Tibɔkpiirkaan 18:22 - Uwumbɔr aagbaŋ

²² Ubaa aan ki li ŋun binib bi gbaa tibar na, ni binib bi gaa ilahn na, ni binib bi pii ŋiwul ni kakaan tiib na pu, kitiŋ ngbaan ponn ni. Ututunn ubaa mu aan ki li bi ki ponn ni. Upii ubaa mu aan ki nan tijikaar ki ponn ni.

UWONBƆR A GBƆNPƆŊ LIKƆƆNL

²² Bibiɛfaab nin bilangaab nin binaakpaapeeb nin binaatunpeeb a lai-n kaa ji na li gbir a ban ni. Kpoŋkpoŋ daan uba kaa ji na li be a ban ni. Linaal a mɔr kaa ji na li gbir a ban ni.

Tibɔkpiirkaan 18:22 ပူးပေါင်းရင်းမြစ်များ

Job Aagbaŋ 3:7

ŋa ki kinyeek ki kaa kpa tinyoor, ni mpopiin na.

Ulandaan 12:4

Aatafal ga kpaa, kaan ki li ŋun kitiŋ ponn ni aafuuk pu. Hali kinaak yaa nan kan, saan li ŋun kaafuuk pu mbamɔm, kaan li ŋun ŋigangan mu pu mbamɔm. Le unyoon aawiil ma ga finn si ngeen pu.

Aisaya 23:12

Saidonn aatisakpeŋ, saamɔɔn doo a, le saanib bi limukl ni. Hali bi yaa san buen Saiprus aatiŋ ni kan, bi ga li beenin bi tibɔr ni.

Jeremia 16:9

Li pel, min Uwumbɔr Mpɔɔnsakpiindaan, u ye Israel yaab Aawumbɔr na aah kpa pu m len na. M ga ŋmin mpopiin ni mmɔɔn aafuuk, ni tibɔndinn aajim aafuuk na. Binib bi bi do na ga li bi ki nan kan nimina aah ga ŋa pu na.

Jeremia 25:10

M ga cha baamɔɔn, ni mpopiin aafuuk, ni tibɔndinn aajim aapopiin aafuuk na ŋmin chii. Baan ki kan nkpan ki ŋa baakaryaa mam ni, kaan ki kan tijikaar mu.

Jeremia 33:11

ni mmɔɔn, ni tibɔndinn aajim aakuun aafuuk pu. Ni ga ŋun binib aah joo ni baadoon aapiin Maadichal ni ki gaa ilahn pu na; bi ga len ke, ‘Di idoon tii Uwumbɔr Mpɔɔnsakpiindaan man, u kpa tiŋann, le waageehm aa kpa ndoon.’ M ga cha kitiŋ kee ki kan nkam ke kaah nan bi pu njan na. Min Uwumbɔr le len kina.”

Jeremia 7:34

Kitiŋ ngbaan ga kpaln nteersakpiin la. Mpopiin, ni mmɔɔn aafuuk, ni tibɔndinn aajim aamɔɔn ga doo Juda aatim, ni Jerusalem ponn ni.

Esekiel 26:13

M ga ŋmin nimi aalahn mɔmɔk, ki cha nimi aabar aawiil ŋmin.

Matiu 9:23

Le Yesu fuu uninkpel ngbaan aadichal ni, ki ti koo li ponn ni, ki kan kinipaak nima. Bi nan wii ikpowiil, ki pii ŋiwul, ki faa kifuuk.