Tibɔkpiirkaan 19:12 - Uwumbɔr aagbaŋ

¹² Unimbil wɔb wiin ke mmiigaal na. Ubɔr aayikpupur ti wiir na bi uyil pu. Waayimbil ŋmee u pu. Ubaa aa nyi liyimbil ngbaan see uma baanja.

UWONBƆR A GBƆNPƆŊ LIKƆƆNL

¹² Le u numbili nann nŋmipeen, le nnaam a yuchigirim takpem chig u yul bu. Liyinl liba nan sɔb paa u bu le uba kaa nyi li taai, see uma a binba.

Tibɔkpiirkaan 19:12 ပူးပေါင်းရင်းမြစ်များ

Mpiin 32:29

Le Jakob bui ke, “Aa mu tuk mi saayimbil.” Le u nan baa u ke, “Ba ŋa aa ban ke aa bee maayimbil?” Le u ŋa tinyoor ŋa Jakob pu.

Ilahn 8:5

Sin baanja le jer u; aa di kipak ni liyimbil le di tii u.

Nnyam 23:21

Ni ŋun tii u, ki kii waamɔbon. Ni taa ŋa tafalaaŋun u chee; ba pu? min le tun ni u, le waan di cha pinn tafalaaŋundaan aatunwanbir.

Ŋiyataŋak 30:4

Ŋma kee bee paacham aalan mbamɔm? Ŋma kee chuu libuln ŋa uŋaal ni? Ŋma kee di nnyun poo likekeln ni? Ŋma kee siin kitiŋ aanaanmɔk? Aa yaa nyi kan, ŋma ye udaan, ŋma ye ujapɔɔn?

Solomonn Aalahn 3:11

Sionn aapiib, dan nan lik man ubɔr Solomonn. U chik kibɔryikpupuk ki una nan di chiŋ uyil pu waabɔndinn daal, nwiin mu nan ye waapopiin ni mmɔɔn daal na la.

Aisaya 62:3

Aa ga li ŋan ki wiin chain ke tiwan ni kpa kidaak saakpen na, ki ga li bi ke kibɔryikpupuk na le Uwumbɔr chee.

Aisaya 9:6

Bi ma ubo tii timi. Bi tii timi ubijabo. Le u ga li ye timi aajojoor. Waayimbil ga li ye ke, “Lijinjiir Aasusur,” ni “Mpɔɔn mɔmɔk Aawumbɔr,” ni “N‑yoonn mu kaa kpa ndoon na Aate,” ni “Nsuudoon Aabɔrbo.”

Daniel 10:6

Uwon nan moor lak lak ke nleenyaan na. Le unimbil wɔb mu moor ke utaal aah moor pu na, le unimbil bi ke mmii mu gaal na. Uŋaal ni utaa nan moor ke tikumann ti bi pir ti mbamɔm na, le uneel naahn kinipaak aafuuk.

Sekaria 9:16

Nwiin ngbaan daal yaa nan fuu ni kan, Uwumbɔr ga gaa waanib lii, ke unii aah nyani waawakor linimaln ni pu na. Uwumbɔr aanib ga li moor waatiŋ ni ke kibɔryikpupuk aatakpanyaan na.

Matiu 11:27

“Tɔ, Nte Uwumbɔr le tii mi tiwan mɔmɔk. Ubaa aa nyi min Uwumbɔr Aajapɔɔn, see Nte Uwumbɔr. Ubaa mu aa nyi Nte Uwumbɔr, see min Ujapɔɔn. Binib bi m ban ke m di Uwumbɔr mɔk bi na, bi mu nyi u.

Matiu 21:5

“Tuk Sionn aatiŋ aanib, Lik, nimi aabɔrkpaan choo ni chee la. U sunn ubaa taab le ki dik ubon pu, u dik ubon u laa diin na pu la.”

Matiu 28:18

Le Yesu bui bi, “Uwumbɔr tii mi mpɔɔn mɔmɔk, paacham ni taab.

