Tibɔkpiirkaan 19:4 - Uwumbɔr aagbaŋ

⁴ Le bininkpiib moninko ni binaa ngbaan, ni tiwanfuurkaan ninaa ngbaan gbaan kitiŋ ki pak Uwumbɔr u ka libɔrjal pu na, ki len ke, “Amii. Haleluya.”

UWONBƆR A GBƆNPƆŊ LIKƆƆNL

⁴ Le bininkpeeb pilee nin bina nin tiwann naan wan tan fo tina-n sɔɔn tum ki jiɛn Uwonbɔr, wan nan ka u naangbɔŋ bu-n. Le bi kuun ke, “Ibamɔn, Ti don Uwonbɔr a yinl!”

Tibɔkpiirkaan 19:4 ပူးပေါင်းရင်းမြစ်များ

1 Bibɔrb Aabɔr 16:36

Pak Israel yaab Aadindaan Uwumbɔr man. Li pak u man dandana, ni n‑yoonn mu kaa kpa ndoon na. Le binib mɔmɔk bui ke, “Amii,” le ki pak Uwumbɔr.

Nehemia 5:13

N‑yoonn ngbaan le m chuu gbabr maawundo u m nan gbab nchaŋ ni na ki yɔk yɔk u, ki bui ke, “Kina le Uwumbɔr ga yɔk yɔk unii umɔk kaa joo waah puu pu na. Uwumbɔr ga gaa nimi aadichal, ni naah kpa tiwan nimɔk na, ki cha nimi niŋmeen.” Le binib bimɔk nan bi nima na kii ke, “Amii,” ki nyuŋ Uwumbɔr. Le biyidam ngbaan nan joo baah puu tipuur ti na.

Nehemia 8:6

Le Esra bui ke, “Pak Uwumbɔr man, u ye Uwumbɔr Sakpiin la.” Le binib ngbaan mɔmɔk yoor biŋaal paacham ki kii ke, “Amii, amii.” Bi mɔmɔk nan gbaan kitiŋ ki doon Uwumbɔr, le binimbil chik kitiŋ.

Ilahn 104:35

U kuln titunwanbirdam mɔmɔk kitiŋ kee pu; bibiindam taa ki li bi kpala. M joo nsui mɔmɔk pak Uwumbɔr la. Pak Uwumbɔr man.

Ilahn 106:48

Pak Uwumbɔr u ye Israel yaab Aadindaan na man; li pak u dandana, ni n‑yoonn mu kaa kpa ndoon na. Cha unii mɔmɔk len ke, “Amii”. Pak Uwumbɔr man.

Ilahn 41:13

Pak timi Israel yaab Aadindaan Uwumbɔr man. Li pak u man dandana, ni n‑yoonn mu kaa kpa ndoon na. Amii amii.

Ilahn 72:19

Li pak waayimbil li kpa kipak na n‑yoonn mɔmɔk man. Cha waapak gbii dulnyaa wee mɔmɔk. Amii, amii.

Ilahn 89:52

Pak Uwumbɔr n‑yoonn mɔmɔk man. Amii, amii.

Jeremia 28:6

“Mbamɔn, Uwumbɔr ba sil ŋa kina kan, ni ba ŋan. Saabɔkpiirkaan tee ba ga sil gbiin ke u nyan ni Babiloŋ aatiŋ ni, Waadichal ni aawangol ni binib bi mɔmɔk bi tinaagbiir ni nima na kan, m ba ga li gee kina sakpen.

Matiu 28:20

ki tuk bi ke bi li keei maah tuk nimi pu na mɔmɔk. Teer man ke m bi ni chee n‑yoonn mɔmɔk, ki nan saa dulnyaa aadoon.”

Matiu 6:13

Taa cha ti kan ntɔŋ. Nyan timi kinimbɔŋ aaŋaal ni. [Si le yeh nnaan, ni mpɔɔn, ni mpakm n‑yoonn mu kaa kpa ndoon na.’]

1 Korenti 14:16

Aa yaa doon Uwumbɔr, Waafuur Nyaan aah cha aa doon u pu na kan, unii yaa bi nikaasisik ni, kaa nyi Uwumbɔr aasan kan, u ga ŋa kinye ki len ke saah doon Uwumbɔr pu na ye mbamɔn; ba pu? waa ŋun saah len pu na.

Tibɔkpiirkaan 15:7

Le tiwanfuurkaan ninaa ponn ni nibaa di salmaa aasambil ŋilole tii Uwumbɔr aatuuntiib bilole ngbaan. Uwumbɔr u bi n‑yoonn mu kaa kpa ndoon na aaŋuul aah fii pu na le gbii ŋisambil ngbaan.

Tibɔkpiirkaan 19:1

Nimina aapuwɔb le m ŋun nneel mu naahn kinipaak sakpeŋ na aaneel paacham. Bi len ke, “Haleluya, Tidindaan Uwumbɔr le gaa timi lii. Uma le yeh nnyuŋ, ni mpakm, ni mpɔɔn.

Tibɔkpiirkaan 19:3

Le kinipaak ki bi paacham na ki len ke, “Haleluya. Iŋmanyuu nyan kitiŋ ngbaan ni ki ga fii paacham n‑yoonn mu kaa kpa ndoon na.”

Tibɔkpiirkaan 19:6

Le m ŋun nneel mu naahn kinipaak sakpeŋ aaneel, ki naahn bunyɔb sakpem aanyun aah fuuk pu na, ki fuuk ke utaal aah tar mpɔɔn pu na, len ke, “Haleluya. Dandana wee Tidindaan Uwumbɔr u kpa mpɔɔn mɔmɔk na le joo tiwan mɔmɔk.

Tibɔkpiirkaan 5:14

Le tiwanfuurkaan ninaa ngbaan kii ke “Amii.” Bininkpiib ngbaan mu nan gbaan Uwumbɔr ni Upihbo ngbaan aanimbiin ni ki doon bi.