Tibɔkpiirkaan 2:17 - Uwumbɔr aagbaŋ

¹⁷ “U kpa litafal na kan, u ŋun Uwumbɔr Aafuur Nyaan aah tuk maanib pu na. “Unii umɔk nyaŋ na kan, m ga tii u tijikaar ti bɔr aan bi yin ti ke mana na, ki ga tii u litakpapiln li liyimbipɔln ŋmee li pu na. Ubaa aan li nyi liyimbipɔln ngbaan; unii u gaa li na baanja le ga li nyi.

UWONBƆR A GBƆNPƆŊ LIKƆƆNL

¹⁷ Wan jɔɔ litul ke, ni che un gbir Kinaaŋ kaah bei biwonjiɛm a laginn man. Wan fir nyaŋ ke, n li sei u kulɔŋ a boroboro kan woo-n, wee bi yi ke maana-n. N mu ji li sei u litangbag penl lan wee liyinl pɔnl sɔb paan li bu, le wan gaa litangbagil nmɔn a binba le li nyi liyinl nmɔn a taai.”

Tibɔkpiirkaan 2:17 ပူးပေါင်းရင်းမြစ်များ

Ilahn 25:14

Uwumbɔr aajɔtiib le ye binib bi keei waamɔb na, le u mɔk bi waah puu tipuur ti na aatataa.

Ilahn 36:8

Saah tii timi tijikaar sakpen ti na le kpiini timi; le ti nyu nnyun saaŋann aamɔɔ na ni.

Nnyam 16:33

Moses nan bui Aaronn ke, “Ban kichichibik, ki lee mana aajikaar ti ga gbiin kuruwaa ubaa na aan ki di ŋa ki ponn ni, ki di ti siin Uwumbɔr aanimbiin ni, aan tiyaabitiib mu nan kan ti.”

Ŋiyataŋak 14:10

Saamɔɔn ye saawan la, le saapombiin mu ye saawan. Saan ŋmaa yakr kina aawan tii ubaa.

Ŋiyataŋak 3:32

ba pu? Uwumbɔr aa gee binib bi tun titunwanbir na, li ki tee tuk binib bi aabimbin ŋan na waabɔbɔrkaan.

Aisaya 56:4

Uwumbɔr bui kina aaja ke, “Aa yaa pak mi ki joo maakpaakool daal mbamɔm, ki ŋani maah gee pu na, ki gaa ki kii maah puu tipuur ti na kan,

Aisaya 56:5

saayimbil ga yunn Maadichal ni, ni maanib ni, ki jer saah ba ga li kpa mbijabim ni mpiibim pu na. Baan suln aabɔr kpala.”

Aisaya 62:2

Jerusalem, ŋitimbol ga kan saatunyaan. Ŋaabɔrb ga kan saawangol, le aa ga li kpa liyimbipɔln, liyimbil li Uwumbɔr ubaa ga tii si na.

Aisaya 65:13

le m ban m bui nimi ke binib bi dooni mi ki kii maamɔb na ga li kpa pam bi ji ki nyu, nimi ma kan, nkon ni nnyunyuu ga li joo nimi. Bi ga li kpa mpopiin, le nimi ga ji inimɔɔn.

Aisaya 65:15

Maanib bi m nyan bi na ga li joo nimi aayimbil le puuni lir binib pu, ke bi li bee fam ke nimi na. Min, Bidindaan Uwumbɔr le ga ku nimi, le ki tii binib bi kii maamɔb na liyimbipɔln.

Matiu 13:11

Le u bui bi, “Nimi le Uwumbɔr cha ni bee waanaan aabɔbɔrkaan, kaa cha bima bee.

Tibɔnyaan ti Mak ŋmee ti na 7:16

U kpa litafal na kan, u ŋun.”]

Jɔnn 4:32

Le u bui bi, “M kpa tijikaar ti naa nyi tibɔr na m ji.”

1 Korenti 2:14

Unii u kaa kpa Uwumbɔr Aafuur Nyaan na, u yii Nfuur Nyaan aabɔr, ki dak ke Nfuur Nyaan aabɔr ye kijɔrk aabɔr la. Uwumbɔr Aafuur Nyaan le cha binib bee mu aabɔr. Nima pu na, unii u kaa kpa Uwumbɔr Aafuur Nyaan na aa ŋmaa bee mu aabɔr.

Kolosiya 3:3

Ba pu? ni naahn ke ni kpo; le nimi aamɔfal kpaan Kristo ni, ki bi Uwumbɔr chee paacham, le u biin li pu.

Tibɔkpiirkaan 14:3

Binib ngbaan bi Uwumbɔr aabɔrjal, ni tiwanfuurkaan ninaa, ni bininkpiib na aanimbiin ni, ki gaa ilahnpɔɔn. Ubaa aan ŋmaa bae nlahn ngbaan see binib ŋichur nkub ni imonko ilee ni ŋinaa bi Uwumbɔr daa bi ki nyan bi dulnyaa wee ni na.

Tibɔkpiirkaan 19:16

Liyimbil nan ŋmee waakpalk pu, utaapaln chee ke, “Bibɔrb mɔmɔk Aabɔrkpaan ni dindatiib mɔmɔk Aadindaan.”

Tibɔkpiirkaan 2:11

“U kpa litafal na kan, u ŋun Uwumbɔr Aafuur Nyaan aah tuk maanib pu na. “Unii umɔk nyaŋ na aan kan lelee aakun.

Tibɔkpiirkaan 2:7

“U kpa litafal na kan, u ŋun Uwumbɔr Aafuur Nyaan aah tuk maanib pu na. “Unii umɔk nyaŋ na, m ga cha u moo limɔfal aasubil ŋi bi Uwumbɔr do, aan bi yin nima chee ke Paradais na.

Tibɔkpiirkaan 3:22

“U kpa litafal na kan, u ŋun Uwumbɔr Aafuur Nyaan aah tuk maanib pu na.”

Tibɔkpiirkaan 3:6

“U kpa litafal na kan, u ŋun Uwumbɔr Aafuur Nyaan aah tuk maanib pu na.