Tibɔkpiirkaan 15:3 - Uwumbɔr aagbaŋ

³ ki gaa ilahn i ye Upihbo ngbaan ni Uwumbɔr aatutunn Moses aalahn na ke, “Tidindaan Uwumbɔr u yeh mpɔɔn mɔmɔk na, saatuln ye litukpaan ki gar binib pam. Saasan ye nsanyaan, ki mu ye nsan bamɔnn. Si le ye Ubɔr n‑yoonn mu kaa kpa ndoon na.

UWONBƆR A GBƆNPƆŊ LIKƆƆNL

³ le ki gaa Moziz a Wonbɔru a toontunnu nin Kipeebigin a lai-n: “A ŋaar ye tiŋaar gbingbem le nin ligaril, Uyudaan Uwonbɔr Npɔɔn biɛn daan. A sam ŋan le ki ye ibamɔn, Fin le ye iyaayoo a bɔru

Tibɔkpiirkaan 15:3 ပူးပေါင်းရင်းမြစ်များ

Mpiin 17:1

Buyoonn Abram nan ti saa ŋibin imonko inaa ni kipiik ni ŋiwae na, le Uwumbɔr nan dan u chee ki nan bui u ke, “Min le ye Uwumbɔr Mpɔɔnsakpiindaan. Tii mi naadii, ki li ŋani ni ŋan na n‑yoonn mɔmɔk.

1 Bibɔrb Aabɔr 6:49

Aaronn, ni ujapɔtiib, ni uyaabitiib le nan seer tulalee aayon, ki toor kitork ki joo seer mmii ni, kitork aabimbiln paab. Bima le nan yeh Chain Chain Aapepel ni aadoon, ki toor kitork ki ga cha Uwumbɔr di cha pinn Israel yaab aatunwanbir na. Bi nan ŋani nimina mɔmɔk, Uwumbɔr aatutunn Moses aah nan mɔk pu na la.

2 Bibɔrb Aabɔr 24:6

kina pu le u nan yin Jehoyada, u ye baasaloln na, ki nan baa u ke, “Ba ŋa saa cha Liifai yaab gaa Juda ni Jerusalem yaab chee lampoo u Uwumbɔr aatutunn Moses nan bui ke binib ngbaan li pa, aan bi li joo toor Uwumbɔr Aabool na?”

Nehemia 9:14

Aa nan mɔk bi ke bi li joo Saakpaakool daal mbamɔm; ki nan di saakaal tii saatutunn Moses le u di ŋum bi.

Job Aagbaŋ 36:24

U kani kipak waatun mɔmɔk ni, n‑yoonn mɔmɔk la; ni ye saatuln le ke aa mu pak u.

Job Aagbaŋ 5:9

Taan ŋmaa bee waah ŋani tiwankpaan ni na aatataa, le waajinjiir aawan aa kpa ndoon.

Ilahn 100:5

Uwumbɔr ŋan la; waageehm aa kpa ndoon, u joo waah puu tipuur ti na ki ti saa n‑yoonn mu kaa kpa ndoon na.

Ilahn 105:5

Nimi waatutunn Abraham aayaabitiib, nimi bi ye Jakob aayaabitiib bi u nyan bi na, teer Uwumbɔr aah tun lijinjiir aatun ŋi na, ni waah nan jin binib tibɔr pu na man.

Ilahn 111:2

Uwumbɔr aah tun ŋitun ŋi na nyaŋ a. Binib bi mɔmɔk aasui piir ŋi pu na ban ke bi bee ŋaatataa.

Ilahn 111:7

U bi chob le ki tun waatun mɔmɔk waah puu ke u ga ŋa pu na; aa ga ŋmaa li kpa waakaal mɔmɔk pu kipupuk.

Ilahn 139:14

M pak si; ba pu? Saah naan mi pu na kpa mi iwaan ni lijinjiir, saatun mɔmɔk kpa iwaan, le aa nyi mi mbamɔm.

Ilahn 145:17

Uwumbɔr aah tun pu na mɔmɔk ŋan, u san kinimbaak waatuln mɔmɔk ni.

Ilahn 145:6

Binib ga len saah tun ŋitukpaan ŋi na aabɔr, le m ga moon saah kpa mpɔɔn sakpiin mu na.

