Tibɔkpiirkaan 11:15 - Uwumbɔr aagbaŋ

¹⁵ Le Uwumbɔr aatuun lolole mu pii waakakaan. Le ineel sakpiin len Uwumbɔr do ke, “Dulnyaa wee ni aanaan mɔmɔk kpaln Tidindaan Uwumbɔr ni Waabo Kristo aanaan la. U ga li joo mu n‑yoonn mu kaa kpa ndoon na.”

UWONBƆR A GBƆNPƆŊ LIKƆƆNL

¹⁵ Le malaka wan kpiɛ milile mu pee u naatuŋ, le ikukɔpɔɔr be paab ki tann ki len ke: “Dulinya a naam kpann ti Yudaau nin U Masiya yaala, le u li ŋmag u naam hali nin isaŋ yan kaa jɔɔ diɛm.”

Tibɔkpiirkaan 11:15 ပူးပေါင်းရင်းမြစ်များ

Ilahn 110:4

Uwumbɔr puu tipuukpaan, kaan kpeln ti ke, “Aa ga li ye utotoor ki ti saa n‑yoonn mu kaa kpa ndoon na ke Melkisedek aah nan ye pu na la.”

Ilahn 146:10

Uwumbɔr le ye ubɔr n‑yoonn mɔmɔk. Sionn aatiŋ aanib, nimi Aawumbɔr aanaan aan doo. Pak Uwumbɔr man.

Ilahn 2:2

Baabɔrb yiil Uwumbɔr aamɔb, le baajojoob kpaani ki kpokl Uwumbɔr, ni waah lee ubɔr u na pu.

Ilahn 72:11

Bibɔrb mɔmɔk ga gbaan unimbiin ni; ŋitimbol mɔmɔk ga li dii uma la.

Ilahn 82:8

Uwumbɔr, dan, ki nan joo dulnyaa; ŋitimbol mɔmɔk ye sin yaan la.

Ilahn 86:9

Saah naan ŋitimbol ŋi mɔmɔk na ga dan ki nan gbaan aanimbiin ni; bi ga pak saah tun ŋitukpaan ŋi na.

Nnyam 15:18

Sin Uwumbɔr le ga li ye ubɔr ki cha n‑yoonn mu kaa kpa ndoon na.”

Aisaya 27:13

Nwiin ngbaan daal yaa nan fuu ni kan, kakaan ga wii ki yin Israel yaab bi bi Asiria ni Ijipt aatim ni tinaagbiir ni na ke bi gir ni. Bi ga dan ki nan doon Uwumbɔr, Jerusalem aatiŋ ponn ni, waajool paab.

Aisaya 44:23

Nimi kitaapaak yaab, li tar ni mpopiin pu man. Nimi kitiŋ yaab, teen mpɔɔn pu man. Ŋijoo ni isui imɔk bi kichook ni na, di mpopiin teen mpɔɔn pu man. Uwumbɔr mɔk waapɔɔn ki gaa waanib Israel yaab lii.

Aisaya 55:5

Dandana ni ga kuun biwɔwɔm aatimbol; n‑yoonn mubaa, baa nan nyi nimi, le dandana ma bi ga san ki nan kpaan ni chee. Min, Nidindaan Uwumbɔr, nimi Israel yaab Aawumbɔr u bi chain na ga cha nimina mɔmɔk ŋa kina; m ga nyuŋ nimi ki tii nimi liyimbil.”

Aisaya 9:7

Waanaan aapɔɔn aan li kpa ndoon. Waanaan ga li kpa nsuudoon n‑yoonn mɔmɔk. Uwumbɔr ga tii u uyaaja Ubɔr David aanaan. U ga li joo nnaan ngbaan ki cha mu li kpa mpɔɔn, ki ga tii binib baabamɔn ki cha mbimbinyaan li bi ki ti saa dulnyaa aadoon. Uwumbɔr Mpɔɔnsakpiindaan puu ke u ga ŋa kina.

Jeremia 16:19

Uwumbɔr, sin le kii mi ki tii mi mpɔɔn; aa ter mi tibɔr aayoonn. Ŋitimbol ga nya kitiŋ aanaanmɔk ki nan bui ke, “Tiyaajatiib nan kpa ŋiwaa baanja la, bi nan kpa ŋiwaa ŋi bi fam na baanja la.

Esekiel 37:25

Bi ga li bi kitiŋ ki m nan di tii maatutunn Jakob, nin chee biyaajatiib nan bi na. Bi ga li bi nima chee ki ti saa n‑yoonn mu kaa kpa ndoon na, le baabim ni biyaabitiib mɔmɔk mu ga li bi nima kina. Ubɔr u bi ke maatutunn David na le ga li joo bi ki ti saa n‑yoonn mu kaa kpa ndoon na.

