Tibɔkpiirkaan 18:9 - Uwumbɔr aagbaŋ

⁹ Tɔ, dulnyaa aabɔrb bi nan gɔr kitiŋ ngbaan chee ki jin kaawanyaan na yaa kan mmii gaal kitiŋ ngbaan, ki kan iŋmanyuu fii paacham kan, bi ga li wii ki kaani.

UWONBƆR A GBƆNPƆŊ LIKƆƆNL

⁹ “N-yonn man wee kutingbɔŋ nan a bɔrtiib ban tun iwanchɔgin toon nin upii nmɔn nin ki jin u wanŋan banlin a mɔmin nan kan nŋmi man gaan win a kpinnyir kaah dug ke, bi li mɔɔ tikpemɔr upii nmɔn bu.

Tibɔkpiirkaan 18:9 ပူးပေါင်းရင်းမြစ်များ

Mpiin 19:28

le ki yaar lik Sodom ni Gomora aatim ngbaan, ni kifataŋ ngbaan mɔmɔk, le ki kan iŋmanyuu feei mu ni, ki naahn kimosakpeŋ aaŋmanyuu aah feei pu na.

Ilahn 58:10

Uwumbɔr yaa daa mbiindam aatafal kan, le ni piir binib bi aabimbin ŋan na aasui, le bi ga lul bibiindam aasin ponn ni ki jer.

Aisaya 13:19

Babiloŋ aanaan le ŋan jer nnaan mɔmɔk; le mu aanib kpa kipupuk mu pu. Le min Uwumbɔr ga kuln Babiloŋ ke maah nan ŋa Sodom ni Gomora aatim pu na.

Aisaya 30:33

N‑yoonn mu jer na, bi nan puen toor libuul li ponn ni bi ga nan di Asiria aabɔrkpaan ngbaan see mmiisakpiin ni na. Li nyoo le ki waa, le bi pii idɔ ti gbiin li; le Uwumbɔr ga fuur mmiigaal mu ti gaa u ni idɔ ngbaan li ponn ni.

Jeremia 50:40

Maah nan kuln Sodom ni Gomora aatim, ni ntim mu bi gbɔk mu na pu na, kina le m ga ŋa Babiloŋ mu. Ubaa aan ki koo nima daalbaadaal. Min Uwumbɔr le len kina.

Jeremia 50:46

Babiloŋ yaa nan lir kan, kifuuk ki ga nya na ga cha kitiŋ dam, le ŋitimbol ŋiken ga ŋun kaalirm aawiil.”

Jeremia 51:8

Babiloŋ kpaan lir libuul ngbaan ni le ki kuln. Wii kaakpuul man. Ban nnyɔk ki nan ŋa kaabuun ni, nibaakan, i ga yann.

Esekiel 27:35

“Saabimbin ngbaan chuu binib bi mɔmɔk koo nnyusakpem aagbaan na ijawaan. Ijawaan kpaan chuu baabɔrb mu, le unii mɔmɔk waa i binimbil wɔb.

Daniel 4:14

U nan teen mpɔɔn pu ki len ke, ‘Chuu gaa busub ngbaan lii man, ki gaa gii bu aabon; ki per bu aafar ki cha bu aasubil yaa. Jenn ipeel ngbaan bu taab ki fiin inyoon ngbaan bu aabon pu man.

Ikaal 29:23

Ikpaakon ga kpaln chirbil ni n‑yaan ŋmeen, ubaa aan ŋmaa bu tiwan nibaa ni punn, le timoor mu aan ŋmaa punn. Nima aatiŋ ngbaan ga li bi ke Sodom ni Gomora aatim, ni Adma, ni Seboyim aatim mu Uwumbɔr nan bii mu na la, n‑yoonn mu usui nan fii bi pu sakpen na, le u kuln mu.

1 Timoti 5:11

Taa ŋmee bikpopiib bi kaa por na aayimbil; ba pu? bijab aakpeek yaa chuu bi kan, bi ga di Kristo aatuln lii, ki ban ke bi mɔn tichal,

Tibɔkpiirkaan 14:11

Iŋmanyuu nyan ni mmii ngbaan ni ki fii paacham n‑yoonn mu kaa kpa ndoon na. Binib bi dii upeel ngbaan, ni liwaal li naahn u na, ki gaa waadaan ki ye waayimbil na, ga ji falaa mmii ngbaan ponn ni, kaan fuur nwiin pu, kaan fuur kinyeek mu.”

Tibɔkpiirkaan 17:2

Dulnyaa aabɔrb gɔr chaa upiidagoor ngbaan chee. Dulnyaa aanib mu gɔr chaa u chee ki nyu waadagoor aadaan ki gbii.”

Tibɔkpiirkaan 18:18

ki lik mmii aah gaal kitiŋ ngbaan pu na, le ki tar ke, “Kilatiŋ ki bi ke kitisakpeŋ ngbaan na?”

Tibɔkpiirkaan 18:20

Tɔ, nimi bi bi paacham na, ni Uwumbɔr aanib, ni Yesu aakpambalb, ni Uwumbɔr aabɔnabtiib, ni li kpa mpopiin kitisakpeŋ ngbaan aah kuln pu na pu; ba pu? Uwumbɔr teen ki kaah ŋa nimi bakaa u na, ki daa kitafal.

Tibɔkpiirkaan 18:3

ba pu? ŋinibol mɔmɔk nyun ndaan mu ye kitiŋ ngbaan aadagook aakpeek na, le dulnyaa ni aabɔrb gɔr chaa ki chee. Binib bi chuun tiir na nan kan tinyoor sakpen ki pu; ba pu? kaanib nan ban tiwanyaan ki ti nyaŋ.”

Tibɔkpiirkaan 18:7

Kitiŋ ngbaan nan nyuŋ kibaa ki gaa tiwanyaan ki ti nyaŋ. Cha ki ji falaa ki li kpa mpombiin ki ti ki saa kina; ba pu? ki len kisui ni ke ki ye ubɔrpii, kaa ye ukpopii, kaan kan mpombiin kpala.

Tibɔkpiirkaan 19:3

Le kinipaak ki bi paacham na ki len ke, “Haleluya. Iŋmanyuu nyan kitiŋ ngbaan ni ki ga fii paacham n‑yoonn mu kaa kpa ndoon na.”

Tibɔkpiirkaan 2:22

U ni binib bi dii ki gɔr kidagook na yaa kaa kpeln baabimbin ki di cha waatuln kan, m ga cha bi ji falaa sakpen,