Tibɔkpiirkaan 13:14 - Uwumbɔr aagbaŋ

¹⁴ ki ŋmann binib bimɔk bi dulnyaa ni na; ba pu? u nan kpa nsan ke u tun lijinjiir aatun njan aapeel aanimbiin ni, ki tuk dulnyaa ni aanib ke bi ŋa liwaal li naahn upeel u nan kpa kijuk aabuel li sɔŋ na.

UWONBƆR A GBƆNPƆŊ LIKƆƆNL

¹⁴ Chinchinn a wanbiigin kaah sei u npɔɔn man wee u si u taalin ki fir ŋa siɛra a toon yin, ni bu che u fir lar dulinya yaaba. Le ki bei bi ke bin maa litingbanl nin jilima lan nann chinchinn a wanbiigin kan nan kan takoobi a daŋ amaa wee kaa kpe-n.

Tibɔkpiirkaan 13:14 ပူးပေါင်းရင်းမြစ်များ

2 Bibɔrb 20:7

Le Aisaya bui binib bi joo ubɔr ngbaan na ke bi san likakaln aasubil ki di boon lichakpelar ngbaan aan u pɔɔk.

2 Bibɔrb 22:20

le kaan ki cha ntafadaan mu ba choo Jerusalem pu na dan see saakun aapuwɔb. M ga cha aa kpo nsuudoon ni la.’” Le bijab ngbaan nan di tibɔr ngbaan nan tuk Ubɔr Josia.

2 Bibɔrb Aabɔr 18:21

Le mu gar ke, ‘M ga buen le ki ti cha Ahab aabɔnabr mɔmɔk gii inyamɔn.’ Le Uwumbɔr bui ke, ‘Li cha ti ŋmann u. Aa ga ti ŋman.’”

Job Aagbaŋ 12:16

Uwumbɔr pɔɔ, le ki kani linyaŋ n‑yoonn mɔmɔk; binib bi ŋmanni na, ni baah ŋmanni binib bi na mɔmɔk bi waapɔɔn ni la.

Nnyam 7:11

Le ubɔr ngbaan yin ni waalandam ni binyɔkdam, le bi mu di baanyɔk ŋa kina.

Aisaya 44:20

Nimina ni unii aah ga moo nfatan pu na ye tiwan nibaa la. Waajɔrk aalandak ngbaan ŋmann u sakpen le ubaa aan ki ŋmaa sur u. Waan kii ke liwaal li u joo uŋaal ponn ni na aa ye Uwumbɔr kpala.

Esekiel 14:9

“Ubɔnabr ubaa yaa ŋmann ubaa ki tii ngarm mu kaa gbii na kan, ni mɔk ke min Uwumbɔr le ŋmann u ke u len kina; m ga nyan u Israel aanib ni.

Esekiel 16:17

Aa nan di maah tii si tikunabr ni salmaa u na ŋa ŋiwaa ŋi naan bijab na ki dooni ŋi ki cha mi Uwumbɔr.

Esekiel 8:10

M nan buen ki ti lik. Bi nan naan ikuub ni tiwakor ti kɔ na ŋmeen, ni Israel yaab aah dooni tiwan niken ni na ŋmeen le gbiin ŋigon ngbaan pu.

Daniel 11:36

“Siria aabɔr ga li ŋani waah gee pu na la. U ga li kpa kipupuk ke liwaal libaa aa bi ki pii u, ke u kpaan jer Uwumbɔr u kaa kpa ŋeen aatɔ na mu. U ga li ŋani kina ki ti saa buyoonn Uwumbɔr ga daa utafal na. Uwumbɔr aah kpokl ke u ŋa pu na, kina le ga ŋa.

2 Tesalonika 2:4

U ga yii Uwumbɔr, ni ŋiwaa, ni tiwan nimɔk binib dii ni na. U ga nyuŋ ubaa ki jer ni mɔmɔk, ki ga kal Uwumbɔr Aadichal ni, ki len ke uma le ye Uwumbɔr.

Tibɔkpiirkaan 13:1

Le m kan upeel nyan ni nnyusakpem ponn ni. U nan kpa ŋiyil ŋilole ni iyiin kipiik, le ki chik ubɔr aayikpupur waayiin kipiik mɔmɔk pu. Le liyimbil li ye lisiibil ki tii Uwumbɔr na nan bi ŋiyil mɔmɔk pu.

