Nnyam 9:31 - Uwumbɔr aagbaŋ

³¹ Tɔ, tikokonn, ni njikaabim mu bi yin mu ke baale na bii doo, ba pu? baale ngbaan nan biir, le tikokonn mu nan ŋeen.

Nnyam 9:31 ပူးပေါင်းရင်းမြစ်များ

2 Samuel 21:9

David nan di bi tii Gibeonn aanib, bi nan ti di bi leen iŋmin pu, lijool pu, Uwumbɔr aanimbiin ni, le bi mɔmɔk bilole nan kpaan kpo. Ni nan ye unaalan aah ti ban u doo buyoonn, aan bi piin njikaabim mu bi yin mu ke baale na aacheen na la, le bi nan ku bi.

Nnyam 9:32

Njikaabim mu bi yin mu ke wiiti na ma aa nan bii, ba pu? mu aa nan kee biir n‑yoonn ngbaan.

Amos 4:9

“M nan tun ni libuln li ton sakpen na ke li nan kuur nimi aajikaar. Le itoon dan nan di nimi aasar mɔmɔk ŋman, ki ŋman nimi aawanyukaan aasui, ni ŋisubil, ni nkpan aasui mu. Nee mu aapuwɔb na, naa ki gir ni m chee.

Habakuk 3:17

Ŋikakan yaa kaa ŋeen, le ndaan aasubil mu yaa kaa baa isui pu, olif aakpan aasui mu yaa yii kaa lun, le tijikaar mu yaa kaa ŋa ikpaakon ni, ipiih mu yaa kaa bi kibɔkpuk ni, le inaa mu yaa kaa bi tinaabar ni kan,

Ruf Aagbaŋ 1:22

Naomi ni ubipuu Ruf u ye Moab aatiŋ aanii na aah nan nyan ni Moab aatiŋ ni ki gir kun ni pu na le na. Binib nan bi piini lidicheel le bi fuu Betlehem aatiŋ ni.

Ruf Aagbaŋ 2:23

Kina pu le Ruf nan tun bi chee ki lɔi idi le bi ti chee tijikaar doo. N‑yoonn ngbaan Ruf nan beenin bi uchapii chee la.