Obadia 1:4 - Uwumbɔr aagbaŋ

⁴ Hali ni yaa di nimi aadichal ti maa paachapaacham ke likaagiil aadir na, aan ŋi daa ke iŋmabi na kan, m ga ŋmaa daa ker nimi lii ni taab.

Obadia 1:4 ပူးပေါင်းရင်းမြစ်များ

Aisaya 10:14

Dulnyaa wee aanibol mɔmɔk nan bi m chee ke unyoon aanyandil na la, le m nan kuun baawangol ke unii aah chuun ki ti pii ŋikpanjen timoor ni pu na. Ubaa aa nan ŋmaa faan mi, ubaa mu aa ki fii ke u faa nkuun.”

Jeremia 49:16

Saagaak le ŋmann si. Ubaa aa san si ke saah dak ke bi san si pu na. Aa bi ŋijootakpal paab la, ki bi ŋijoo aapaachapaacham; tɔ, aa koo paachapaacham ke likaagiil na la, Uwumbɔr mu tee ga sunn si taab. Uwumbɔr le len kina.”

Jeremia 51:53

Babiloŋ yaa ga ŋmaa jon kitaapaak ki ti maa tidir ti fɔk ki pɔɔ sakpen na kan, m ga sil tun binib bi ti bii ti nima. Min Uwumbɔr le len kina.”

Amos 9:2

Hali bi yaa jon buen paacham kan, m ga sunn ni bi kitiŋ.

Habakuk 2:9

Saamɔfal junn a. Aa di mpɔɔn ni beebee le ki di gaa binib aawangol le ki kpaln uwankpadaan, le ki pɔɔn aabaa ke aa maa saadichal paacham ki nya mbiin ni tibɔr ni.