Tibɔkpiirkaan 18:13 - Uwumbɔr aagbaŋ

¹³ ni tikpin aawan, ni kinimbɔɔpaŋ, ni tulalee, ni nkpaŋmirkoo, ni tulalee aayon mu bi joo toor kitork na, ni ndaan, ni nkpan, ni boroboro aayon, ni tijikaar, ni inaa, ni ipiih, ni itaan, ni tɔroku tiib, ni binaagbiib, ni binib aamɔfal.

UWONBƆR A GBƆNPƆŊ LIKƆƆNL

¹³ itug yan ye ilanjobon nin tiwann tan tenn tikpinn nbaam, tiwann tan nyɔɔr ki jɔɔ nbaam, nin isiig a nyinyinn nin nnyɔgkusim, nin ndaam nin Olif a kpam, nin n-yom ŋam nin idi, nin inaa nin ipee; itaan nin i torokom; nin tigbanann nin bininfob a naam.

Tibɔkpiirkaan 18:13 ပူးပေါင်းရင်းမြစ်များ

1 Bibɔrb 10:10

U nan di waah joo ni ipiin i na tii Solomonn. U nan tii u salmaa u aanyunyuun ga jer njikaabim bɔtɔ tiib nkub na, ni tulalee ni ŋitakpanyaan ŋi wiir sakpen na. Waah nan tii u tulalee u na nan jer waah kani tulalee aapiin i binib chee na.

1 Bibɔrb 10:15

le ki gaal lampoo u biwantiirb nyani baanyoor ponn ni pa na, ni ubaa aatiirk aanyoor, ni Arabia aabɔrb, ni Israel aapepel aayidam aah joo baapar ti nan tii u na.

1 Bibɔrb 10:25

Unii umɔk nan choo na nan joo ni Solomonn ipiin: tikunabr ni salmaa aawan, ni tiwanpeenkaan, ni tijawan, ni tulalee, ni itaan, ni tiwakor ti naahn itaan ki bi ke ibon na. Libiln mɔk kan, bi nan joo ni kina le nan tii u.

1 Bibɔrb Aabɔr 5:21

Bi nan gaa laakumii tiib ŋichur piiŋmu, ni ipiih ŋichur ikui ilee ni piiŋmu, ki kpee ibon ŋichur ŋilee, le ki chur butɔb aanaagbiib mu ŋichur nkub.

2 Bibɔrb Aabɔr 9:9

Seba aapiibɔr ngbaan nan di waah joo ni ipiin i na tii Solomonn. U nan tii u salmaa u aanyunyuun ga jer njikaabim bɔtɔ mam nkub na, ni tulalee tiib bi saan ŋmaa kahn na, ni ŋitakpanyaan mu kina. Waah nan joo tulalee tiib bi nan tii Solomonn na aaŋeen aatɔ aa ki bi.

Nehemia 5:8

le ki len ke, “Ti pɔɔk tibaa le ki ki bi daa tinaabitiib Juu yaab bi nan di bibaa kooh tii biwɔwɔm na la. Le nimi le ki muk nimi nibaa aanaabitiib Juu yaab, ke bi di bibaa kooh tii nimi.” Biyidam ngbaan nan ka ŋmin chii, kaa ŋmaa gar tibaa.

Nnyam 21:16

“Unii yaa sun uŋeen aatɔ u ti kooh u, bee u di ŋa waanaagbiija kan, ni ku u.

Ŋiyataŋak 7:17

M di tulalee tiib bi bi yin bi ke mir, ni alos, ni sinamonn na le di yɔk yɔk u pu.

Solomonn Aalahn 1:3

Saabaan nu mɔ sakpen a; le bi yaa yin saayimbil kan, mbaan ngbaan nyani. Upii mɔk gee si la.

Solomonn Aalahn 3:6

Ni ye ba ki nyan ni nteersakpiin wɔb ki naahn iŋmanyuu sakpiin, ki kpa tulalee ni mir aatulalee aabaan, ke tulalee u biwantiirb kooh u na?

