Tibɔkpiirkaan 16:12 - Uwumbɔr aagbaŋ

¹² Le Uwumbɔr aatuun loloob mu di falaa u bi waasambil ni na kpir limɔɔsakpeln li bi yin li ke Yufrates na ni. Le laanyun foor, ki ŋa nsan ki tii bibɔrb bi nyan ni liwipuul wɔb na.

UWONBƆR A GBƆNPƆŊ LIKƆƆNL

¹² Le malaka wan kpiɛ biloob mu kpaar nan be u yiigin ki jaa nkpenn takpen man wee bi yi mi ke Yufiratiisi bu, le li nnyum fɔɔr ki jiɛn npaan sei bibɔrtiib ban nyan Liwonpɔɔnl paamin.

Tibɔkpiirkaan 16:12 ပူးပေါင်းရင်းမြစ်များ

Aisaya 11:15

Le Uwumbɔr ga cha nnyunsakpem mu bi yin mu ke Sues na aanyun foor, ki ga cha libuln li ton na daa ki foor limɔɔl li bi yin li ke Yufrates na aanyun, ki di cha ibun waatiir ilole baanja aan unii mɔmɔk ga ŋmaa puur jer.

Aisaya 41:25

M lee uja u bi liwipuul wɔb na; m ga cha u nyan ni paacham wɔb ki nan tak nimi. U taar bitinjoob ŋmalni titan ni ke baah ye tikpakpar le na, ke uyakmaal aah nyani tiyakr pu na.

Aisaya 42:15

M ga ber ŋigongon ni ŋijoo mɔmɔk ki cha timoor ni isui mu kuur. M ga di nnyun aafatann kpaln nteer ki cha tibɔr mu aanyun foor.

Aisaya 44:27

Maamɔb aamɔboln le m ga di foor nnyusakpem.

Aisaya 46:11

M bi yin ni uja ubaa ke u nya ni liwipuul wɔb; u ga boon ni ke kaasaa na ki nan ŋa maah dak pu na. Min le len, le ni ga ŋa kina.

Aisaya 8:7

min Uwumbɔr ga joo ni Asiria aabɔrkpaan ni waajab bi nan tak Juda yaab. Bi ga li san ni ke limɔɔl Yufrates aawam aah san mala pu ki gbiini par laamɔɔgban pu na la.

Jeremia 51:36

Uwumbɔr nan bui Jerusalem aanib ke, “M ga gaa nimi aabɔr ki cha nimi aadim pa baah ŋa nimi pu na pu. M ga cha Babiloŋ yaab aanyun aah nyan ni nin chee na kuur, ki cha baamɔɔ foor.

Tibɔkpiirkaan 11:14

Tibɔbir leler jer a. Tibɔbir tatar mu choo mala.

Tibɔkpiirkaan 17:15

Le Uwumbɔr aatuun ngbaan ki bui mi ke, “Aa kan nnyunkpaan mu upiidagoor ngbaan ka mu chee na. Nnyunkpaan ngbaan ŋaŋ binib la. Bi ye ŋitimbol mɔmɔk aanib bi bi dulnyaa wee ni, ki len iliin imɔk bi dulnyaa wee ni na.

Tibɔkpiirkaan 7:2

Le m kan Uwumbɔr aatuun uken nyan ni liwipuul wɔb ki dan paacham, ki joo ni Uwumbɔr u ye limɔfal daan na aadaan, ki nan teen mpɔɔn pu, ki tuk Uwumbɔr aatuuntiib binaa bi Uwumbɔr tii bi mpɔɔn ke bi bii kitiŋ ni nnyusakpem na ke,

Tibɔkpiirkaan 9:14

Le nneel ngbaan tuk Uwumbɔr aatuun loloob u joo kakaan na ke, “Chuu gbiln Uwumbɔr aatuuntiib binaa bi bi limɔɔsakpeln li bi yin li ke Yufrates na chee lii.”