Tibɔkpiirkaan 14:2 - Uwumbɔr aagbaŋ

² Le m ŋun binib gaa ilahn paacham. Ni nan fuuk ke bunyɔb aanyun aah fuuk pu na, ki fuuk ke utaal aah teen mpɔɔn pu pu na, ki naahn binib aah gbaa tibar aan ti wii pu na.

UWONBƆR A GBƆNPƆŊ LIKƆƆNL

² Le n nan gbir likukɔl kaah nyan paab, le li fur nann nnyum man puu a fur bee utaal kaah ti tann man ni. Maah nan gbir likukɔl lan nmɔn a fur nan nann ke bibiɛfaab kaah far bi biɛr le-n.

Tibɔkpiirkaan 14:2 ပူးပေါင်းရင်းမြစ်များ

2 Samuel 6:5

David ni Israel yaab mɔmɔk nan gaa ilahn, le ki waa liwaal mpɔɔn pu ki pak Uwumbɔr. Bi nan gbaa tibar, ni ŋigangan, ki yak ichayakrtuun.

2 Bibɔrb Aabɔr 20:28

Baah nan ti fuu kitiŋ ngbaan ponn ni na, le bi di tibar ni kakaan tiib aalahn ti fuu Uwumbɔr Aadichal taab.

Ilahn 147:7

Gaa kipak aalahn tii Uwumbɔr man; di kibeek gaa ilahn tii timi Aawumbɔr man.

Ilahn 149:3

Li waa liwaal pak waayimbil man; di ŋigangan ni tibar pak u man.

Ilahn 33:2

Di tibar doon Uwumbɔr man, di ikuŋmin aawangbaakaan gaa ilahn tii u man.

Ilahn 43:4

le m ga buen saatork aabimbiln chee; sin Uwumbɔr chee le m kani mpopiin. Uwumbɔr, Maawumbɔr, m ga gbaa maabeek ki gaa ilahn pak si.

Ilahn 57:8

M ga fii sil, m ga moo pel maabar, m ga gaa ilahn lichakpitaawoln.

Ilahn 92:3

ni ŋan ke ti di ibeeŋmin aawan ni tibar gaa ilahn ki pak si.

Ilahn 93:4

Uwumbɔr lik paacham aawan mɔmɔk ki joo ni, u pɔɔ jer nnyusakpem aah ŋuuni pu na, ki pɔɔ jer nnyusakpem aanyunkpenn.

Ilahn 98:5

Gaa ilahn pak Uwumbɔr man. Di tibar gaa ilahn man.

Nnyam 19:16

Nwiin tatar daal ngbaan aachakpiik ni, le utaal tar ki moor, le ntaalangbam mu bɔn chin chin na jɔnn lijool ngbaan pu, le bi ŋun kakaan aah wii sakpen pu na. Le binib ngbaan mɔmɔk aawon gbaa ki jii ijawaan pu.

Nnyam 20:18

N‑yoonn mu binib ngbaan nan ŋun utaal gben, ni kakaan aawiil, ki kan utaal moor, ni iŋmanyuu Sainai Aajool ngbaan pu na, le ijawaan chuu bi, le biwon gbaa, le bi san ti sil dandar.

Aisaya 17:13

Ŋitimbol san ni ke tinyunkpenn na, le Uwumbɔr teen bi pu, le bi gir bipuwɔb mala ke kitangbaak aah san sunni ligongoln taab pu na, ki naahn kimook aah bi kinaakpaajabuŋ ponn ni pu na.

Esekiel 43:2

le m kan nima chee nwiihn mu deer ŋinimbil na nyan ni liwipuul wɔb ki ye Israel yaab Aawumbɔr aawiihn. Uwumbɔr aaneel nan ŋuun ke nnyusakpem aafuuk na, le nwiihn mu deer ŋinimbil na woln kitiŋ pu chain.

Sekaria 9:14

Uwumbɔr ga li bi paacham ki di ubaa mɔk waanib, u ga too waapiin ke utaal aah moor pu na la. Bidindaan Uwumbɔr le ga pii ukpiin; u ga li chuun titaabunn ti nyan ni ŋŋangii wɔb na ni la.

1 Korenti 13:1

Unii yaa ŋmaa len binib aaliin ni Uwumbɔr aatuuntiib aaliin, ki yaa kaa gee binib kan, u bi ke tiwangbaakaan ni libɔluln na la.

Tibɔkpiirkaan 1:10

Tidindaan aakpaakool daal le Uwumbɔr Aafuur Nyaan nan fir m pu. Le m ŋun nneel sakpiin len mpuwɔb ke kakaan na,

Tibɔkpiirkaan 1:15

Utaafar mu wiin ke baah pur tikur ti mmii ni na aah wiin pu na. Uneel mu fuuk ke bunyɔb sakpem aanyun na.

Tibɔkpiirkaan 11:12

Le ŋinikpol ŋi fikr na ŋun nneel sakpiin nyan ni paacham ki bui bi, “Dan paacham do man.” Le bi koo ntaalangbam ni ki buen paacham. Baadim mu kan baah buen pu na.

Tibɔkpiirkaan 11:15

Le Uwumbɔr aatuun lolole mu pii waakakaan. Le ineel sakpiin len Uwumbɔr do ke, “Dulnyaa wee ni aanaan mɔmɔk kpaln Tidindaan Uwumbɔr ni Waabo Kristo aanaan la. U ga li joo mu n‑yoonn mu kaa kpa ndoon na.”

Tibɔkpiirkaan 15:2

Le m kan tiwan ni naahn nnyusakpem mu mmii ŋmal mu ponn ni na, le mu wiin chain ke kinimbilik na. Le m kan binib bi nyaŋ, kaa dii upeel ngbaan, ni liwaal li naahn u na, kaa gaa waadaan ki ye waayimbil aanamba na; bi ka nnyusakpem mu wiin chain ke kinimbilik na chee, ki joo tibar ti Uwumbɔr tii bi na,

Tibɔkpiirkaan 18:22

Ubaa aan ki li ŋun binib bi gbaa tibar na, ni binib bi gaa ilahn na, ni binib bi pii ŋiwul ni kakaan tiib na pu, kitiŋ ngbaan ponn ni. Ututunn ubaa mu aan ki li bi ki ponn ni. Upii ubaa mu aan ki nan tijikaar ki ponn ni.

Tibɔkpiirkaan 5:8

Waah gaa kigbaŋ na, le tiwanfuurkaan ninaa ngbaan, ni bininkpiib moninko ni binaa ngbaan, nan gbaan unimbiin ni. Bi mɔmɔk gbaa tibar, ki joo salmaa aasambil ŋi gbii tulalee aayon na. Tulalee aayon ngbaan si Uwumbɔr aanib aameel aasisiiyaan.

Tibɔkpiirkaan 6:1

M kan Upihbo ngbaan chuu dabr kigbaŋ ki bi nan dab ki nfum mulole pu na nibaa. Le m ŋun tiwanfuurkaan ninaa ngbaan ponn ni nibaa len ke utaal aah tar pu na ke, “Dan.”

Tibɔkpiirkaan 8:7

Le Uwumbɔr aatuun njan yoo pii waakakaan. Waah pii waakakaan na, le ŋitaatakpabil, ni mmii, ni nsin ŋmal tɔb ponn ni, ki nyan paacham ki lir ni kitiŋ. Le mmii gaa kitiŋ ligetatar, ni isui mu ligetatar, ni timosɔnn mɔmɔk.