Ilahn 18:30

Uwumbɔr ma aabimbin ŋan ti nyaŋ le aa ga ŋmaa li kpa waamɔbon pu limakl. U naahn kijaak aapeln le ki tii binib bimɔk ban waaterm na.

Ilahn 78:12

Biyaajatiib nan si lik, le Uwumbɔr tun iwaan aatun Soann aapaan mu bi Ijipt aatiŋ ni na.

Ilahn 92:5

Uwumbɔr, saatun nyaŋ sakpen. Saalandak nyoo pam.

Ilahn 99:4

Ubɔrkpaan, aa gee ibamɔn aawan la; aa cha ibamɔn bi Israel aatiŋ pu; aa joo ni mbimbinyaan ni ibamɔn.

Aisaya 33:22

Tiwan nimɔk bi iŋɔi ngbaan pu na ye fam la; yaakeken ŋi cha i chuun na aan ŋmaa kpar. Ti ga di mpɔɔn gaa timi aadim aawangol mɔmɔk, le taah ga gaa liwangol li na ga li wiir sakpen; le biwɔb mu ga kan bi yaan. Uwumbɔr ubaa le ga li ye timi aabɔrkpaan; u ga li joo timi le ki kii timi.

Aisaya 45:21

Dan man ki nan di nimi aabɔr bil bibɔjirb chee; ki cha binib bi si nipuwɔb na kpokl tɔb. Ŋma nan len n‑yaayoonn na tiwan ni ga ŋa na? Naa nan ye min Uwumbɔr aa? Min le ye Uwumbɔr u ŋan ki gaal waanib lir na. Uken aa ki bi.

Daniel 6:20

Waah ti fuu nima chee na, le u yin mala ke, “Daniel, Uwumbɔr u kpa limɔfal na aatutunn, Uwumbɔr u aa dii ni ibamɔn na ŋman ki gaa si lii ichinn ngbaan chee ee?”

Daniel 9:11

Israel yaab mɔmɔk nan bii saakaal ki yii kaa pel saah len pu na. Ti nan tun si titunwanbir, le aa nan cha saah puun tibɔbir ti aan saatutunn Moses nan ŋmee ŋa saakaal ni na dan nan lir ti pu.

Hosea 14:9

Cha binib bi kpa nlan na bee tibɔr ti ŋmee do na aatataa, ki di ti ŋa bisui ni. Uwumbɔr aasan le ŋan, le binib bi aabimbin ŋan na dii ima le ki kpa limɔfal, le titunwanbirdam ma aatafal aa bi i ni, le ki gbeer ki lir.

Maika 7:20

Aa ga mɔk saanib, Abraham ni Jakob aayaabitiib, ke saah bi mbamɔm ki kpa ngeehm n‑yoonn mɔmɔk pu na, ke saah nan puu tii tiyaajatiib n‑yaayoonn na pu na.

Sefania 3:5

Tɔ, Uwumbɔr mu tee beenin bi kitiŋ ngbaan ponn ni; u ŋani tiwan ni ŋan na n‑yoonn mɔmɔk, kaa ŋani tiwan ni kaa ŋan na kpala. U cha ibamɔn bi waanib chee kichakpiik mɔmɔk ni, le kaa yiil. Le binib bi bi nima chee aan baabimbin aa ŋan na tun taani, kaa san inimɔɔn.

Sekaria 9:9

Li mɔɔni man, Sionn aanib, li mɔɔni man. Nimi Jerusalem aanib, li tar mpopiin pu man. Lik, nimi aabɔrkpaan choo ni chee la. U ye ubimbinyaandaan le ki joo linyaŋ choo, u sunn ubaa taab le ki dik ubon pu, u dik ubon u laa diin na pu la.

Jɔnn 1:17

Uwumbɔr nan tuk Moses waakaal ke u di tuk timi. Yesu Kristo dan nan tuk timi Uwumbɔr aah gee timi pu na, ki tuk timi tibɔr ti ye mbamɔn na.

Ikaal 31:30

Israel yaab ngbaan mɔmɔk aah nan si pel buyoonn na, le Moses gaa nlahn ngbaan mɔmɔk.

Ikaal 32:3

M ga pak Uwumbɔr aayimbil, le waanib ga len waah kpa mpɔɔn sakpen pu na.

