Tibɔkpiirkaan 12:6 - Uwumbɔr aagbaŋ

⁶ Le upii ngbaan san buen nteersakpiin ni, Uwumbɔr aah toor mpaan nin chee tii u na, ki ti kpiini u nima chee iwiin lichur ni ikui ilee ni imonko itaa.

UWONBƆR A GBƆNPƆŊ LIKƆƆNL

⁶ Le upii nmɔn guun ki jon kukunkɔɔg a paab, nan yaan wee Uwonbɔr nan mann npaan ki bil guur upii nmɔn ke bi li lig u ki tan kpaa iweehn turil nin iweehn kobilee nin iweehn piloob.

Tibɔkpiirkaan 12:6 ပူးပေါင်းရင်းမြစ်များ

Daniel 12:12

Binib bi ga li si chob aan iwiin lichur ni ikui itaa ni piitaa ni iŋmu ti jer na ga li kpa mpopiin.

Matiu 4:11

Le kinimbɔŋ siir cha u. Le Uwumbɔr aatuuntiib dan nan ter u.

Tibɔkpiirkaan 12:14

Le Uwumbɔr tii upii ngbaan libɔrwiin aafeen ilee ke u fii buen nteersakpiin ni, waapaan ni, kipeewanbiik ngbaan taa ki pii u nima chee. Le bi ti kpiini u nima chee ki ti saa ŋibin ŋitaa ni ligeln.

Tibɔkpiirkaan 12:4

Le kipeewanbiik ngbaan di kijuul kuun foor ni iŋmabi ligetatar, ki di lii ni kitiŋ, ki dan nan sil upii u ban u maa ubo na aanimbiin ni ke ki ŋmɔ waabo.

Tibɔkpiirkaan 13:5

U nan kpa nsan ke u li kpa kipupuk ki sii Uwumbɔr, ki kpa nsan ke u li bi iŋmal imonko ilee ni ilee.

Tibɔkpiirkaan 17:3

Le Uwumbɔr Aafuur Nyaan fir m pu, le waatuun ngbaan yoor mi ki di buen nteersakpiin ni. Le m ti kan upii ubaa dik upeel u man na pu. Ŋiyimbil ŋi seei Uwumbɔr na nan bi upeel ngbaan aawon mɔmɔk pu. U nan kpa ŋiyil ŋilole ni iyiin kipiik.