Tibɔkpiirkaan 14:10 - Uwumbɔr aagbaŋ

¹⁰ ga nyu ndaan mu ye Uwumbɔr aaŋuul, le u kpir ŋa kiyikuuk ni, kaa di nnyun kpee mu pu. Nima le mɔk waaŋuul sakpen, le bi ga li bi waatuuntiib bi bi chain na, ni Upihbo ngbaan aanimbiin ni, ki ga ji falaa sakpen mmii ni chirbil ponn ni.

UWONBƆR A GBƆNPƆŊ LIKƆƆNL

¹⁰ udaan mu li nyu Uwonbɔr a ŋuufiiŋ a daam man wee U minn ŋa U ŋuufiiŋ a dapɔɔrim a yiigin. Bi na li ta lichibil a ŋmiim ki mugir udaan malakam ban be kasi nin Kipeebigin a nintogil.

Tibɔkpiirkaan 14:10 ပူးပေါင်းရင်းမြစ်များ

Mpiin 19:24

N‑yoonn ngbaan le Uwumbɔr cha mmiigaal ni chirbil lir Sodom ni Gomora aatim ngbaan pu.

Job Aagbaŋ 18:15

Bi yaa di chirbil yaa waadichal ni ki finn li kan, unii umɔk gee na ga ŋmaa li koo li ni.

Job Aagbaŋ 21:20

Cha titunwanbirdam kan bibaa aatafadaan; Cha bi kan Uwumbɔr Mpɔɔnsakpiindaan aaŋuusakpeln.

Ilahn 11:6

U cha mmiisakɔn ni chirbil u gaal mmii na lir ni bibiindam pu; u joo libuln li ton na le dar bitafal.

Ilahn 37:34

Li kpa Uwumbɔr pu limakl, ki kii tii waamɔbon; waah ga nyuŋ si pu na le ye ke u di kitiŋ kee tii si, le aa ga kan ke u jenn nyan bibiindam.

Ilahn 52:6

Binib bi aabimbin ŋan na ga kan kina, le ijawaan ga chuu bi; le bi ga laa si ki bui ke,

Ilahn 60:3

Aa cha saanib jin falaa sakpen a. Ti chuun gbeer ke taah nyun ndaan le na.

Ilahn 73:10

ki cha Uwumbɔr aanib fenn buen bi chee, ki ti kpaan kii baah len pu na mala.

Ilahn 75:8

Uwumbɔr joo kiyikuuk uŋaal ni, kiyikuuk ngbaan gbii ndapɔɔl mu ye waaŋuul na la. U bar mu, le bibiindam mɔmɔk nyun mu; bi nyun mu mɔmɔk pel pel.

Ilahn 91:8

Aa ga lik le ki kan Uwumbɔr aah dar bibiindam aatafal pu na.

Aisaya 29:9

Li ye bijɔrb man. Li ye bijoom man. Li ye bidagbiib bi kaa nyun ndaan na man. Li chuun gbeer ke naah nyun ndaan le na.

Aisaya 30:33

N‑yoonn mu jer na, bi nan puen toor libuul li ponn ni bi ga nan di Asiria aabɔrkpaan ngbaan see mmiisakpiin ni na. Li nyoo le ki waa, le bi pii idɔ ti gbiin li; le Uwumbɔr ga fuur mmiigaal mu ti gaa u ni idɔ ngbaan li ponn ni.

Aisaya 34:9

Edom aamɔɔ mɔmɔk ga kpaln kootaal la, le kitiŋ labr ŋa chirbil.

Aisaya 51:17

Fii sil, Jerusalem yaab, fii sil man. Nyal ki fii sil man paacham. Ni jin ntafadaan aafalaa u Uwumbɔr gee liŋuul ki tii nimi ke ni ji na; ni jin falaa ngbaan, le u cha ni chuun gbeer.

Jeremia 25:27

Le Uwumbɔr ki bui mi ke, “Tuk binib ngbaan ke min, Uwumbɔr Mpɔɔnsakpiindaan, u ye Israel yaab Aawumbɔr na le bui bi ke bi nyu ki ti gbii ki li wulni, ki ti lir ki taa ki ŋmaa fii sil, butɔb bu m ga cha bu dan bi pu na pu.