Tibɔnyaan ti Luk ŋmee ti na 10:22

“Nte Uwumbɔr le tii mi tiwan mɔmɔk. Ubaa aa nyi min Uwumbɔr Aajapɔɔn aah ye udaan u na, see Nte Uwumbɔr. Ubaa mu aa nyi Nte Uwumbɔr aah ye udaan u na, see min Ujapɔɔn. Binib bi m ban ke m di Uwumbɔr mɔk bi na, bi mu nyi u.”

Jɔnn 17:11

Dandana, m choo aa chee la. Maan ki li bi dulnyaa ni; bima le ga li bi dulnyaa ni. Nte Uwumbɔr u ye chain na, aa tii mi saayimbil. Cha liyimbil ngbaan aapɔɔn li lik bi, bi li ye unibaan ke m ni si aah ye unibaan pu na.

Jɔnn 17:12

Maah bi bi chee buyoonn na, m lik bi saayimbil li aa tii mi na aapɔɔn pu la. M lik bi, le bi ponn ni ubaa aa bee yɔli, see nifam na baanja. Waah bee fam na, ni gbiin Uwumbɔr Aagbaŋ aah len pu na.

Efesusi 1:21

Uma Kristo bi nima ki kpa mpɔɔn mu jer mpɔɔn mɔmɔk na: u kpa mpɔɔn jer inyɔk, ni ŋiwaa, ni bipɔnib aapɔɔn, ki kpa tininkpir jer tininkpir mɔmɔk, ki kpa mpɔɔn jer dindatiib aapɔɔn mɔmɔk. Waayimbil jer ŋiyimbil ŋimɔk bi dandana wee na, ni ŋimɔk ga li bi n‑yoonn mu choo na.

Hiibru Yaab 2:9

ti kan Yesu la. Uwumbɔr nan sunn u taab ki cha waatuuntiib jer u, ni yunn siib, aan u ti kpo binib mɔmɔk pu, uma Uwumbɔr aanimbaasaln pu. Dandana wee ti kan ke waah jin nkun aafalaa na, Uwumbɔr di kipak ni liyimbil le di tii u.

Tibɔkpiirkaan 1:14

Uyil ni waayikpir piin chain, ke tikokonn na. Unimbil wiin ke mmii na.

Tibɔkpiirkaan 12:3

Le m ki kan lijinjiir aawan niken paacham. M nan kan kipeewanbiik sakpeŋ mamaŋ ki kpa ŋiyil ŋilole ni iyiin kipiik, ki chik ubɔr aayikpupur tilole na.

Tibɔkpiirkaan 13:1

Le m kan upeel nyan ni nnyusakpem ponn ni. U nan kpa ŋiyil ŋilole ni iyiin kipiik, le ki chik ubɔr aayikpupur waayiin kipiik mɔmɔk pu. Le liyimbil li ye lisiibil ki tii Uwumbɔr na nan bi ŋiyil mɔmɔk pu.

Tibɔkpiirkaan 19:16

Liyimbil nan ŋmee waakpalk pu, utaapaln chee ke, “Bibɔrb mɔmɔk Aabɔrkpaan ni dindatiib mɔmɔk Aadindaan.”

Tibɔkpiirkaan 3:12

Unii umɔk nyaŋ na, m ga ŋa u jatɔlk Maawumbɔr Aadichal ni, le u ga li bi nima n‑yoonn mu kaa kpa ndoon na. M ga ŋmee Maawumbɔr aayimbil, ni waatiŋ ki ye Jerusalem pɔɔn ki ga nyan ni u chee paacham na aayimbil u pu. M ga ki ŋmee maayimbipɔln mu u pu.

Tibɔkpiirkaan 6:2

Le m lik ki kan utapiin. Unii u dik u pu na joo butɔm. Le bi tii u linyaŋ aayikpupuk u di chiŋ. Le u buen u ti nyaŋ binib, ki sil ti nyaŋ bi.

Bibɔjirb 13:18

Ntuun ngbaan nan baa ke, “Ba ŋa ni ban ni bee maayimbil? Li ye lijinjiir aayimbil la.”