Tibɔkpiirkaan 13:15

Upeel leler ngbaan nan kpa nsan ke u cha liwaal ngbaan fuur libuln ki len tibɔr, le ki cha bi ku binib bimɔk kaa dii liwaal ngbaan na,

Tibɔkpiirkaan 13:8

Le dulnyaa ni aanib bimɔk aayimbil aa ŋmee Uwumbɔr Aapihbo u bi nan ku u na aamɔfal aagbaŋ ni buyoonn Uwumbɔr aa nan kee naan dulnyaa wee na ga dii upeel ngbaan.

Tibɔkpiirkaan 14:11

Iŋmanyuu nyan ni mmii ngbaan ni ki fii paacham n‑yoonn mu kaa kpa ndoon na. Binib bi dii upeel ngbaan, ni liwaal li naahn u na, ki gaa waadaan ki ye waayimbil na, ga ji falaa mmii ngbaan ponn ni, kaan fuur nwiin pu, kaan fuur kinyeek mu.”

Tibɔkpiirkaan 14:9

Uwumbɔr aatuun tatar nan paan ni uleler na aapuwɔb ki len mpɔɔn pu ke, “Binib bimɔk dii upeel ngbaan, ni liwaal li naahn u na, ki gaa waadaan biyigbeer pu, bee biŋaal pu na,

Tibɔkpiirkaan 15:2

Le m kan tiwan ni naahn nnyusakpem mu mmii ŋmal mu ponn ni na, le mu wiin chain ke kinimbilik na. Le m kan binib bi nyaŋ, kaa dii upeel ngbaan, ni liwaal li naahn u na, kaa gaa waadaan ki ye waayimbil aanamba na; bi ka nnyusakpem mu wiin chain ke kinimbilik na chee, ki joo tibar ti Uwumbɔr tii bi na,

Tibɔkpiirkaan 16:13

Le m kan tiyayaar ti naahn titaateeraakpann na titaa nyan ni kipeewanbiik, ni upeel ngbaan, ni waabɔnabr u ŋmanni binib na aamɔi ni la.

Tibɔkpiirkaan 16:2

Le Uwumbɔr aatuun ubaa buen ki ti di falaa u bi waasambil ni na kpir dulnyaa ni. Le ni ŋa ibuun i wu sakpen na ki baan binib bi kpa upeel ngbaan aadaan ki dii waawaal na pu.

Tibɔkpiirkaan 18:23

Karyaa ubaa mu aan ki li wiin ki ponn ni. Uja ubaa mu aan ki yoor upii ki ponn ni. Upii ubaa mu aan ki mɔn uja ki ponn ni. Binib bi chuun tiir tiwan ki ponn ni na nan ye mpɔɔndam la. Kaanib nan ŋani inyɔk ki ŋmanni ŋinibol mɔmɔk.”

Tibɔkpiirkaan 19:20

Le u chuu upeel ngbaan, ni waabɔnabr u nan tun lijinjiir aatun unimbiin ni ki ŋmanni binib bi nan gaa upeel ngbaan aadaan ki dii waawaal na. Bi nan chuu upeel ngbaan ni waabɔnabr ngbaan ki di ŋa chirbil aamii sakpiin ni, bifuub.

Tibɔkpiirkaan 2:10

Ni ga ji falaa dandana wee; ni mu taa san ijawaan man. Kinimbɔŋ ga di ni ponn ni bibaa ŋa kiyondiik ni, aan ni kan ntɔŋ, le ni ga ji falaa iwiin kipiik. Ni li dii maasan mbamɔm ki nan saa nkundaal man. Le m ga nan tii nimi lipal li ye limɔfal li kaa kpa ndoon na.

Tibɔkpiirkaan 20:10

Le Uwumbɔr chuu kinimbɔŋ ki ŋmann bi na, ki di ki ŋa chirbil aamii ni, upeel ngbaan ni waabɔnabr u nan ŋmanni binib na aah bi nin chee na. Le bi ga ji falaa, nwiin pu ni kinyeek ki ti saa n‑yoonn mu kaa kpa ndoon na.

Tibɔkpiirkaan 3:10

Ni kii maabɔr, ki kpa limɔr. Nima pu na, m mu ga li lik nimi, ki nyan nimi falaa u ga pii dulnyaa aanib mɔmɔk ki tɔŋ bi na ni.