Tibɔkpiirkaan 18:23 - Uwumbɔr aagbaŋ

²³ Karyaa ubaa mu aan ki li wiin ki ponn ni. Uja ubaa mu aan ki yoor upii ki ponn ni. Upii ubaa mu aan ki mɔn uja ki ponn ni. Binib bi chuun tiir tiwan ki ponn ni na nan ye mpɔɔndam la. Kaanib nan ŋani inyɔk ki ŋmanni ŋinibol mɔmɔk.”

UWONBƆR A GBƆNPƆŊ LIKƆƆNL

²³ Le fila a wonweem kaa ji na li won a bu jigin ni. Lipiichanil daan nin u bɔɔnh a kukɔl kaa ji na li gbir a ban ni. A kpoŋkpoŋ damin nan ye dulinya a ninfob gbingbemin le. A nyɔgimin kɔɔn ibol biɛn kulɔŋa.

Tibɔkpiirkaan 18:23 ပူးပေါင်းရင်းမြစ်များ

2 Bibɔrb 9:22

Le Joram baa u ke, “Aa joo nsuudoon le choo oo?” Le Jehu gar u ke, “Nsuudoon ga ŋa kinye ki li bi ti chee, aana Jesebel aah piin kisook ni ŋiwaa ŋi na ponn ni?”

Job Aagbaŋ 21:17

Ubiindaan aamii kee junn aa? Bi ponn ni ubaa kee kan tibɔbir aa? Uwumbɔr kee daa bibiindam aatafal waaŋuul ni

Ŋiyataŋak 24:20

Ubiindaan aa kpa fen aamakl, waan kan tiwanyaan nibaa.

Aisaya 23:8

Ŋma nan kal kpokl ke tibɔbir timina dan Taya aatiŋ pu, mpɔɔn aatiŋ ki aawantiirb naahn biyidam, ki nan ye bininyuum kitiŋ kee pu na?

Aisaya 47:9

Naan yunn, liwinbaal le aa ga lann tiwan nilee ngbaan mɔmɔk. Hali saah kpa inyɔk i na aan ter si, le aa ga lann chal ni mbim mɔmɔk.

Jeremia 16:9

Li pel, min Uwumbɔr Mpɔɔnsakpiindaan, u ye Israel yaab Aawumbɔr na aah kpa pu m len na. M ga ŋmin mpopiin ni mmɔɔn aafuuk, ni tibɔndinn aajim aafuuk na. Binib bi bi do na ga li bi ki nan kan nimina aah ga ŋa pu na.

Jeremia 25:10

M ga cha baamɔɔn, ni mpopiin aafuuk, ni tibɔndinn aajim aapopiin aafuuk na ŋmin chii. Baan ki kan nkpan ki ŋa baakaryaa mam ni, kaan ki kan tijikaar mu.

Jeremia 7:34

Kitiŋ ngbaan ga kpaln nteersakpiin la. Mpopiin, ni mmɔɔn aafuuk, ni tibɔndinn aajim aamɔɔn ga doo Juda aatim, ni Jerusalem ponn ni.

Nahum 3:4

Uwumbɔr daa pateer Ninefa aatiŋ aatafal la. Ki nan ŋan sakpen, le ki kpa ibɔnyɔk i bir na, ki nan ŋmal ŋitimbol ŋiken ibɔnyɔk, ki di mu ŋa tinaagbiir ni.

Lituln 8:11

U nan tun inyɔk aatun ni yunn, ki cha ni gar binib pam. Nima pu na, bi nan kii tii u.

Tibɔkpiirkaan 17:2

Dulnyaa aabɔrb gɔr chaa upiidagoor ngbaan chee. Dulnyaa aanib mu gɔr chaa u chee ki nyu waadagoor aadaan ki gbii.”

Tibɔkpiirkaan 17:5

Liyimbil li aatataa bɔɔ na nan ŋmee paa uyigbeer pu. Liyimbil ngbaan le ye ke, “Kitisakpeŋ Babiloŋ ki ye bipiidagoob ni bininsum mɔmɔk aana na.”

Tibɔkpiirkaan 18:22

Ubaa aan ki li ŋun binib bi gbaa tibar na, ni binib bi gaa ilahn na, ni binib bi pii ŋiwul ni kakaan tiib na pu, kitiŋ ngbaan ponn ni. Ututunn ubaa mu aan ki li bi ki ponn ni. Upii ubaa mu aan ki nan tijikaar ki ponn ni.

Tibɔkpiirkaan 18:3

ba pu? ŋinibol mɔmɔk nyun ndaan mu ye kitiŋ ngbaan aadagook aakpeek na, le dulnyaa ni aabɔrb gɔr chaa ki chee. Binib bi chuun tiir na nan kan tinyoor sakpen ki pu; ba pu? kaanib nan ban tiwanyaan ki ti nyaŋ.”

Tibɔkpiirkaan 18:9

Tɔ, dulnyaa aabɔrb bi nan gɔr kitiŋ ngbaan chee ki jin kaawanyaan na yaa kan mmii gaal kitiŋ ngbaan, ki kan iŋmanyuu fii paacham kan, bi ga li wii ki kaani.

Tibɔkpiirkaan 21:8

Le bijawaandam, ni binib bi yii mi na, ni bininsom, ni binikurb, ni bidagoob, ni bibɔɔb, ni biwaadam, ni binyamɔndam mɔmɔk ga li bi chirbil aamii ni. Nima le ye lelee aakun na.”

Tibɔkpiirkaan 22:15

Le tiniwanbir, ni bibɔɔb, ni bidagoob, ni binikurb, ni biwaadam, ni binyamɔndam, ni biŋmaŋmannim ma kan, baan koo ni kitiŋ ngbaan ni.

Tibɔkpiirkaan 22:5

Kinyeek aan ki li bi. Baan li ban karyaa, kaan li ban nwiin; ba pu? Tidindaan Uwumbɔr le ga li wiin bi pu. Bi ga li ye bibɔrb ki cha n‑yoonn mu kaa kpa ndoon na.

Tibɔkpiirkaan 6:15

Le dulnyaa aayidam, ni bibɔrb, ni butɔb aajab aayidam, ni biwankpadam, ni bipɔɔndam, ni binaagbiib mɔmɔk, ni bimalb mɔmɔk bɔr titakpalunn ni, ni ŋitakpasakpiin taab ŋijoo paab,

Tibɔkpiirkaan 9:21

Binib ngbaan beenin ku binib, ki ji inyɔk, ki gɔr kidagook, ki su kinaayuk, kaa kpeln baabimbin.