Tibɔkpiirkaan 13:15 - Uwumbɔr aagbaŋ

¹⁵ Upeel leler ngbaan nan kpa nsan ke u cha liwaal ngbaan fuur libuln ki len tibɔr, le ki cha bi ku binib bimɔk kaa dii liwaal ngbaan na,

UWONBƆR A GBƆNPƆŊ LIKƆƆNL

¹⁵ Le Uwonbɔr nan sei kuwanbiig kan kpiɛ milee nmɔn npɔɔn ke kin foor jaa litingbanl lan jɔɔ chinchinn a wanbiigin a nunaŋ, wee lin fir pag wee ban yii kaah jiɛn li ke lin ku bi.

Tibɔkpiirkaan 13:15 ပူးပေါင်းရင်းမြစ်များ

Mpiin 2:7

Uwumbɔr nan di titan ki di naan uja, le ki fuur libuln ŋa umɔfal ni, le u kpaln unibɔn.

Ilahn 115:5

Ŋi kpa imɔi le kaa tee ŋmaa len, ki kpa ŋinimbil, kaa tee waa.

Jeremia 10:14

Binib yaa kan kina kan, le bilan ŋmal, le bi kpaln bilatiirb; binib bi naani ŋiwaa na jin inimɔɔn a; ba pu? ŋi ye fam, le kaa kpa limɔfal.

Jeremia 10:5

Kina aawaa bi ke baah naan tiwan siin kisaak ni ke tiwakorkaan taa dan nan bii tijikaar pu na la. Ŋaa ŋmaa len tibɔr, kaa ŋmaa chuun, see unii le ga yoor ŋi buen waah gee nin chee na. Taa san ŋi ijawaan man, ŋaan ŋmaa ŋa nimi nibaa, kaan ŋmaa tii nimi tinyoor tibaa.”

Jeremia 51:17

Unibɔn yaa kan kina kan, le u bee ke u ye ulatiir la, kaa kpa nlan; binib bi naani ŋiwaa ŋi kaa ye nibaa, kaa kpa limɔfal na jin inimɔɔn a.

Daniel 7:20

M nan ki ban ke m moo bee waayiin kipiik i nan bi uyil pu na, ni n‑yiin waatiir mu nan nyan ni puwɔb ki tur iyiin itaa lii na aabɔr. Mu nan kpa ŋinimbil ni bumɔb ki kpa kigaak aapupuk. Mu nan kpa ijawaan jer iken na mɔmɔk.

Daniel 7:25

U ga sii Uwumbɔr u kaa kpa ŋeen aatɔ na, ki muk uma Uwumbɔr waanib. U ga pɔɔn ubaa ke u kpeln baah dii isan i na, ni baajim aakuun mu, le Uwumbɔr aanib ga li bi waapɔɔn ni ki ti saa ŋibin ŋitaa ni ligeln.

Habakuk 2:19

Saamɔfal junn a; ba pu? aa bui lidɔgeln ke, “Finn ngeen pu,” le ki ki bui litakpal li kaa kpa kifuurk na ke, “Finn ngeen pu.” Liwaal ga ŋmaa kpiir tiwan nibaa tuk si ii? Bi ga di salmaa ni tikunabr le boon li, le li mu aa tee kpa kifuurk.

Jemisi 2:26

Tiwon ti kaa kpa nwiin na, ti kpo le na, kina le naadii u kaa kpa litunyaan na mu kpo.

Tibɔkpiirkaan 13:1

Le m kan upeel nyan ni nnyusakpem ponn ni. U nan kpa ŋiyil ŋilole ni iyiin kipiik, le ki chik ubɔr aayikpupur waayiin kipiik mɔmɔk pu. Le liyimbil li ye lisiibil ki tii Uwumbɔr na nan bi ŋiyil mɔmɔk pu.

Tibɔkpiirkaan 13:12

U nan bi njan aapeel chee, ki kpa waapɔɔn, ki muk dulnyaa, ni binib bimɔk bi dulnyaa ni na, ke bi li dii njan aapeel u nan kpa nkun aabuel li sɔŋ na.

Tibɔkpiirkaan 13:14

ki ŋmann binib bimɔk bi dulnyaa ni na; ba pu? u nan kpa nsan ke u tun lijinjiir aatun njan aapeel aanimbiin ni, ki tuk dulnyaa ni aanib ke bi ŋa liwaal li naahn upeel u nan kpa kijuk aabuel li sɔŋ na.

