Tibɔkpiirkaan 16:2 - Uwumbɔr aagbaŋ

² Le Uwumbɔr aatuun ubaa buen ki ti di falaa u bi waasambil ni na kpir dulnyaa ni. Le ni ŋa ibuun i wu sakpen na ki baan binib bi kpa upeel ngbaan aadaan ki dii waawaal na pu.

UWONBƆR A GBƆNPƆŊ LIKƆƆNL

² Le chinchinn a malaka-n jon ki tan kpaar nan be u yiigin ki jaa kutingbɔŋ bu, le ibiɛ yan bir, ki wu takpemin choo ban jɔɔ kuwanbiigin a daagimin nin ban jiɛn kuwanbiigin a nunaŋin.

Tibɔkpiirkaan 16:2 ပူးပေါင်းရင်းမြစ်များ

2 Bibɔrb Aabɔr 21:15

Le sin aabaa ga kan tineer aaween i wu sakpen ki ga li moo wu kpae kitaak mɔk na.”

2 Bibɔrb Aabɔr 21:18

Nee aapuwɔb le Uwumbɔr nan cha tineer aaween i wu sakpen na nan lir ubɔr ngbaan pu.

Ilahn 78:26

U nan ki cha liwipuul wɔb aabuln daa, ki cha waapɔɔn fiin ŋŋangii wɔb aabuln,

Aisaya 3:17

Le m ga daa bitafal; m ga kuu baayikpir ki cha ŋiyikun.”

Aisaya 3:24

Baah ba ga li ŋmir tulalee pu na, bi ga li nu la; baan ki buu ŋigbapapan, bi ga li buu tichɔsɔnn aaŋmin la; baan ki li kpa tiyikpir ti ŋan na, bi ga li gur ye ŋiyikun ŋmeen la; baan ki gbab ŋikekenyaan, tikekekpir le bi ga li gbae; le baanyaan ga kpaln inimɔɔn.

Lituln 12:23

Tɔ, libuul ngbaan ni le Tidindaan aatuun cha iween chuu u; ba pu? waa tii Uwumbɔr lisil. Le ŋikpaambil ŋman u, le u kpo.

Ikaal 28:27

Uwumbɔr ga cha ŋichakpelar yur nimi, ke waah nan ŋa Ijipt yaab pu na. U ga cha niwon kpaln ibuun ŋmeen. Niwon ga kpaln ligbaln ŋmeen, ki saak, le nnyɔk aa bi ki ga tii nimi laafee.

Ikaal 28:35

Uwumbɔr ga cha nitaa wɔb kpaln ibuun i kaan sɔŋ na, i ga li wu pam, le ŋichakpelar ga biin niwon pu, ki yoor niyil ki ti saa nitaafar.

Ikaal 7:15

Uwumbɔr ga li kii nimi iween mɔmɔk chee, waan cha nkun aaween i aaboln nan lir Ijipt yaab pu na dan ni pu; u ga cha i dan nimi aadim ma pu.

Tibɔkpiirkaan 13:12

U nan bi njan aapeel chee, ki kpa waapɔɔn, ki muk dulnyaa, ni binib bimɔk bi dulnyaa ni na, ke bi li dii njan aapeel u nan kpa nkun aabuel li sɔŋ na.

Tibɔkpiirkaan 14:16

Le u ka ntaalangbam pu na di waagɔrk chee dulnyaa aajikaar.

Tibɔkpiirkaan 14:9

Uwumbɔr aatuun tatar nan paan ni uleler na aapuwɔb ki len mpɔɔn pu ke, “Binib bimɔk dii upeel ngbaan, ni liwaal li naahn u na, ki gaa waadaan biyigbeer pu, bee biŋaal pu na,

Tibɔkpiirkaan 16:1

Le m ŋun nneel sakpiin nyan ni Uwumbɔr Aadichal ni, ki tuk Uwumbɔr aatuuntiib bilole ngbaan ke, “Li cha ti di falaa u bi ŋisambil ŋilole ni na kpir dulnyaa ni; ba pu? Uwumbɔr gee liŋuul bi pu.”

Tibɔkpiirkaan 16:11

Iween ngbaan pu, ni ibuun ngbaan pu, le bi seei Uwumbɔr u bi paacham na, kaa kpeln baabimbin, kaa di cha baatunwanbir.

Tibɔkpiirkaan 8:7

Le Uwumbɔr aatuun njan yoo pii waakakaan. Waah pii waakakaan na, le ŋitaatakpabil, ni mmii, ni nsin ŋmal tɔb ponn ni, ki nyan paacham ki lir ni kitiŋ. Le mmii gaa kitiŋ ligetatar, ni isui mu ligetatar, ni timosɔnn mɔmɔk.

1 Samuel 5:6

Uwumbɔr nan daa Asdod yaab aatafal sakpen, le ni ŋa bi ijawaan. U nan cha iween i naahn ŋichakpelar ki ku bi na lir bi pu; le ŋisayik mu gbiin Asdod aatiŋ ni, ni ntim mu bi ki mann goln ki na.

1 Samuel 5:9

Dakaa ngbaan aah fuu nima chee na, le Uwumbɔr ki daa nima yaab mu aatafal ki cha bipobil yuk. U nan cha iween i naahn ŋichakpelar na ki ku bi mu, mbim ni bininkpiib mɔmɔk.