Tibɔkpiirkaan 13:2 - Uwumbɔr aagbaŋ

² Upeel ngbaan nan naahn unaamuun la. Utaafar pɔɔ sakpen. Umɔb mu naahn uchinn aamɔb. Kipeewanbiik ngbaan le di waapɔɔn, ni waanaan, ni waapɔɔn sakpiin tii u.

UWONBƆR A GBƆNPƆŊ LIKƆƆNL

² Maah nan kan kuwanbiig kan nmɔn nan nann unamuun le, amaa le u taai nann ke ubakar a taai, le u mɔb nann ligbeginl a mɔb. Le kutunwiɛŋ ta u pɔɔm, nin u naangbɔŋ nin tininkper a pɔɔm ki sei kuwanbiigin.

Tibɔkpiirkaan 13:2 ပူးပေါင်းရင်းမြစ်များ

2 Bibɔrb 2:24

Elaisa nan fenn lik bi, le ki di Uwumbɔr aayimbil puun lii bi pu. Le tipeewanbir tibaa nyan ni kichook ni ki nan dar par par bi ponn ni mbijabim imonko ilee ni bilee.

Ilahn 22:21

Gaa mi ichinn yee chee; maa kpa mpɔɔn mubaa inaajabir yee chee.

Ŋiyataŋak 17:12

Aa yaa to takɔ u binib ku waabim mɔmɔk na nsan ni kan, ni ŋan jer ke aa ti kan ujɔr aah bi tun waajɔrk aatuln pu na.

Ŋiyataŋak 28:15

Ubiindaan yaa bi mpɔɔn ni kan, bigiim aa kani nterm u chee, u bir le ke uchinn na, bee unaamuun na.

Aisaya 5:29

Baatɔb aajab ŋuuni ke uchinn u chuu upeel ki joo san cha nin chee ubaa aan ki ŋmaa gaa upeel ngbaan u chee na aah ŋuuni pu na la.

Jeremia 13:23

Unii u aawon bɔn na ga ŋmaa kpeln ti ŋa ti man na aa? bee upeenaamuun ga ŋmaa nyan uwon aah tuur tuur pu na aa? Bi yaa ga ŋmaa ŋa kina kan, nimi bi tun titunwanbir ŋmeen na mu ga ŋmaa kpeln ki ŋa ni ŋan na.

Jeremia 5:6

Nima pu le ichinn ga nya ni kichook ni ki nan ku bi; le takɔ mam ga nya ni nteersakpiin ni ki nan daa par par bi, le inaamuun ga li chuun tee mban baatim ponn ni. Binib ngbaan yaa nyan lipaal kan, i ga daa par par bi; ba pu? baatunwanbir wiir sakpen a, le bi fenn bipuwɔb tii Uwumbɔr n‑yoonn mɔmɔk.

Hosea 11:10

“M yaa nan ŋuun baadim pu ke uchinn na kan, maanib ga dii mi. Bi ga nya liwilir wɔb ki dan m chee mala.

Amos 3:12

Uwumbɔr ki len ke, “Samaria aanib bi ka ŋibɔrjal pu na ga nan gur siib ke Uchinn yaa chuu upiih ki ŋman kan, unaakpaal ga ti kan waah ŋman gur itaayakr bee litafal libaa pu na la. Kina le Samaria aanib siib ga ŋmar, le lijal ni tiwandookaan aageln baanja ga li gur baawangol ponn ni.”

Amos 5:19

Ni ga nan li naahn ke unii aah san uchinn chee ki ti tooh upeenaamuun nsan ni pu na la, ki li bi ke unii u kun ni linampal ki nan di uŋaal paan ligoln pu aan uwaa kpaan juu u pu na la.

Habakuk 1:8

“Baataan ŋmaa san mala mala ki jer ipeenaamuun, le ki bir jer nkon aah joo takɔtiib bi na. Baatandam nyan ni dandar aatim ni le ki jak ni baataan, baataan aataagbendun pɔɔ sakpen. I booni ke ŋikaagii le aah booni ke ŋi ti chuu tinann na.

2 Timoti 4:17

Tidindaan le nan sil mpuwɔb, ki tii mi mpɔɔn m len waabɔr mɔmɔk, aan bi mɔmɔk ŋun. Waa cha ubɔjir len ke bi ku mi.

1 Piita 5:8

Ni li kpa laasaab ki li nyi; ba pu? kinimbɔŋ ki ye nimi aadin na chuun gonni, ki ban ke ni di Uwumbɔr aasan lii. Ki bi ke uchinn u chuun tar, ki ban unii u ki ga chuu ki ŋmɔ na la.

Tibɔkpiirkaan 12:13

Kipeewanbiik ngbaan aah kan ke bi nyan u paacham ki di lii ni kitiŋ na, le u san dii upii u ma ubijabo na, ke u chuu u.

Tibɔkpiirkaan 12:15

Le kipeewanbiik ngbaan tii nnyun sakpem umɔb ni ke limɔɔl na ki lii, ke mu di upii ngbaan puu buen.

Tibɔkpiirkaan 13:12

U nan bi njan aapeel chee, ki kpa waapɔɔn, ki muk dulnyaa, ni binib bimɔk bi dulnyaa ni na, ke bi li dii njan aapeel u nan kpa nkun aabuel li sɔŋ na.

Tibɔkpiirkaan 13:4

ki gbaan kitiŋ ki doon kipeewanbiik ngbaan; ba pu? u nan di waapɔɔn tii upeel ngbaan. Bi nan gbaan kitiŋ ki doon upeel ngbaan mu, le ki baa ke, “Ŋma bi ke upeel wee na? Ŋma ga ŋmaa to u butɔb?”

Tibɔkpiirkaan 16:10

Le Uwumbɔr aatuun ŋmuŋmur mu di falaa u bi waasambil ni na kpir upeel ngbaan aabɔrjal pu. Le waanaan bɔln. Le binib junni bilambil iween pu.

Tibɔkpiirkaan 17:12

“Saah kan iyiin kipiik i na, i ŋaŋ bibɔrb kipiik bi kaa kee ji nnaan na la. Bi ni upeel ngbaan ga kan bibɔrb aapɔɔn, ni yunn siib.

Tibɔkpiirkaan 19:20

Le u chuu upeel ngbaan, ni waabɔnabr u nan tun lijinjiir aatun unimbiin ni ki ŋmanni binib bi nan gaa upeel ngbaan aadaan ki dii waawaal na. Bi nan chuu upeel ngbaan ni waabɔnabr ngbaan ki di ŋa chirbil aamii sakpiin ni, bifuub.

Tibɔkpiirkaan 2:13

M nyi naah bi nin chee na, ke ni bi kitiŋ ki ye kinimbɔŋ aatiŋ na ponn ni la. Ni mu beenin si nchaŋ ni la, kaa yii mi. Buyoonn bi nan ku maaseeraadaan bamɔnn Antipas nikaasisik ni, kinimbɔŋ aah bi nin chee na, naa nan yii mi.

Tibɔkpiirkaan 20:2

U nan chuu kipeewanbiik ki ye kinimbɔŋ aan bi yin ki ke Uwaa u Yunn na, ki ki yin ki ke Defil, ki ki yin ki ke Sintana na, le ki di tikululn ngbaan buu ki,