Tibɔkpiirkaan 1:15 - Uwumbɔr aagbaŋ

¹⁵ Utaafar mu wiin ke baah pur tikur ti mmii ni na aah wiin pu na. Uneel mu fuuk ke bunyɔb sakpem aanyun na.

UWONBƆR A GBƆNPƆŊ LIKƆƆNL

¹⁵ U taai nan nann tukur tan wee bi ta pul nŋmi-n ke ti nyagin man nin le, le u kukɔl a fur nann nnyum puukaam.

Tibɔkpiirkaan 1:15 ပူးပေါင်းရင်းမြစ်များ

Ilahn 93:4

Uwumbɔr lik paacham aawan mɔmɔk ki joo ni, u pɔɔ jer nnyusakpem aah ŋuuni pu na, ki pɔɔ jer nnyusakpem aanyunkpenn.

Aisaya 17:13

Ŋitimbol san ni ke tinyunkpenn na, le Uwumbɔr teen bi pu, le bi gir bipuwɔb mala ke kitangbaak aah san sunni ligongoln taab pu na, ki naahn kimook aah bi kinaakpaajabuŋ ponn ni pu na.

Esekiel 1:24

M nan ŋun naah fii aan naafeen kpa kifuuk ki na pu; kifuuk ngbaan nan naahn nnyusakpem aafuuk la, ki naahn butɔb aajab bi wiir sakpen na aafuuk, ki ki naahn Uwumbɔr Mpɔɔnsakpiindaan aaneel. Ni yaa kaa ki fiir kan, ni kpab naafeen la,

Esekiel 1:7

Tiwan ngbaan aataa nan tok kaa gɔr nibaa chee, le ni kpa itaabuseen ke unaaja na. Ni nan moor ke tikumann ti bi jɔŋ ti mbamɔm na la.

Esekiel 40:3

U nan moo di mi foor buen, le m kan unii u moor lak lak ke tikumann na. U nan joo tiwaŋaŋkaan ni bi di ŋitanyaan ŋa ni na, ni tikur aadabil li bi joo ŋaŋni tiwan na, ki si mbisamɔb mubaa chee.

Esekiel 43:2

le m kan nima chee nwiihn mu deer ŋinimbil na nyan ni liwipuul wɔb ki ye Israel yaab Aawumbɔr aawiihn. Uwumbɔr aaneel nan ŋuun ke nnyusakpem aafuuk na, le nwiihn mu deer ŋinimbil na woln kitiŋ pu chain.

Daniel 10:6

Uwon nan moor lak lak ke nleenyaan na. Le unimbil wɔb mu moor ke utaal aah moor pu na, le unimbil bi ke mmii mu gaal na. Uŋaal ni utaa nan moor ke tikumann ti bi pir ti mbamɔm na, le uneel naahn kinipaak aafuuk.

Tibɔkpiirkaan 10:1

Le m kan Uwumbɔr aatuun mpɔɔndaan uken nyan ni paacham. U pee kitaalangbaŋ, le waakpimanja mu lur goln uyil. Unimbil wɔb naahn nwiin la. Utaa mu naahn kimiigaak.

Tibɔkpiirkaan 14:2

Le m ŋun binib gaa ilahn paacham. Ni nan fuuk ke bunyɔb aanyun aah fuuk pu na, ki fuuk ke utaal aah teen mpɔɔn pu pu na, ki naahn binib aah gbaa tibar aan ti wii pu na.

Tibɔkpiirkaan 19:6

Le m ŋun nneel mu naahn kinipaak sakpeŋ aaneel, ki naahn bunyɔb sakpem aanyun aah fuuk pu na, ki fuuk ke utaal aah tar mpɔɔn pu na, len ke, “Haleluya. Dandana wee Tidindaan Uwumbɔr u kpa mpɔɔn mɔmɔk na le joo tiwan mɔmɔk.

Tibɔkpiirkaan 2:18

“Ŋmee kigbaŋ tii maanib bi bi Tiataira aatiŋ ni na aatuun ke min Uwumbɔr Aajapɔɔn u kpa ŋinimbil ŋi wiin ke mmii na, ni titaafar ti wiin ke baah pur tikur ti mmii ni na aah wiin pu na le len tibɔr timina: