Obadia 1:1 - Uwumbɔr aagbaŋ

¹ Tidindaan Uwumbɔr aah di tibɔr ti tuk waabɔnabr Obadia, ki joo cha Edom aatiŋ wɔb na sɔ. Uwumbɔr tun waabɔnabr ŋitimbol mɔmɔk chee, le ti ŋun waabɔr ti u tuk u na ke, “Gor nibaa man. Cha ti buen ti to Edom yaab butɔb man.”

Obadia 1:1 ပူးပေါင်းရင်းမြစ်များ

Mpiin 25:30

le u bui Jakob ke, “M ga kpo nkon, tii mi saakpimann ngbaan siib m wub.” Nima pu le bi nan ki yin u ke Edom.

Mpiin 36:8

Kina pu le Esɔ nan buen ti bi Edom, ŋigongon aatiŋ ni.

Mpiin 36:9

Esɔ, u nan ye Edom aatiŋ aanib aayaaja na aayaabitiib sɔ:

Ilahn 137:7

Uwumbɔr, teer Edom yaab aah nan ŋa pu nwiin mundaal bidim nan nyaŋ Jerusalem na. Teer baah nan len kpakpaayuk pu na ke, “Ber ki bil kitiŋ man.”

Aisaya 21:11

Edom yaab aabɔr sɔ. Ubaa bi Edom ki baa mi ke, “Ukikiir, bayoonn aan kitaak ga woln? Bui mi naah ga yunn pu aan kinyeek doo na.”

Aisaya 21:12

Le m gar u ke, “Kichakpiik ni choo, le kinyeek mu ga ki gir ni. Aa yaa ki ban aa baa kan, aa gir ni ki nan ki baa.”

Aisaya 30:4

Hali baah nyan Juda aaninkpiib bi ke bi ti li bi Ijipt aatisakpem Soann ni Hanes ni na kpaan fuu nima;

Jeremia 25:17

Le m nan gaa kiyikuuk ngbaan Uwumbɔr aaŋaal ni, ki di tii ŋitimbol ŋimɔk Uwumbɔr tun mi ŋi chee na, ki cha ŋi nyun ki ponn ni.

Jeremia 51:46

Taa cha naah ŋun tibɔr ti na yɔl nitaakpab, ki taa san ijawaan. Libiln mɔk aabɔŋunkaan ngbaan bi tibaa la, mbimbin mu pɔɔ na aabɔr, ni ubɔr ubaa ni uken aajaak bi kitiŋ ngbaan pu la.

Esekiel 35:1

Uwumbɔr nan len m chee tibɔr.

Joel 3:19

Ijipt ni Edom aatim ga kpaln nin chee nnyun aa bi na la. Litambol ŋmeen le ga li gur bi nima, ba pu? bima le buen ti tak ki ku Juda aanib bi kaa tun taani ubaa na.

Maika 2:13

Uwumbɔr le ga ki piir nsan tii bi aan ki di bi nya ni tinaagbiir kitiyayaŋ ni. Bi ga gaa bibaa lii ki dii ibisamɔi nya. Baabɔr, Uwumbɔr ubaa, le ga cheen bi nya ni.

Matiu 24:6

Ni ga ŋun ke binib to butɔb kɔnkɔni do, ni dandar mu. Ni taa cha ni li muk nimi man. Uwumbɔr le siin ke nimina mɔmɔk ga ŋa. Nima le aan mɔk ke dulnyaa wee ga doo libuul ngbaan ni.

Tibɔnyaan ti Mak ŋmee ti na 13:7

Ni ga ŋun ke binib to butɔb kɔnkɔni do, ni dandar mu. Ni taa cha ni li muk nimi man. Uwumbɔr le siin ke nimina mɔmɔk ga ŋa. Nima le aan mɔk ke dulnyaa wee ga doo libuul ngbaan ni.