Tibɔkpiirkaan 20:8 - Uwumbɔr aagbaŋ

⁸ Le ki ga buen ki ti ŋmann ŋinibol ŋi bi dulnyaa wee mɔmɔk ni na, ki ti kuun bi, bi ti to butɔb. Ŋinibol ngbaan aayimbil le ye Gog, ni Magog. Bi wiir ke nnyusakpem aatambol aah wiir pu na,

UWONBƆR A GBƆNPƆŊ LIKƆƆNL

⁸ le u li nya ki tan lar ibol yan be kutingbɔŋ a logi ina nan biɛn, ubɔr Gog nin u tiŋ Magog nan, u na li lagin bi ki lol bitɔb. Bi kanl na yin nann le ke limɔgil a gbaam a tanbiidilin.

Tibɔkpiirkaan 20:8 ပူးပေါင်းရင်းမြစ်များ

1 Bibɔrb 4:20

Juda ni Israel aanib nan wiir ke litambol li dɔ nnyusakpem aagbaan na la. Bi nan ji ki nyu, le ki kpa mpopiin.

2 Bibɔrb Aabɔr 18:21

Le mu gar ke, ‘M ga buen le ki ti cha Ahab aabɔnabr mɔmɔk gii inyamɔn.’ Le Uwumbɔr bui ke, ‘Li cha ti ŋmann u. Aa ga ti ŋman.’”

Aisaya 10:22

Dandana, Israel yaab wiir ke nnyusakpem aatambol aah wiir pu na la, le bi ponn ni siib ga gir ni. Uwumbɔr bui ke u ga bii bi; le bi ŋeer kina.

Jeremia 33:22

M ga cha maatutunn Ubɔr David aayaabitiib ni Liifai aanibol moo too pɔr, le unii aan ŋmaa kahn bi ke unii aah kaa ŋmaa kahn iŋmabi i bi kitaapaak na, ni litambol li dɔ nnyusakpem aagbaan na pu na.”

Esekiel 38:1

Uwumbɔr nan len m chee tibɔr.

Esekiel 38:2

U nan len ke, “Unibɔn, lik Magog aatiŋ aanibol ŋi ye Mesek, ni Tubal aanibol na aajojookpaan Gog wɔb ki len tibɔbir lii u pu

Esekiel 39:1

Tidindaan Uwumbɔr nan bui ke, “Unibɔn, len tibɔbir Mesek, ni Tubal aajojookpaan Gog pu, ki tuk u ke m ye waadin la.

Esekiel 39:6

M ga piin ki see Magog aatiŋ mmii ki di dii nnyusakpem aagbaan nin chee binib koo kaa kpa limukl libaa na, le unii mɔmɔk ga bee ke min le ye Uwumbɔr.

Esekiel 7:2

“Unibɔn, min Aadindaan Uwumbɔr aah len Israel aatiŋ aabɔr ti na sɔ: Kitiŋ ngbaan aadoon le na.

Hiibru Yaab 11:12

Nima pu na, ujabaan u nan bi ke waah kpo le na, nan ma binib bi wiir ke iŋmabi aah wiir pu na. Bi wiir ke litambol li dɔ nnyusakpem aagbaan na. Ubaa aa ŋmaa kahn bi.

Tibɔkpiirkaan 16:14

Tiyayaar ngbaan ye kinimbɔŋ yaan la, le ki tun lijinjiir aatun, ki buen dulnyaa wee ni aabɔrb mɔmɔk chee, ki ti kuun bi, ke bi to butɔb, Uwumbɔr u yeh mpɔɔn mɔmɔk na aawiinsakpiin daal.

Tibɔkpiirkaan 20:10

Le Uwumbɔr chuu kinimbɔŋ ki ŋmann bi na, ki di ki ŋa chirbil aamii ni, upeel ngbaan ni waabɔnabr u nan ŋmanni binib na aah bi nin chee na. Le bi ga ji falaa, nwiin pu ni kinyeek ki ti saa n‑yoonn mu kaa kpa ndoon na.

Tibɔkpiirkaan 20:3

ki di ki ŋa libuul ngbaan ni, ki di libiil biin, ki laŋ, ke ki li bi ni ponn ni ŋibin lichur, ki taa ki ŋmanni binib ki ti saa buyoonn ŋibin lichur ngbaan ga jer na. N‑yoonn ngbaan aapuwɔb, see bi chuu buur ki, ki di ki lii, ni yunn siib.

Tibɔkpiirkaan 7:1

Nimina aapuwɔb le m kan Uwumbɔr aatuuntiib binaa si dulnyaa aapepel mɔmɔk ŋinaa, ki kiir libuln ke li taa ki daa kitiŋ ni, ki taa daa nnyusakpem ni, ki taa daa isui ni.

Bibɔjirb 7:12

Midiann yaab, ni Amalek yaab, ni ŋinibol ŋi bi nteersakpiin ni na aajab nan yaa gaa kifataŋ ngbaan ni ke itoon na, le baalaakumii tiib nan wiir ke limɔɔtambol li dɔ nnyusakpem aagbaan na.

1 Samuel 13:5

Filistia yaab nan kuun ke bi ni Israel yaab jan kijaak. Bi nan kpa butɔb aataan aatɔroku mam ŋichur piitaa la, ki kpa bijab bi dik itaan pu na ŋichur ŋiloob, ki kpee bijab bi wiir ke limɔɔgbaln aatambol na. Bi nan buen Mikmas, kitiŋ ki bi Bef Afenn aawipuul wɔb na, le ki ti kuun kal nima,