Tibɔkpiirkaan 19:18 - Uwumbɔr aagbaŋ

¹⁸ ti ye bibɔrb aawon, ni butɔb aajab aaninkpiib aawon, ni bipɔɔndam aawon, ni itaan aawon, ni binib bi dik i pu na aawon, ni binib mɔmɔk aawon, bi ye binaagbiib ni bi kaa ye binaagbiib na, ni bi ye biwaatiib, ni bi ye bipɔɔndam na aawon la.

UWONBƆR A GBƆNPƆŊ LIKƆƆNL

¹⁸ wee ni fir ŋman bibɔrtiib, nin bitɔtob a yudam, nin bipɔɔndam, nin itaan nin bitanjigib, nin bininfob biɛn ban ye bi ba nin ban ye biyom, ban gbee bininfob nin ban kaa gbee bininfob a nann.”

Tibɔkpiirkaan 19:18 ပူးပေါင်းရင်းမြစ်များ

Jeremia 16:4

Iween i bir sakpen na le ga ku bi, le ubaa aan li bi ki wii baakpuul, ubaa mu aan ki li bi ki sub bi. Ŋinikpol ngbaan ga li dɔ kitiŋ ke tinaabin na la. Butɔb ni le bibaa ga kpoi, le nkon ku biken mu, le ŋinikpol ngbaan ga li ye inyoon ni ipeel aajikaar.

Jeremia 19:7

Do le m ga bii Juda ni Jerusalem aanib aalandak mɔmɔk. M ga cha baadim nyaŋ bi, ki ku bi butɔb ni. Le m ga di ŋinikpol ngbaan tii inyoon, ni ipeel, i di ŋa tijikaar.

Jeremia 34:20

M ga di bi tii baadim bi ban bi ku bi na, le baanikpol ga li ye inyoon ni ipeel aajikaar.

Jeremia 7:33

Ŋinikpol ngbaan le ga nan li ye inyoon ni ipeel i bi nima na aajikaar, le ubaa aan nan li bi nima ki jenn i.

Esekiel 29:5

M ga di aa ni ijan ngbaan mɔmɔk mee lii nteersakpiin ni. Aa ga ti lir kitiŋ ki gaar nima, ubaa taa sub si. M ga di si tii inyoon ni ipeel i di ŋa tijikaar.

Esekiel 39:17

Tidindaan Uwumbɔr nan ki bui mi ke, “Unibɔn, yin ni inyoon ni ipeel mɔmɔk ke i kuun ni ki nan ji kitork ki m bi gor siini i na. Ni ga li ye njimkpaam le Israel aajoo pu nin chee i ga ŋmɔ tinann ki nyu nsin na.

Matiu 24:28

“Liwankpol aah bi nin chee na, nangba mam mu kuuni nima chee la.”

Tibɔnyaan ti Luk ŋmee ti na 17:37

Le waadidiliib baa u, “Tidindaan, la chee?” Le u bui bi, “Liwankpol aah bi nin chee na, nangba mam mu kuuni nima chee la.”

Ikaal 28:26

Ni yaa kpo dɔ kan, inyoon, ni timoor ni aapeel le ga dan ki nan ji nimi aawon, le ubaa aan kan ki jenn i foor.

Tibɔkpiirkaan 11:18

Ŋinibol aanib nan gee liŋuul, le saaŋuul mu fii, le ni ŋeer aa ji bitekpiib tibɔr, ki ŋeer aa di ipiin tii saabɔnabtiib bi ye saatutum na, ni saanib bi mɔmɔk pak si na, bi ye biwaatiib na, ni bi ye bisakpem na, ki ŋeer aa kuln binib bi ku dulnyaa aanib na.”

Tibɔkpiirkaan 13:16

ki cha bi daan binib mɔmɔk biŋangii pu, bee biyigbeer pu. U nan cha bi daan biwaatiib, ni bisakpem, ni biwankpadam, ni bigiim, ni binaagbiib, ni bimalb.

Tibɔkpiirkaan 17:16

Saah kan iyiin kipiik i na ni upeel ngbaan ga li nan upiidagoor, ki ga yoor waawan mɔmɔk ki cha u chuun uŋmeen, ki ga ji waawon ki see u mmii;

Tibɔkpiirkaan 19:5

Le nneel nyan ni libɔrjal chee ki len ke, “Nimi bimɔk ye timi Aawumbɔr aatutum ki san u na, biwaatiib ni bipɔɔndam, ni mɔmɔk pak u man.”

Tibɔkpiirkaan 6:15

Le dulnyaa aayidam, ni bibɔrb, ni butɔb aajab aayidam, ni biwankpadam, ni bipɔɔndam, ni binaagbiib mɔmɔk, ni bimalb mɔmɔk bɔr titakpalunn ni, ni ŋitakpasakpiin taab ŋijoo paab,

1 Samuel 17:44

le ki kpak David ki bui ke, “Dan, aan m nan di saawon tii inyoon ni ipeel.”

1 Samuel 17:46

Din aataak kee le Uwumbɔr ga di si ŋa maapɔɔn ni. M ga nyaŋ si ki gii aayil, ki di Filistia aajab aawon tii inyoon ni ipeel, le dulnyaa wee mɔmɔk bee ke Israel yaab sil kpa Uwumbɔr,