanibol kipiik ni ŋilee aayimbil ŋmee ibisamɔi kipiik ni ilee ngbaan mɔk pu.

Tibɔkpiirkaan 21:16

Kitiŋ ngbaan nan ye likpakpaln la. Ŋipepel mɔmɔk ŋinaa aah waa pu na ŋak la. Le u di lidabil ngbaan ŋaŋ ki lik kitiŋ ngbaan aah wiir pu na. Le ŋipepel ŋinaa mɔmɔk ye mal lichur libaa ni ikui iŋmu, ki mu fɔk kina la.

Tibɔkpiirkaan 21:21

Le ibisamɔi kipiik ni ilee ngbaan nan ye ŋitakpanyaan kipiik ni ŋilee li bi yin li ke peral na; i mɔmɔk nan ye litakpanyaan libaabaa. Kitiŋ ngbaan ponn ni aasan nan ye salmaa u bi chain ki naahn kinimbilik ki bi chain na la.

Tibɔkpiirkaan 21:25

Kitiŋ ngbaan aagoln aabisamɔi kipiik ni ilee aan piin nwiin pu. Kinyeek aan li bi nima.