Tibɔkpiirkaan 19:1 - Uwumbɔr aagbaŋ

¹ Nimina aapuwɔb le m ŋun nneel mu naahn kinipaak sakpeŋ na aaneel paacham. Bi len ke, “Haleluya, Tidindaan Uwumbɔr le gaa timi lii. Uma le yeh nnyuŋ, ni mpakm, ni mpɔɔn.

UWONBƆR A GBƆNPƆŊ LIKƆƆNL

¹ Ni bɔɔn bu le n gbir niba a mɔr, le ni nann ke kuninfogbaluŋ a kukɔlin ki nyan paab ki tann ke: “Ti don Uwonbɔr a yinl! Feegab nin kupag nin npɔɔn ye ti Wonbɔru yaan le,

Tibɔkpiirkaan 19:1 ပူးပေါင်းရင်းမြစ်များ

1 Bibɔrb Aabɔr 29:11

Nnaan, ni mpɔɔn, ni kipak, ni kinyaan ye sin yaan la. Sin le yeh tiwan nimɔk bi paacham ni taab na, le aa ye ubɔr u jer bitinjoob mɔmɔk na.

Ilahn 104:35

U kuln titunwanbirdam mɔmɔk kitiŋ kee pu; bibiindam taa ki li bi kpala. M joo nsui mɔmɔk pak Uwumbɔr la. Pak Uwumbɔr man.

Ilahn 106:1

Pak Uwumbɔr man. Doon Uwumbɔr man, ba pu? u kpa tiŋann; waageehm aa kpa ndoon.

Ilahn 111:1

Pak Uwumbɔr man. M ga di nsui mɔmɔk pak Uwumbɔr, waanib aah kuun nin chee na.

Ilahn 115:18

le timi bi fu na ma ga di idoon tii u; ti ga doon u dandana ni n‑yoonn mɔmɔk. Pak Uwumbɔr man.

Ilahn 146:1

Pak Uwumbɔr man. M ga pak Uwumbɔr.

Ilahn 148:1

Pak Uwumbɔr man. Paacham yaab, pak Uwumbɔr man, nimi bi bi paacham paacham na, pak u man.

Ilahn 149:1

Pak Uwumbɔr man. Gaa nlahnpɔɔn tii Uwumbɔr man; pak u waanib bi kii waamɔb na aakuun ni.

Ilahn 150:1

Pak Uwumbɔr man. Pak Uwumbɔr, Waadichal ni man. Pak waapɔɔn paacham man.

Ilahn 3:8

Linyaŋ nyani Uwumbɔr chee la, u ŋa waanyoor ŋa waanib pu.

Ilahn 62:11

M ŋun ni jer nfum mubaa Uwumbɔr len ke mpɔɔn ye uyaan la,

Jeremia 51:48

Buyoonn Babiloŋ nan koo binib bi ban bi kuln ki na aaŋaal ni na, le taab ni kitaapaak aawan mɔmɔk ga di mpopiin teen mpɔɔn pu.

Jona 2:9

Le mma ga gaa ilahn pak si, m ga toor kitork tii si, ki ŋa maah puu ke m ga ŋa pu na. Limɔfal nyan ni Uwumbɔr chee la.”

Matiu 6:13

Taa cha ti kan ntɔŋ. Nyan timi kinimbɔŋ aaŋaal ni. [Si le yeh nnaan, ni mpɔɔn, ni mpakm n‑yoonn mu kaa kpa ndoon na.’]

Tibɔkpiirkaan 11:15

Le Uwumbɔr aatuun lolole mu pii waakakaan. Le ineel sakpiin len Uwumbɔr do ke, “Dulnyaa wee ni aanaan mɔmɔk kpaln Tidindaan Uwumbɔr ni Waabo Kristo aanaan la. U ga li joo mu n‑yoonn mu kaa kpa ndoon na.”

Tibɔkpiirkaan 12:10

Le m ŋun nneel sakpiin len mpɔɔn pu paacham ke, “Dandana wee ti kan timi Aawumbɔr aah kpa mpɔɔn pu ki gaa waanib lii ki joo waanaan ni aanib na. Dandana ti kan Kristo u gaa timi lii na aah kpa yiko pu na. Ba pu? u nyan kinimbɔŋ paacham. Kinimbɔŋ ye unibiinii u nan si Uwumbɔr aanimbiin ni ki bii Uwumbɔr aanib nwiin pu ni kinyeek na la.

Tibɔkpiirkaan 19:6

Le m ŋun nneel mu naahn kinipaak sakpeŋ aaneel, ki naahn bunyɔb sakpem aanyun aah fuuk pu na, ki fuuk ke utaal aah tar mpɔɔn pu na, len ke, “Haleluya. Dandana wee Tidindaan Uwumbɔr u kpa mpɔɔn mɔmɔk na le joo tiwan mɔmɔk.