Obadia 1:7 - Uwumbɔr aagbaŋ

⁷ Nimi aamaantɔtiib ŋmann nimi la; le bi jenn nyan nimi, nimi aatiŋ ponn ni. Binib bi nan ye nijɔtiib na le nyaŋ nimi butɔb ni dandana wee na. Nijɔtiib bi nan ji ni chee tijikaar na le ŋmann nimi koon gaawɔb ni; bi baa le ke, ‘Baalan mu bi kpa na bi la?’

Obadia 1:7 ပူးပေါင်းရင်းမြစ်များ

Ilahn 41:10

Uwumbɔr, san mi kinimbaak, ki tii mi laafee, aan m teen maadim.

Ilahn 41:9

Hali njɔnyaan, u m tii u naadii sakpen na, aan m ni u kpaan ni ji lisambil libaa ni na, uma le fii sil m pu.

Aisaya 27:11

Isubon na mɔmɔk kuur ki kool lir a, le bipiib ti peei ti tuur mmii, ba pu? binib ngbaan aa bee nibaa, nima pu na, Uwumbɔr u naan bi na aan di cha pinn bi, kaan san bi kinimbaak mu.

Jeremia 20:10

M ŋun binib mɔmɔk looni len ke, “Ijawaan aabɔr bi ni mɔmɔk la. Cha ti di waabɔr buen bininkpiib chee man.” Hali njɔtiibamɔm ka kiir maalirm la. Bi len le ke, “Nibaakan ti ga ŋmaa ŋmann u, le ki chuu u ki teen u.”

Jeremia 30:14

Nibɔtiib mɔmɔk suln nibɔr a; bitafal aa ki bi ni ponn ni. M tak nimi ke udin na la; nimi aatunwanbir aah wiir aan nimi aabiin nyaŋ sakpen pu na le cha nimi aatafadaan bir.

Jeremia 38:22

Ti ponn ni, m nan kan bi joo bipiib bi gur Juda aabɔrchiln ni na cha Babiloŋ aajab aaninkpiib chee. Li pel baah nan cha ki len pu na: ‘Ubɔr aajɔtiib bi gee u sakpen na ŋmann u a, bima le gur joo u. Le waah ti chɔb bee tikpakpar ni na, le bi san cha u.’”

Jeremia 4:30

Jerusalem aanib, ni kuln a. Ba ŋa ni pee ŋikekenyaan? Ba ŋa ni gbin nleenyaan ki di nkpanyaan boon ninimbil wɔb? Ni toor nibaa fam la. Nibɔtiib yii nimi le ki ban bi ku nimi.

Jeremia 49:7

Uwumbɔr Mpɔɔnsakpiindaan aah nan len Edom aatiŋ aabɔr ti na sɔ: “Edom aanib aa ki nyi nibaa la aa? Baasusurb aa ki nyi baah ga tuk bi ke bi ŋa pu na la aa? Baalan mɔmɔk wɔŋ la aa?

Inandalahn 1:19

M yin mmaantɔtiib, le bi yii, kaa dan nan ter mi. Le bitotoorb ni biyidam bi ban tijikaar, kaa kan, ki ti kpoi kitiŋ ponn ni.

Hosea 13:13

Israel yaab kpa limɔfal aamakl, le ki tee jɔr sakpen ke bi kan limɔfal ngbaan, bi jɔr ke ubo u una ban u maa u aan u yii ke waan nya ni na la.

Hosea 7:11

Israel chuun fii labr ke linanjel li kaa kpa nlan na la; njan, kaanib nan buen Ijipt yaab chee le ti ban nterm, le ki fenn san buen Asiria yaab chee.

Jɔnn 13:18

“Maa len ni mɔmɔk pu. M nyi maah nyan bi na aasui ni aah bi pu na, ki nyan nimi ke ni gbiin Uwumbɔr Aagbaŋ aah len pu na ke, ‘M ni unii u kpaan ni ji lisambil ni na, uma le fii sil m pu.’