Tibɔkpiirkaan 16:6 - Uwumbɔr aagbaŋ

⁶ ba pu? bi ku saanib ni saabɔnabtiib ki cha baasin nyan, le aa mu cha baanyun kpaln nsin bi nyu. Bi ŋeer kina la.”

UWONBƆR A GBƆNPƆŊ LIKƆƆNL

⁶ nan bu-n bi nan nyan a ninfogannkaab nin a linlem a chama, le a ta ncham ke bin nyu, naah kpaan bi man.”

Tibɔkpiirkaan 16:6 ပူးပေါင်းရင်းမြစ်များ

2 Bibɔrb 24:4

ni waah nan ku binib bi kaa tun taani ubaa na pu na la. Uwumbɔr aa nan ŋmaa di cha pinn Manase kina pu.

Nnyam 21:24

unimbil le yaa chur, bee unyiln le yaa fenn, bee uŋaal le yaa koo, bee utaafaak le yaa koo,

Nnyam 7:17

Ubɔr, Uwumbɔr bui ke waah ga ŋa tiwan nimɔk na, le aa ga bee waah kpa mpɔɔn pu na. Lik, m ga di kijaangbeek kee faa limɔɔl lee aanyun, le nnyun ngbaan kpaln nsin.

Aisaya 49:26

M ga cha binib bi muk si na ku tɔb ki ŋmɔ tɔb; bi ga nyun tɔb aasin gbii ke baah nyun ndaan le na. Le unibɔn mɔmɔk bee ke min le ye Uwumbɔr u gaal si lir ki cha aa fuur na. Bi ga bee ke min le ye Israel yaab Aawumbɔr u kpa mpɔɔn sakpen na.”

Jeremia 2:30

M daa nitafal, le naa ŋa nimi nibaa; naan kii ke m sur nimi. Ni ku maabɔnabtiib ke uchinn u aaŋuul fii na la.

Jeremia 26:11

Le bitotoorb ni bibɔnabr nan bui biyidam ni binib ngbaan ke, “Uja wee ŋeer ke ti ku u, waah len tibɔr ti kitiŋ kee pu na pu. Nimi nibaa aatafal ŋun waah len pu na.”

Jeremia 26:16

Le biyidam ni binib ngbaan bui bitotoorb ni bibɔnabr ngbaan ke, “Uja wee len ti chee tibɔr Tidindaan Uwumbɔr aayimbil pu la; naa ŋan ke ni ku u.”

Inandalahn 4:13

Uwumbɔr aabɔnabr bi nan bi ki ponn ni na nan tun titunwanbir, le kaatotoorb mu nan cha binib bi kaa tun taani na kpoi, nima le nan cha kina ngbaan ŋa.

Esekiel 32:6

M ga di saasin kpir le mu ti biin ŋijoo ni ikpen mɔmɔk pu.

Matiu 7:2

Naah galni binib pu na, Uwumbɔr mu ga galn nimi kina la. Naah tii binib pu na, Uwumbɔr mu ga giin kina le ki tii nimi.

Tibɔnyaan ti Luk ŋmee ti na 12:48

Ututunn u kaa nyi udindaan aah ban pu na, ki tun lituln li ŋeer ŋinaalab aagbaan na kan, bi ga gbaa u siib la. Uwumbɔr yaa tii unii nlan sakpen kan, u ga li ban ke u di nlan ngbaan tun litunyaan jer biken. Uwumbɔr yaa tii unii tininkpir kan, u ga li ban ke udaan ngbaan tun ki jer biken aah tun pu na.”

Hiibru Yaab 10:29

Unii yaa lik Uwumbɔr Aajapɔɔn fam, ki yaa dak ke Yesu aasin mu ŋa u chain na ye fam, ki yaa sii Uwumbɔr Aafuur Nyaan mu san timi kinimbaak na kan, udaan ngbaan ŋeer ntafadaan sakpen ki jer unii u bii Moses aakaal na aah kan pu na.

Tibɔkpiirkaan 11:18

Ŋinibol aanib nan gee liŋuul, le saaŋuul mu fii, le ni ŋeer aa ji bitekpiib tibɔr, ki ŋeer aa di ipiin tii saabɔnabtiib bi ye saatutum na, ni saanib bi mɔmɔk pak si na, bi ye biwaatiib na, ni bi ye bisakpem na, ki ŋeer aa kuln binib bi ku dulnyaa aanib na.”

Tibɔkpiirkaan 13:10

Binib bi Uwumbɔr len ke bi ga chuu bi tinaagbiir na, bima le bi ga chuu bi tinaagbiir. Unii umɔk joo kijaak aajuk ku binib na, kijaak aajuk le ga ku u mu. Nima le cha ni ŋan ke Uwumbɔr aanib li ban limɔr ke bi dii Uwumbɔr mbamɔm.”

Tibɔkpiirkaan 13:15

Upeel leler ngbaan nan kpa nsan ke u cha liwaal ngbaan fuur libuln ki len tibɔr, le ki cha bi ku binib bimɔk kaa dii liwaal ngbaan na,

Tibɔkpiirkaan 18:20

Tɔ, nimi bi bi paacham na, ni Uwumbɔr aanib, ni Yesu aakpambalb, ni Uwumbɔr aabɔnabtiib, ni li kpa mpopiin kitisakpeŋ ngbaan aah kuln pu na pu; ba pu? Uwumbɔr teen ki kaah ŋa nimi bakaa u na, ki daa kitafal.

Tibɔkpiirkaan 18:24

Uwumbɔr daa kitiŋ ngbaan aanib aatafal; ba pu? bi ku waanib, ni waabɔnabtiib, ni binib bimɔk kpo u pu na. Baasin bi kitiŋ ngbaan ponn ni.

Tibɔkpiirkaan 19:2

U jin binib tibɔr mbamɔm ki ŋa bi naah ŋeer bi pu na. U jin upiidagookpaan u nan cha dulnyaa ni aanib gɔr kidagook na aabɔr, ki daa utafal; ba pu? u nan ku uma Uwumbɔr aatutum.”