Ikaal 34:5

Nima pu na, Moses, u nan ye Uwumbɔr aatutunn na, nan kpo Moab yaab aatiŋ ni, Uwumbɔr aah nan siin pu na.

1 Timoti 1:17

Cha ti pak Uwumbɔr, ki nyuŋ u. Uma le ye Uwumbɔr baan; tinimbil aa waa u; u ye Ubɔrkpaan u ga li bi n‑yoonn mu kaa kpa ndoon na, kaan kpo. Amii.

Hiibru Yaab 3:5

Ni ye mbamɔn, Moses nan tun Uwumbɔr aatuln mbamɔm, Uwumbɔr aamaal aanib aakaasisik ni. U nan ye Uwumbɔr aatutunn, ki tuk binib Uwumbɔr aah nan ban ke u tuk bi pu na.

Josua 22:5

Ni chuu nibaa man, ki kii, ki li joo ikaal i Moses nan di mɔk nimi na: ni li gee Nidindaan Uwumbɔr, ki ŋa waageehn, ki kii tii waakaal, ki li joo waasan mbamɔm, aan ki li dii u nisui ni, ni nimi aawiin mɔmɔk.”

Tibɔkpiirkaan 1:8

Tidindaan Uwumbɔr, u yeh mpɔɔn mɔmɔk, ki nan bi, ki beenin bi, ki ga li bi n‑yoonn mu kaa kpa ndoon na le len ke uma le ye Alfa ni Omega, mpiin ngbaan ni ndoon ngbaan.

Tibɔkpiirkaan 11:17

ki len ke, “Tidindaan Uwumbɔr, u yeh mpɔɔn mɔmɔk, ki nan bi, ki beenin bi na, ti dooni si; ba pu? aa di saapɔɔn sakpiin ki joo dulnyaa wee.

Tibɔkpiirkaan 14:3

Binib ngbaan bi Uwumbɔr aabɔrjal, ni tiwanfuurkaan ninaa, ni bininkpiib na aanimbiin ni, ki gaa ilahnpɔɔn. Ubaa aan ŋmaa bae nlahn ngbaan see binib ŋichur nkub ni imonko ilee ni ŋinaa bi Uwumbɔr daa bi ki nyan bi dulnyaa wee ni na.

Tibɔkpiirkaan 14:8

Uwumbɔr aatuun leler nan paan ni njan yoo na aapuwɔb ki len ke, “Kitisakpeŋ Babiloŋ lir a. Kitiŋ ngbaan le nan cha ŋinibol mɔmɔk aanib nyu ndapɔm gbii. Ndaan ngbaan le ye waadagook aakpeek. Nima le ki lir a.”

Tibɔkpiirkaan 17:14

Bi ga faa Uwumbɔr Aapihbo butɔb. Le Upihbo ngbaan ga nyaŋ bi; ba pu? u ye dindatiib mɔmɔk Aadindaan, ki ye bibɔrb mɔmɔk Aabɔrkpaan la. Binib bi dii u na le ye waah nyan bi ki yin bi na, le bi si uchaŋ ni.”

Tibɔkpiirkaan 19:16

Liyimbil nan ŋmee waakpalk pu, utaapaln chee ke, “Bibɔrb mɔmɔk Aabɔrkpaan ni dindatiib mɔmɔk Aadindaan.”

Tibɔkpiirkaan 19:2

U jin binib tibɔr mbamɔm ki ŋa bi naah ŋeer bi pu na. U jin upiidagookpaan u nan cha dulnyaa ni aanib gɔr kidagook na aabɔr, ki daa utafal; ba pu? u nan ku uma Uwumbɔr aatutum.”

Tibɔkpiirkaan 4:8

Ni mɔmɔk nan kpa ifeen iloloob, ki mu nan kpa ŋinimbil tiwon mɔmɔk pu. Nwiin pu ni kinyeek mɔmɔk, naa fuur; n‑yoonn mɔmɔk ni len ke, “Chain, chain, Tidindaan Uwumbɔr u yeh mpɔɔn mɔmɔk na ye chain la. U nan bi, ki beenin bi, ki ga li bi n‑yoonn mu kaa kpa ndoon na.”