Tibɔkpiirkaan 11:12 - Uwumbɔr aagbaŋ

¹² Le ŋinikpol ŋi fikr na ŋun nneel sakpiin nyan ni paacham ki bui bi, “Dan paacham do man.” Le bi koo ntaalangbam ni ki buen paacham. Baadim mu kan baah buen pu na.

UWONBƆR A GBƆNPƆŊ LIKƆƆNL

¹² Le siɛradam bilee nmɔn gbir nkukɔpɔɔn kaah nyan paab ki bei bi ke, “Ni donn paab do.” Le bi don kitilangbɔŋin ki jon paab, le bi dataam nan si ki lig bi.

Tibɔkpiirkaan 11:12 ပူးပေါင်းရင်းမြစ်များ

2 Bibɔrb 2:1

N‑yoonn nan fuu ni ke Uwumbɔr yoor Elaija kinaakpaajabuŋ ni buen paacham. Elaija ni Elaisa nan nyan Gilgal le ki cha.

2 Bibɔrb 2:11

Bi nan chuun cha le ki beenin gbaa tibɔr; libuul ngbaan ni le mmii aataan aatɔroku, u mmii aataan dar u na nan koo bikaasisik ni, le kinaakpaajabuŋ yoor Elaija di buen paacham.

2 Bibɔrb 2:5

Uwumbɔr aabɔnabtiib bibaa nan bi nima le ki buen Elaisa chee ki ti baa u ke, “Aa nyi ke Uwumbɔr ban u yoor saaninkpel din wee ki cha si ii?” Le Elaisa gar bi ke, “M nyi. Maa ban ke ti li len ti.”

2 Bibɔrb 2:7

le Uwumbɔr aabɔnabtiib piiŋmu dii bi buen Jɔɔdann Aamɔɔl ni. Elaija ni Elaisa nan ti sil limɔɔl ngbaan aanyun chee, le bibɔnabr piiŋmu na mu sil dandar siib.

Ilahn 112:10

Bibiindam kani kina, le baaŋuul fiir; bi gbee ŋiningbee le ki siir mala; baamakl mɔmɔk doo a.

Ilahn 15:1

Uwumbɔr, ŋma ga ŋmaa koo saadichal ni? Ŋma ga ŋmaa doon si Sionn, saagongoln li bi chain na pu?

Ilahn 24:3

Ŋma ŋeer ke u jon Uwumbɔr aagongoln? Ŋma ŋeer ke u koo Waadichal li bi chain na ponn ni?

Ilahn 86:17

Uwumbɔr, mɔk mi saaŋann aamɔkl; binib bi nan mi na yaa kan ke aa ter mi ki tii mi mmɔɔn kan, bi ga ji inimɔɔn.

Nnyam 14:25

U nan cha baatɔroku tiib aataa chɔi kitiŋ, le baa ki ŋmaa chuun mala mala. Le Ijipt yaab bui ke, “Uwumbɔr le bi to butɔb ngbaan tii Israel yaab. Cha ti gir nya do chee na man.”

Aisaya 14:13

Aa nan pɔɔni aabaa ke aa jon buen kitaapaak ki ti di saabɔrjal tɔŋ iŋmabi i ti bi paacham paacham na pu. Aa nan dak ke aa ga ti kal lijool li bi nwiin aasikakl wɔb, nin chee ŋiwaa kuun ni na, ke ubɔrkpaan na la.

Aisaya 40:31

le binib bima kpa limakl ke Uwumbɔr ga ter bi na ga kan ke bitaakpab moo pɔɔk la. Bi ga fii ke ŋikaagii na; bi ga san, kaan bak; bi ga chuun, le bitaakpab aan yɔl.

Aisaya 60:8

Ni ye ba aaŋɔsakpiin ki san mala mala ke ntaalangbam na, ki naahn ŋinanjel le aah choo kun ni na?

Malakai 3:18

Maanib ga ki kan ubimbinyaan daan aah kani pu na, ni titunwanbirdaan mu aah kani pu na, ni unii u dii mi na, ni u kaa dii mi na aah kani pu na.”

Tibɔnyaan ti Luk ŋmee ti na 16:23

Le uwankpadaan ngbaan mu nan kpo. Le binib di u ti sub. Waah kpo na, le u ti bi mmii mu kaan junn na ni, ki ji falaa sakpen, le ki waan lik paacham, ki waa Abraham dandar, ki waa Lasarus mu bi u chee nima.

Lituln 1:9

Waah len kina na, le Uwumbɔr di u buen paacham, binimbil ni. Le ntaalangbam biin u pu. Baa ki waa u.

1 Tesalonika 4:17

Njan, Yesu aanib bi kpo na le ga fikr nkun ni, le Uwumbɔr nin kpaan yoor bi ni waanib bi mu ga li bi n‑yoonn ngbaan na, le bi ti tooh Tidindaan ntaalangbam ni, paacham. Kina le ti ga li bi Tidindaan chee n‑yoonn mu kaa kpa ndoon na.

Tibɔkpiirkaan 12:5

Le upii ngbaan ma ubijabo u ga li joo ŋinibol mɔmɔk mpɔɔn pu na. Le Uwumbɔr yoor ubo ngbaan di buen ubaa chee paacham, waabɔrjal chee.

Tibɔkpiirkaan 3:21

Unii umɔk nyaŋ na, m ga cha u kal m chee maabɔrjal pu, ke m mu aah nan nyaŋ pu ki kal Nte Uwumbɔr chee waabɔrjal pu pu na.

Tibɔkpiirkaan 4:1

Waah len ti doo na, le m kan Uwumbɔr do aabisamɔb piir. Le nneel mu naahn kakaan ki len m chee njan na le len ke, “Dan paacham do, le m ga mɔk si budabu ga sil ŋa n‑yoonn mue aapuwɔb na.”