Tibɔkpiirkaan 16:14 - Uwumbɔr aagbaŋ

¹⁴ Tiyayaar ngbaan ye kinimbɔŋ yaan la, le ki tun lijinjiir aatun, ki buen dulnyaa wee ni aabɔrb mɔmɔk chee, ki ti kuun bi, ke bi to butɔb, Uwumbɔr u yeh mpɔɔn mɔmɔk na aawiinsakpiin daal.

UWONBƆR A GBƆNPƆŊ LIKƆƆNL

¹⁴ Bi ye npɔniim a naam ban ŋaan ligaril a siɛra, le bi chaa dulinya munl nan biɛn a bɔrtiib ban, ki lagin bi ke bin to bitɔb Uwonbɔr Npɔɔn biɛn daan a datakpenl daal.

Tibɔkpiirkaan 16:14 ပူးပေါင်းရင်းမြစ်များ

1 Bibɔrb 22:6

Kina pu le Ahab nan yin ni bibɔnabr bi aawiwiir ga nan pii ikui inaa na, le ki nan baa bi ke, “M buen ti tak Ramof aatiŋ aan m taa buen?” Bi nan gar u ke, “Ti tak ki. Tidindaan ga tii si linyaŋ.”

Esekiel 14:9

“Ubɔnabr ubaa yaa ŋmann ubaa ki tii ngarm mu kaa gbii na kan, ni mɔk ke min Uwumbɔr le ŋmann u ke u len kina; m ga nyan u Israel aanib ni.

Matiu 24:14

Bi ga moon Uwumbɔr aanaan aabɔnyaan tee itingbaan kookoo ni waahr, aan ŋinibol mɔmɔk ŋun, le dulnyaa ga nin doo.”

Matiu 24:24

Ba pu? biŋmaŋmannim ga li bi. Bibaa ga bui ke bi ye Kristo ngbaan la. Biken mu ga bui ke bi ye Uwumbɔr aabɔnabtiib la. Le bi ga tun lijinjiir aatun pam, ki ŋmann binib. Hali, bi ga pɔɔn bibaa ke bi ti ŋmann binib bi Uwumbɔr nyan bi na.

Tibɔnyaan ti Mak ŋmee ti na 13:22

Ba pu? biŋmaŋmannim ga li bi. Bibaa ga bui ke bi ye Kristo la. Biken ga bui ke bi ye Uwumbɔr aabɔnabtiib la. Bi ga tun lijinjiir aatun ki ŋmann binib; bi ga pɔɔn bibaa ke bi ŋmann Uwumbɔr aanib mu.

Tibɔnyaan ti Luk ŋmee ti na 2:1

N‑yoonn ngbaan le Ubɔrkpaan Siisa Agustus len ke binib mɔmɔk kuun ni ki nan ŋmee baayimbil, u lik baah wiir pu na.

Jɔnn 8:44

Kinimbɔŋ aabim le ye nimi, kima le ye nite. Le ni ban ni li ŋani kaah gee pu na. Dulnyaa aah nan piin buyoonn ki nan saa dandana na, ki ye unikur la. Kaa len ibamɔn. Mbamɔn aa bi ki ni. Ki yaa len inyamɔn kan, ki len tibɔr ti bi ki ni na la. Ki ye unyamɔndaan la. Kima le naan inyamɔn.

Rom Yaab 1:8

Yesu Kristo pu, le m dooni Maawumbɔr ni mɔmɔk pu; ba pu? binib bimɔk bi dulnyaa ni na ŋun naah gaa Yesu Kristo ki kii pu na.

2 Tesalonika 2:9

Titunwanbirdaan ngbaan yaa nan fuu ni kan, u ga li kpa kinimbɔŋ aapɔɔn, ki tun kaatuln, ki li kpa mpɔɔn ki ŋmann ke u tun lijinjiir aatun la,

1 Timoti 4:1

Tɔ, Uwumbɔr Aafuur Nyaan len mpaan pu, ke n‑yoonn mu choo na binib bibaa ga yii Yesu aabɔr, ki kii inyamɔn, ki dii bipɔnib bi ŋmanni bi na.

Jemisi 3:15

Nlan mumina aaboln aa nyan ni Uwumbɔr chee. Mu ye dulnyaa wee ni aalan la. Naa ye Uwumbɔr Aafuur Nyaan aalan. Mu ye kinimbɔŋ aalan la.

Josua 11:5

Bibɔrb ngbaan, ni baajab mɔmɔk le nan kpaan tɔb chee, ki buen Merom aanyun chee, ki ti ka kii Israel yaab, ke bi faa tɔb butɔb.

1 Jɔnn 5:19

Ti nyi ke ti ye Uwumbɔr aabim la, ki nyi ke dulnyaa aanib mɔmɔk bi kinimbɔŋ aaŋaal ni la.

Tibɔkpiirkaan 13:3

Libuel nan bi uyil libaa pu ki naahn ke laah kpo ki sɔŋ le na. Laah sɔŋ na, le ni gar dulnyaa aanib mɔmɔk pam. Le bi dii u,

Tibɔkpiirkaan 16:7

Le m ŋun nneel nyan ni kitork aabimbiln ni ki len ke, “Tidindaan Uwumbɔr, u yeh mpɔɔn mɔmɔk na, ni ye mbamɔn, aa jin binib tibɔr mbamɔm ki ŋa bi naah ŋeer bi pu na.”

Tibɔkpiirkaan 17:14

Bi ga faa Uwumbɔr Aapihbo butɔb. Le Upihbo ngbaan ga nyaŋ bi; ba pu? u ye dindatiib mɔmɔk Aadindaan, ki ye bibɔrb mɔmɔk Aabɔrkpaan la. Binib bi dii u na le ye waah nyan bi ki yin bi na, le bi si uchaŋ ni.”

Tibɔkpiirkaan 20:8

Le ki ga buen ki ti ŋmann ŋinibol ŋi bi dulnyaa wee mɔmɔk ni na, ki ti kuun bi, bi ti to butɔb. Ŋinibol ngbaan aayimbil le ye Gog, ni Magog. Bi wiir ke nnyusakpem aatambol aah wiir pu na,

Tibɔkpiirkaan 3:10

Ni kii maabɔr, ki kpa limɔr. Nima pu na, m mu ga li lik nimi, ki nyan nimi falaa u ga pii dulnyaa aanib mɔmɔk ki tɔŋ bi na ni.

Tibɔkpiirkaan 6:17

ba pu? baaŋuul aawiin sakpiin daal fuu ni a. Ŋma ga ŋmaa sil?”