Jeremia 49:12

“Hali binib bi kaa ba ye ke m daa bitafal na yaa ti nyun ntafadaan aayikuuk ni kan, ni dak ke nimi le aan kan ntafadaan aa? Mbamɔn ni ga nyu kiyikuuk ngbaan ponn ni.

Jeremia 51:57

M ga cha kaajojoob ni bijab bi kpa nlan, ni bisalolm, ni baajab nyu ki ti gbii. Bi ga ti doon geen le kaan ki fii kpala. Min, Ubɔr ngbaan le len kina, min le ye Uwumbɔr Mpɔɔnsakpiindaan.

Inandalahn 4:21

Edom ni Us aanib, li laa man; buyoonn ni ga ŋman na kan, li kpa mpopiin man. Ni mu aabɔbir choo; ni mu ga li chuun gbeer niŋmeen inimɔɔn ŋmeen.

Esekiel 20:48

Bi mɔmɔk ga bee ke min Uwumbɔr le see ki lii, le ubaa aan ŋmaa junn mu.”

Esekiel 38:22

M ga di iween ni nkun le daa utafal. Utaal sakpiin ni ŋitaatakpabil, ki di kpee mmii, ni chirbil, ga lir ni u ni waajab, ni ŋitimbol ŋi wiir ki si uchaŋ ni na pu.

Habakuk 2:16

Sin le ga kan inimɔɔn, naan li ye kipak. Sin aabaa ga nyu ndaan ki gbii. Uwumbɔr le ga daa aatafal ki cha inimɔɔn biin saapak pu.

Matiu 20:22

Le Yesu bui binachipɔm ngbaan, “Naa nyi naah mee mi pu na aatataa. Ni ga ŋmaa ji falaa ke maah ga ji pu na aa?” Le bi bui u, “Ti ga ŋman.”

Matiu 25:41

“Le m ga bui binib bi si ŋŋangan wɔb na, ‘Nimi bi Uwumbɔr puun lii ni pu na, nya m chee man, ki ti koo mmii mu kaan junn, aan Uwumbɔr nan tuur siin kinimbɔŋ ni kaawanbir mɔmɔk na.

Matiu 26:39

Le u foor siib, ki doon lichichikr, le ki mee Uwumbɔr, “Nte, aa yaa kii kina kan, nyan mi falaa u choo na ni. Tɔ, ŋa saageehn, ki taa ŋa maageehn.”

Tibɔnyaan ti Mak ŋmee ti na 8:38

Dandana aanib ye titunwanbirdam la, kaa dii Uwumbɔr. Unii yaa san inimɔɔn m ni maabɔr chee ke u di tuk biken kan, min Unibɔn Aabo ga nan yii udaan ngbaan. M ga gir ni, ki li kpa Nte Uwumbɔr aapɔɔn. Uwumbɔr aatuuntiib bi ye chain na, mu ga dii mi. N‑yoonn ngbaan le m ga yii udaan ngbaan.”

Tibɔnyaan ti Mak ŋmee ti na 9:44

Nima chee, ‘ŋikpaambil ŋi ŋmɔ biwon na aan kpo daalbaadaal, le mmii mu wu bi na mu aan junn.’]

Lituln 10:22

Le bi bui u, “Konelius, u ye butɔb aajab nkub aaninkpel na le tun ni timi. U ye unibamɔnn u pak Uwumbɔr na. Juu yaab mɔmɔk pak u sakpen. Le Uwumbɔr aatuun mubaa tuk u ke u yin si, ke aa dan udo, u nan pel saah ga len pu na.”

Ikaal 29:23

Ikpaakon ga kpaln chirbil ni n‑yaan ŋmeen, ubaa aan ŋmaa bu tiwan nibaa ni punn, le timoor mu aan ŋmaa punn. Nima aatiŋ ngbaan ga li bi ke Sodom ni Gomora aatim, ni Adma, ni Seboyim aatim mu Uwumbɔr nan bii mu na la, n‑yoonn mu usui nan fii bi pu sakpen na, le u kuln mu.