Tibɔkpiirkaan 14:11

Iŋmanyuu nyan ni mmii ngbaan ni ki fii paacham n‑yoonn mu kaa kpa ndoon na. Binib bi dii upeel ngbaan, ni liwaal li naahn u na, ki gaa waadaan ki ye waayimbil na, ga ji falaa mmii ngbaan ponn ni, kaan fuur nwiin pu, kaan fuur kinyeek mu.”

Tibɔkpiirkaan 14:9

Uwumbɔr aatuun tatar nan paan ni uleler na aapuwɔb ki len mpɔɔn pu ke, “Binib bimɔk dii upeel ngbaan, ni liwaal li naahn u na, ki gaa waadaan biyigbeer pu, bee biŋaal pu na,

Tibɔkpiirkaan 16:2

Le Uwumbɔr aatuun ubaa buen ki ti di falaa u bi waasambil ni na kpir dulnyaa ni. Le ni ŋa ibuun i wu sakpen na ki baan binib bi kpa upeel ngbaan aadaan ki dii waawaal na pu.

Tibɔkpiirkaan 16:5

Le m ŋun Uwumbɔr aatuun u ye nnyun aayidaan na len ke, “Uwumbɔr u ye chain daan, ki nan bi, ki beenin bi na, saah daa binib ngbaan aatafal kina na, aa ŋa ni ŋan;

Tibɔkpiirkaan 17:14

Bi ga faa Uwumbɔr Aapihbo butɔb. Le Upihbo ngbaan ga nyaŋ bi; ba pu? u ye dindatiib mɔmɔk Aadindaan, ki ye bibɔrb mɔmɔk Aabɔrkpaan la. Binib bi dii u na le ye waah nyan bi ki yin bi na, le bi si uchaŋ ni.”

Tibɔkpiirkaan 17:17

ba pu? Uwumbɔr le cha bi ban bi ŋa waageehn, ki cha bi kpa kimɔbaan ki di baanaan tii upeel ngbaan u ji ki nan saa buyoonn Uwumbɔr aah len pu na nan ŋa.

Tibɔkpiirkaan 17:6

Le m kan upii ngbaan gbii ndaan ki dɔ; ba pu? u nyun Uwumbɔr aanib aasin, ni binib bi kpo Yesu pu na aasin ki gbii. Maah kan u na, le ni gar mi pam.

Tibɔkpiirkaan 18:20

Tɔ, nimi bi bi paacham na, ni Uwumbɔr aanib, ni Yesu aakpambalb, ni Uwumbɔr aabɔnabtiib, ni li kpa mpopiin kitisakpeŋ ngbaan aah kuln pu na pu; ba pu? Uwumbɔr teen ki kaah ŋa nimi bakaa u na, ki daa kitafal.

Tibɔkpiirkaan 18:24

Uwumbɔr daa kitiŋ ngbaan aanib aatafal; ba pu? bi ku waanib, ni waabɔnabtiib, ni binib bimɔk kpo u pu na. Baasin bi kitiŋ ngbaan ponn ni.

Tibɔkpiirkaan 19:20

Le u chuu upeel ngbaan, ni waabɔnabr u nan tun lijinjiir aatun unimbiin ni ki ŋmanni binib bi nan gaa upeel ngbaan aadaan ki dii waawaal na. Bi nan chuu upeel ngbaan ni waabɔnabr ngbaan ki di ŋa chirbil aamii sakpiin ni, bifuub.

Tibɔkpiirkaan 20:4

Le m kan ŋibɔrjal, ni binib bi ka ŋi pu na. Le Uwumbɔr tii bi nsan ke bi ji binib tibɔr. Bi nan ye binib bi nan kpo Yesu pu na aawiin. Binib nan chuu gii biyil lii; ba pu? bi nan moon tibɔbamɔnn ti Yesu nan kpiir na ni Uwumbɔr aabɔr. Baa dii upeel ngbaan, bee waawaal, kaa gaa waadaan biyigbeer pu, bee biŋaal pu. Bi nan kpa limɔfal ki jin nnaan Kristo chee ŋibin lichur.