Obadia 1:9 - Uwumbɔr aagbaŋ

⁹ Temann aajab bi jaa kijaak na ga san ijawaan pam, le baatiŋ Edom aatɔb aajab mɔmɔk ga kpoi.

Obadia 1:9 ပူးပေါင်းရင်းမြစ်များ

Job Aagbaŋ 2:11

Job aajɔtiib bitaa bibaa le nan ye Elifas, u nyan ni Temann aatiŋ ni na, ni Bildad, u mu nyan ni Sua aatiŋ pu na, ni Sofar, u mu nyan ni Naama aatiŋ pu na. Baah ŋun Job aah bi ji falaa u aaboln na, le bi bui ke bi buen ki ti sɔŋ usui.

Jeremia 49:20

Kina pu na, li pel maah kpokl Edom aanib pu nkpokl mu na, ni maah ban ke m ŋa Temann aatiŋ aanib pu na. Bi ga kpaan dar baabim mu buen, le kina chuu unii mɔmɔk ijawaan.

Jeremia 49:22

Bidim ga boon ni ke likaagiil na le ki nan tak Bosra aatiŋ. Liyaadaal ngbaan kan, Edom aajab ga san ijawaan ke upii u imalween joo u na la.”

Jeremia 49:7

Uwumbɔr Mpɔɔnsakpiindaan aah nan len Edom aatiŋ aabɔr ti na sɔ: “Edom aanib aa ki nyi nibaa la aa? Baasusurb aa ki nyi baah ga tuk bi ke bi ŋa pu na la aa? Baalan mɔmɔk wɔŋ la aa?

Esekiel 25:13

Tɔ, m bui ke m ga daa Edom aatiŋ aanib aatafal ki ku unii mɔmɔk, ni kiwakork mɔmɔk nima. M ga ŋa ki tilangbenn, ki nya Temann aatiŋ mɔk ki ti saa Dedann aatiŋ ni, le kaanib ga bee butɔb ni.

Amos 1:12

Kina pu na, m ga cha mmii wu baatiŋ Temann aagon, ni baatiŋ Bosra aadichal ŋi fɔk ki pɔɔ aan bi maa kiir bibaa na mɔmɔk.”

Amos 2:16

Liyaadaal ngbaan kan, hali butɔb aajab bi kaar sakpen na ga di baajawan mae ki san.” Uwumbɔr le len kina.

Obadia 1:21

Jerusalem yaab bi ga nyaŋ baadim mɔmɔk na ga tak Edom yaab ki nyaŋ bi. Le Uwumbɔr uma ubaa ga li ye Ubɔrkpaan.”

Obadia 1:5

Binaayukb yaa dan kinyeek bi nan su tiwan kan, bi yoor tiwan ni bi ban na baanja la. Bipiib mu yaa peei ikpa kan, bi peei le ki gur ngem. Le nimi aadim ma ku doo nimi kookoo.

Nahum 3:13

Saajab naahn bipiib la, le ubaa aa kii saatiŋ ke saadim taa nyaŋ ki. Mmii le ga wu idɔ i aa di laŋ saabisamɔi na.

Habakuk 3:3

Uwumbɔr ki nyan ni Edom aatiŋ ni ki choo; Uwumbɔr u ye chain na nyan ni Parann aagongon pu ki choo. Waanyuun gbiin paacham, le waapak mu gbiin kitiŋ kee pu.

Ikaal 2:5

ni mu taa tak bi, ba pu? maan di baatiŋ nibaa chee tii nimi. M di Edom aapepel tii Esɔ aayaabitiib la.