2 Tesalonika 1:7

ki tii timi ni nimi bi ji falaa na lifuur. Ti ga kan lifuur ngbaan bundaln Tidindaan Yesu ga nyan ni paacham ki mɔk waah bi pu na. U ni waatuuntiib ga nyan ni paacham ni mpɔɔn,

Juud 1:7

Teer man, Sodom ni Gomora aatim, ni itingbaan na aanib bi nan gɔr kidagook, ki mu yii bipiib ki ban bijab na aabɔr. Uwumbɔr nan daa bitafal, ki di bi ŋa mmii mu kaan junn na ni, ni le ye nsurm ki tii titunwanbirdam mɔmɔk.

Tibɔkpiirkaan 15:7

Le tiwanfuurkaan ninaa ponn ni nibaa di salmaa aasambil ŋilole tii Uwumbɔr aatuuntiib bilole ngbaan. Uwumbɔr u bi n‑yoonn mu kaa kpa ndoon na aaŋuul aah fii pu na le gbii ŋisambil ngbaan.

Tibɔkpiirkaan 16:19

Le kitisakpeŋ ngbaan aadir mɔmɔk yakr nfum mutaa ki lir kitiŋ. Ŋinibol mɔmɔk aatim mu lir kitiŋ a; ba pu? Uwumbɔr aa suln kitisakpeŋ Babiloŋ ngbaan aanib aatunwanbir bɔr, ki tii bi kiyikuuk ki gbii ndaan mu ye waaŋuul sakpen na, ki cha bi nyu.

Tibɔkpiirkaan 18:3

ba pu? ŋinibol mɔmɔk nyun ndaan mu ye kitiŋ ngbaan aadagook aakpeek na, le dulnyaa ni aabɔrb gɔr chaa ki chee. Binib bi chuun tiir na nan kan tinyoor sakpen ki pu; ba pu? kaanib nan ban tiwanyaan ki ti nyaŋ.”

Tibɔkpiirkaan 18:6

U bui ke, “Teen kitiŋ ngbaan kaah nan tii pu na. Teen ki kaah nan tun pu na mfum mulee. Gbiin kaayikuuk ndaan mu pɔɔk jer kaah tii biken na mfum mulee.

Tibɔkpiirkaan 19:15

Le kijaak aajuk ki ka na bi umɔb ni, ke u ti nyaŋ ŋinibol mɔmɔk. U ga di tikur aadabil ki li joo bi mpɔɔn pu, ki ga ŋa bi ke binib aah taar ŋisubil pu libuusakpeln ponn ni ki nyani ŋaanyun pu na, le ki mɔk bi Uwumbɔr Mpɔɔnsakpiindaan aah gee liŋuul pu na.

Tibɔkpiirkaan 19:20

Le u chuu upeel ngbaan, ni waabɔnabr u nan tun lijinjiir aatun unimbiin ni ki ŋmanni binib bi nan gaa upeel ngbaan aadaan ki dii waawaal na. Bi nan chuu upeel ngbaan ni waabɔnabr ngbaan ki di ŋa chirbil aamii sakpiin ni, bifuub.

Tibɔkpiirkaan 20:10

Le Uwumbɔr chuu kinimbɔŋ ki ŋmann bi na, ki di ki ŋa chirbil aamii ni, upeel ngbaan ni waabɔnabr u nan ŋmanni binib na aah bi nin chee na. Le bi ga ji falaa, nwiin pu ni kinyeek ki ti saa n‑yoonn mu kaa kpa ndoon na.

Tibɔkpiirkaan 20:14

Le u di nkun ni kitekpiitiŋ ŋa mmii sakpiin ponn ni. Mmii ngbaan le ye lelee aakun.

Tibɔkpiirkaan 21:8

Le bijawaandam, ni binib bi yii mi na, ni bininsom, ni binikurb, ni bidagoob, ni bibɔɔb, ni biwaadam, ni binyamɔndam mɔmɔk ga li bi chirbil aamii ni. Nima le ye lelee aakun na.”