Esekiel 47:5

U nan ki ŋaŋ ŋitaa lichur, ni ikui iloob, ni imonko iniin kpee, le nima chee aanyun nan nyoo sakpen le maa ŋmaa luul jer. Mu nan nyoo nima chee sakpen ke unii luul, see aa won kaakaan.

Daniel 7:14

Le u tii u mpɔɔn, ni kipak, ni nnaan aapɔɔn, ke binib bi bi ŋitimbol mɔmɔk, ni ŋinibol mɔmɔk, ni iliin mɔmɔk aanib na li dooni u. Waapɔɔn ga li bi n‑yoonn mɔmɔk, le waanaan mu aan li kpa ndoon.

Daniel 7:18

Le Uwumbɔr u kaa kpa ŋeen aatɔ na aanib ga gaa nnaan aapɔɔn ki li joo mu n‑yoonn mɔmɔk.”

Daniel 7:22

Le Uwumbɔr u bi n‑yoonn mɔmɔk na dan ki nan di mbamɔn tii uma Uwumbɔr u kaa kpa ŋeen aatɔ na aanib. N‑yoonn nan fuu ni ke Uwumbɔr aanib ngbaan gaa nnaan aapɔɔn.

Daniel 7:27

Kitiŋ kee mɔmɔk aanaan aapɔɔn mɔmɔk ga kpaln Uwumbɔr u kaa kpa ŋeen aatɔ na aanib aanaan la. Baanaan aapɔɔn aan li kpa ndoon, le dulnyaa wee ni aaninkpiib mɔmɔk ga tun baatuln ki kii baamɔi.”

Hosea 2:23

M ga maa maanib kaan kitiŋ ngbaan pu ki tii bi liwangol. M ga mɔk baah nan yin bi ke “Maa‑neen” bi na ngeehm, ki ga bui baah yin bi ke “Baa‑ye‑maanib” na ke “Bi‑ye‑maanib” la, le bi ga kii ke, “Aa ye timi Aawumbɔr la.”

Obadia 1:21

Jerusalem yaab bi ga nyaŋ baadim mɔmɔk na ga tak Edom yaab ki nyaŋ bi. Le Uwumbɔr uma ubaa ga li ye Ubɔrkpaan.”

Maika 4:7

Binib bi gur na wɔb le ki daa bido, le m ga tii bi mpɔɔn, le bi ga kpaln litimbol kpaan. M ga li bi Sionn Aajool paab le ki joo bi ki ti saa n‑yoonn mu kaa kpa ndoon na.”

Sekaria 14:9

Le Uwumbɔr ga li ye kitiŋ kee mɔmɔk aabɔr. Unii mɔk ga li dooni u ke u ye Uwumbɔr, le ki li nyi u liyimbil ngbaan pu.

Sekaria 2:11

N‑yoonn ngbaan kan, ŋitimbol pam ga dan Uwumbɔr chee, ki nan kpaln waanib. U ga nan li koo ni chee, le ni ga bee ke uma le tun ni mi.

Malakai 1:11

Dulnyaa wee aanib mɔmɔk nyuŋni mi la. Bi seer tulalee aayon ni kookoo ki tii mi, ki tii mi ipiin i ŋan na. Bi mɔmɔk nyuŋni mi la.

Matiu 24:31

Le kakaan ga wii mpɔɔn pu. Le m ga tun ni maatuuntiib ke bi buen liwipuul, ni liwilir, ni ŋŋangan, ni ŋŋangii, ki ti kuun ni maanib mɔmɔk, ki di dan m chee.”

Matiu 6:13

Taa cha ti kan ntɔŋ. Nyan timi kinimbɔŋ aaŋaal ni. [Si le yeh nnaan, ni mpɔɔn, ni mpakm n‑yoonn mu kaa kpa ndoon na.’]

Tibɔnyaan ti Luk ŋmee ti na 1:33

U ga li ye uyaaja Jakob aayaabitiib aabɔr n‑yoonn mu kaa kpa ndoon na. Waanaan aan doo.”

Tibɔnyaan ti Luk ŋmee ti na 15:10

Liyataŋakl lee aatataa le ye ke titunwanbirdaan ubaa yaa kpeln waabimbin kan, u pu le Uwumbɔr aatuuntiib ga li mɔɔni paacham.”

Tibɔnyaan ti Luk ŋmee ti na 15:6

U yaa ti fuu linampal kan, le u ga yin ni ujɔtiib ni udoyaab, ki nan bui bi, ‘Maapiih u wɔŋ na, m kan u. Cha ti li mɔɔni man.’

