Tibɔkpiirkaan 18:19 - Uwumbɔr aagbaŋ

¹⁹ le ki faa kitangbaak ŋa biyil pu, ki wii ki li kpa mpombiin ki len ke, “Tibɔbir bi kitisakpeŋ ngbaan pu la. Biŋɔdam bimɔk chuun nnyusakpem pu na nan kan tinyoor pam; ba pu? kitiŋ ngbaan aanib nan daa bi chee tiwan ni kpa kidaak na. Liwinbaal le kitiŋ ngbaan mɔmɔk kuln a.”

UWONBƆR A GBƆNPƆŊ LIKƆƆNL

¹⁹ Bi na li minn titann ki gabir bi yuli bu, le ki mɔr tikpemɔr ki kunn ke: ‘Woo! Woo, kitintakpeŋaa, nan yaan wee ban biɛn nan donn tiŋalin nan kpann biwandam upii a jɔɔm bu-n! Le kukurug kiba a poolin le u jɔɔm nmɔn nan bor!

Tibɔkpiirkaan 18:19 ပူးပေါင်းရင်းမြစ်များ

2 Samuel 13:19

U nan di nfatan puŋ uyil, le ki dar kar waabɔkul, le ki di uŋaal biin unimbil pu, ki wii cha.

Nehemia 9:1

Uŋmabaan ngbaan ponn ni aawiin moninko ni inaa daal le Israel yaab nan kuun ke bi lul bumɔb ki mɔk baapombiin baatunwanbir pu. N‑yoonn mue na bi nan yakr biwɔwɔm bi ŋmal bi ponn ni na chee. Bi nan pee tiwanpeenkaan ni saak kuub na, le ki di titan puŋ biyil, bisui aah bii pu na pu. Le bi sil ki kpiir baatunwanbir, ni biyaajatiib mu aatunwanbir pu.

Job Aagbaŋ 2:12

Baah laa bi ni dandar na, le bi waa Job, ki mu aa bee u. Baah ti bee u na, le bi piin ki wii, ki kaani, ki dar kar baawanpeenkaan mpombiin pu, le ki fai titan mae paacham, ni biyil pu,

Aisaya 13:19

Babiloŋ aanaan le ŋan jer nnaan mɔmɔk; le mu aanib kpa kipupuk mu pu. Le min Uwumbɔr ga kuln Babiloŋ ke maah nan ŋa Sodom ni Gomora aatim pu na.

Inandalahn 2:10

Jerusalem aajaninkpiib gur ka kitiŋ le ki ŋmin chii, ki di titan puŋ biyil, ki pee tiwan ni saak kuub na. Bisapɔm ka tii biyil la.

Esekiel 27:30

Bi mɔmɔk wii aa pu ni mpombiin la, ki joo titan gbaa biyil, ki dɔ bilni nfatan ni.

Josua 7:6

Josua ni Israel yaab aaninkpiib aasui nan bii, le bi dar kar baawanpeenkaan, le ki doon kitiŋ Uwumbɔr Aakaal Aadakaa aanimbiin ni, ki ti saa kijook wɔb, le ki faa titan puŋ biyil, ki mɔk ke bisui bii a.

Tibɔkpiirkaan 17:16

Saah kan iyiin kipiik i na ni upeel ngbaan ga li nan upiidagoor, ki ga yoor waawan mɔmɔk ki cha u chuun uŋmeen, ki ga ji waawon ki see u mmii;

Tibɔkpiirkaan 18:10

Kitiŋ ngbaan aafalaa pu bi ga li san ijawaan, ki ga li si dandar, ki len ke, “Kitisakpeŋ Babiloŋ ki nan kpa mpɔɔn na, tibɔbir bi ki pu. Ntafadaan pii ki liwinbaal.”

Tibɔkpiirkaan 18:3

ba pu? ŋinibol mɔmɔk nyun ndaan mu ye kitiŋ ngbaan aadagook aakpeek na, le dulnyaa ni aabɔrb gɔr chaa ki chee. Binib bi chuun tiir na nan kan tinyoor sakpen ki pu; ba pu? kaanib nan ban tiwanyaan ki ti nyaŋ.”

Tibɔkpiirkaan 18:8

Nima pu le falaa ga pii kitiŋ ngbaan liwinbaal. Iweenbir, ni mpombiin, ni nkon ga lir ki pu. Le mmii ga gaa kitiŋ ngbaan mɔmɔk; ba pu? Tidindaan Uwumbɔr u dar kitafal na kpa mpɔɔn sakpen.”

1 Samuel 4:12

Benjaminn aamaal ponn ni aaja ubaa nan nyan ni butɔb ngbaan ni, ki san nan fuu Silo liyaadaal ngbaan. U nan daa kar waawanpeenkaan, ki di titan mu puŋ uyil ke ni mɔk usui aah bii pu na.