Tibɔkpiirkaan 20:13 - Uwumbɔr aagbaŋ

¹³ Le bitekpiib mɔmɔk nyan ni kitekpiitiŋ ni, ki si nima; binib bi nan bee nnyusakpem ponn ni na, bi mu nyan ni ki si nima. Le u jin bi mɔmɔk tibɔr baatuln aah ye pu na.

UWONBƆR A GBƆNPƆŊ LIKƆƆNL

¹³ Le limɔgil nan nyan bitakpiib ban be li ni ki jaa, le nkum nin kitakpiin tiŋ nyan bitakpiib ban be bi ni ki jaa. Le bi jin bi biɛn tibɔr baah tun nan bu.

Tibɔkpiirkaan 20:13 ပူးပေါင်းရင်းမြစ်များ

Aisaya 26:19

Tɔ, timi aanib bi kpo na ga ki fikr nkun ni. Biwon ga ki fikr ki li kpa limɔfal. Bimɔk dɔ geen baakaakul ponn ni na ga fii ki gaa mpopiin aalahn. Limaln aah sɔŋni kitiŋ pu na, kina le Uwumbɔr ga fikr binib bi kpo ni yunn na.

Hosea 13:14

Maan nyan binib ngbaan nkun ni, kaan nyan bi nkun aapɔɔn ni. Nkun, li joo ni saabiil. Kitekpiitiŋ, li joo ni saabiil. Maan ki san binib bimina kinimbaak.

Matiu 11:23

Nimi Kapenaum aatiŋ aanib, bi ga yoor nimi paacham aa? Aayii. Bi ga sunn nimi kitekpiitiŋ ni; ba pu? m yaa ba nan tun lijinjiir aatun Sodom aatiŋ ponn ni ke maah tun ni ponn ni pu na kan, kitiŋ ngbaan ba ga li bi ki nan saa dandana wee.

Matiu 16:27

Min Unibɔn Aabo ga fuu ni ki ga li kpa Nte Uwumbɔr aapɔɔn. Le Uwumbɔr aatuuntiib ga li dii mi. N‑yoonn ngbaan le m ga tii binib mɔmɔk lipal, baatuln aah ŋeer pu na.

1 Korenti 15:26

Kookoo aadin u u ga bii u na le ye nkun.

Tibɔkpiirkaan 1:18

Min le ye umɔfadaan. M nan kpo, le ki fikr, ki ga li bi n‑yoonn mu kaa kpa ndoon na, ki joo nkun ni kitekpiitiŋ aasaafii tiib.

Tibɔkpiirkaan 2:23

ki ga ku waabim mu. Le maanib bi bi ŋipepel mɔmɔk na ga bee ke min le nyi bisui ni aah bi pu na. M ga tii ni ponn ni unii mɔmɔk waatuln aah ŋeer pu na.

Tibɔkpiirkaan 20:12

Le m kan bitekpiib, bi ye bipɔɔndam ni bi ye biwaatiib na, si libɔrjal ngbaan aanimbiin ni. Le u kpar tigbann, ki ki kpar kigbaŋ kiken, ki ye limɔfal aagbaŋ na, ki jin bitekpiib tibɔr, baabɔr aah ŋmee tigbann ngbaan ponn ni pu na, baah nan tun pu na.

Tibɔkpiirkaan 20:14

Le u di nkun ni kitekpiitiŋ ŋa mmii sakpiin ponn ni. Mmii ngbaan le ye lelee aakun.

Tibɔkpiirkaan 21:4

ki ga per bi tinyunyunn mɔmɔk. Nkun aan ki li bi; mpombiin mu aan ki li bi; iwiil mu aan ki li bi; iween mu aan ki li bi; ba pu? tiwankpok mɔmɔk jer a.”

Tibɔkpiirkaan 6:8

Le m lik ki kan utanyɔnyɔn. Unii u dik u pu na aayimbil ye Nkun. U bi yin u ke Kitekpiitiŋ na mu dii u. Le Uwumbɔr tii bi mpɔɔn ke bi di kijaak aajum, ni nkon, ni iween, ni ipeel ku dulnyaa aanib lipepel nanar wɔb.