Lituln 4:26

Dulnyaa wee ni aabɔrb gor bibaa, binib aayidam kuun tɔb chee, bi ti jan Uwumbɔr ni Waanii Kristo kijaak.’

Hiibru Yaab 1:8

Le u len Ujapɔɔn aabɔr ke, “Uwumbɔr, saanaan ga li bi ki ti saa n‑yoonn mu kaa kpa ndoon na. Aa joo saanaan ni aanib mbamɔm la.

Tibɔkpiirkaan 10:7

Buyoonn Uwumbɔr aatuun lolole ga pii waakakaan na, n‑yoonn ngbaan le Uwumbɔr ga tun waatunyaan li bɔr na ki doo, waah nan tuk waabɔnabr bi ye waatutum na ke u ga tun pu na.

Tibɔkpiirkaan 12:10

Le m ŋun nneel sakpiin len mpɔɔn pu paacham ke, “Dandana wee ti kan timi Aawumbɔr aah kpa mpɔɔn pu ki gaa waanib lii ki joo waanaan ni aanib na. Dandana ti kan Kristo u gaa timi lii na aah kpa yiko pu na. Ba pu? u nyan kinimbɔŋ paacham. Kinimbɔŋ ye unibiinii u nan si Uwumbɔr aanimbiin ni ki bii Uwumbɔr aanib nwiin pu ni kinyeek na la.

Tibɔkpiirkaan 15:4

Tidindaan, ŋma bi, kaan san si ki nyuŋ si? Si baanja le ye chain. Ŋinibol mɔmɔk ga dan ki nan gbaan aanimbiin ni ki doon si; ba pu? binib mɔmɔk kan saatunyaan.”

Tibɔkpiirkaan 16:17

Le Uwumbɔr aatuun lolole mu di falaa u bi waasambil ni na kpir libuln pu. Le nneel sakpiin nyan ni Uwumbɔr aabɔrjal li bi waadichal ni na, ki len ke, “Ni ŋa doo a.”

Tibɔkpiirkaan 17:14

Bi ga faa Uwumbɔr Aapihbo butɔb. Le Upihbo ngbaan ga nyaŋ bi; ba pu? u ye dindatiib mɔmɔk Aadindaan, ki ye bibɔrb mɔmɔk Aabɔrkpaan la. Binib bi dii u na le ye waah nyan bi ki yin bi na, le bi si uchaŋ ni.”

Tibɔkpiirkaan 19:1

Nimina aapuwɔb le m ŋun nneel mu naahn kinipaak sakpeŋ na aaneel paacham. Bi len ke, “Haleluya, Tidindaan Uwumbɔr le gaa timi lii. Uma le yeh nnyuŋ, ni mpakm, ni mpɔɔn.

Tibɔkpiirkaan 19:6

Le m ŋun nneel mu naahn kinipaak sakpeŋ aaneel, ki naahn bunyɔb sakpem aanyun aah fuuk pu na, ki fuuk ke utaal aah tar mpɔɔn pu na, len ke, “Haleluya. Dandana wee Tidindaan Uwumbɔr u kpa mpɔɔn mɔmɔk na le joo tiwan mɔmɔk.

Tibɔkpiirkaan 20:4

Le m kan ŋibɔrjal, ni binib bi ka ŋi pu na. Le Uwumbɔr tii bi nsan ke bi ji binib tibɔr. Bi nan ye binib bi nan kpo Yesu pu na aawiin. Binib nan chuu gii biyil lii; ba pu? bi nan moon tibɔbamɔnn ti Yesu nan kpiir na ni Uwumbɔr aabɔr. Baa dii upeel ngbaan, bee waawaal, kaa gaa waadaan biyigbeer pu, bee biŋaal pu. Bi nan kpa limɔfal ki jin nnaan Kristo chee ŋibin lichur.

Tibɔkpiirkaan 8:12

Le Uwumbɔr aatuun nanar mu pii waakakaan. Le nwiin ligetatar chuu gii ki bɔln. Uŋmal ligetatar, ni iŋmabi ligetatar mu chuu gii ki bɔln. Le nwiin ligetatar aa wiin. Kinyeek ligetatar mu aa wiin.

Tibɔkpiirkaan 9:1

Le Uwumbɔr aatuun ŋmuŋmur mu pii waakakaan. Le m kan liŋmabil li nyan ni paacham ki lir ni kitiŋ na. Le bi tii li libuul li nyoo kaa kpa limɔk na aasaafii.

Tibɔkpiirkaan 9:13

Le Uwumbɔr aatuun loloob mu pii waakakaan. Le m ŋun nneel nyan ni salmaa aabimbiln li bi Uwumbɔr aanimbiin ni na aamɔju ŋinaa chee.