Solomonn Aalahn 5:5

M nan gor ke m cha u koo ni. Tulalee u bi yin u ke mir na le nan gaa ŋŋaal ni mɔmɔk, mir aatulalee nan tuu ŋŋanbim pu ki lir kitiŋ, le m ti bub chuu jaaleŋ.

Aisaya 50:1

Uwumbɔr bui ke, “Ni dak ke m jenn maanib lii ke uja aah jenni upuu lir pu na la aa? Seeraa aagbann ti ga mɔk ke m jenn bi lii na bi la? Ni dak ke m di nimi kooh ŋa tinaagbiir ni ke uja aah kooh waabim ŋani tinaagbiir ni pu na la aa? Aayii, ni nan buen tinaagbiir ni nimi aatunwanbir pu la; nimi aabakaa pu le m nan jenn nimi buen.

Esekiel 27:13

Aa nan tiir kitiirk Griis, ni Tubal, ni Mesek aatim ni, ki di saawan kooh ki gaa binaagbiib, ni tikumann aawan.

Amos 2:6

Uwumbɔr ki len ke, “Israel yaab aah tun titunwanbir n‑yoonn mɔmɔk pu na, kina le ga cha m sil daa bitafal. Bi joo bininyaam le kooh ke bi di teen baapɔln, hali bigiim bi kaan ŋmaa pa ŋinaatak aadaak na, bi kooh bi mu la.

Amos 6:6

Ni nyu ndaan tiyikur ti wiir na ponn ni, ki ŋani tulalee tiib bi nu mɔ sakpen na, kaa tee wii Israel aah ga bii pu na aakpowiil.

Amos 8:6

Ti ga ŋmaa di tigbengbir kooh kidaak ki pɔɔ na. Ti ga kan ugiin u kaan ŋmaa pa waapɔln na, hali kaan ŋmaa pa ŋinaatak pu na ki daa u, ki di u ŋa unaagbiija.”

Ikaal 24:7

“Israel aanii umɔk loon chuu uŋeen aatɔ ki di u ŋa waanaagbiija, bee u di u kooh bi ti ŋa u unaagbiinii na kan, ni ku u. Ni yaa ku u kan, ni ga nyan kina aatunwanbir aaboln nibaa chee.

Ikaal 28:68

Uwumbɔr ga cha iŋɔsakpiin giin nimi buen Ijipt aatiŋ ni, nin chee u nan puu ke waan cha ni ki gir buen na. Nima chee le ni ga ti pɔɔn nibaa ke ni di nibaa kooh tii nimi aadim aan ki li ye baanaagbiib, le ubaa mu aan li ban ke u daa nimi.”

1 Timoti 1:10

ni binib bi gɔr kidagook na, ni bijab bi yii bipiib ki ban bijab na, ni binib bi chur biken tinaagbiir na, ni binib bi chuun mɔni inyamɔn na, ni binib bi puur Uwumbɔr yɔl yɔl na, ni binib bi ŋani tiwan ni kaa dii mmɔkm mu ŋan na. Nkaal ngbaan bi titunwanbir timina mɔmɔk pu la.

2 Piita 2:3

Bi ga li kpa iniman ki ga ŋmann nimi, ke bi ji nimi. Ni yunn le Uwumbɔr nan puun len ke baabɔr bii. Naan yunn le u ga daa bitafal.

Tibɔkpiirkaan 18:14

Tijikaar nyaan ti kitiŋ ngbaan aanib aanimbil nan man ti pu na, taa ki bi bi chee. Tiwanpeenkaan ni ŋan na ni tiwanyaan mɔmɔk waŋ a. Baan ki kan ni.

Tibɔkpiirkaan 18:15

Binib bi chuun tiir tiwan nimina kitiŋ ngbaan ponn ni ki kan tinyoor na ga san ijawaan kitiŋ ngbaan aafalaa pu, ki ga li si dandar ki wii, ki kpa mpombiin,