Nnyam 9:27 - Uwumbɔr aagbaŋ

²⁷ Le ubɔr ngbaan tun yin Moses ni Aaronn le ki bui bi ke, “N‑yoonn mue m tun bakaa, Uwumbɔr le jin mbamɔn, m ni maanib le galn.

Nnyam 9:27 ပူးပေါင်းရင်းမြစ်များ

2 Samuel 12:13

Le David bui ke, “M tun Uwumbɔr titunwanbir.” Le Natann gar u ke, “Uwumbɔr di cha pinn si, saan kpo.

2 Bibɔrb Aabɔr 12:6

Ubɔr ni bisalolm ngbaan nan kii ke bi tun taani, le ki bui ke, “Uwumbɔr aah bi ŋani pu na ŋan.”

Ilahn 129:4

Le Uwumbɔr u ŋan na nan nyan mi tinaagbiir ni.”

Ilahn 145:17

Uwumbɔr aah tun pu na mɔmɔk ŋan, u san kinimbaak waatuln mɔmɔk ni.

Ilahn 9:16

Uwumbɔr aah joo ibamɔn ji tibɔr pu na, le u cha ti bee waah bi pu na; le bibiindaan aatunwanbir chur bi ke gaawɔb na.

Nnyam 10:16

Ubɔr ngbaan nan ŋa mala le ki yin ni Moses ni Aaronn, le ki nan bui bi ke, “M tun titunwanbir Nidindaan Uwumbɔr, ni nimi chee.

Nnyam 10:17

Nimina ma kan, di cha pinn mi, ki mee Nidindaan Uwumbɔr ke u nyan nkun aawan nimina m pu.”

Nnyam 8:25

Ubɔr ngbaan nan yin Moses ni Aaronn, le ki nan bui bi ke, “Li cha man aan ni ti toor kitork ki doon nimi Aawumbɔr kitiŋ kee ni.”

Nnyam 8:8

Ubɔr nan yin ni Moses ni Aaronn le ki nan bui bi ke, “Mee Uwumbɔr ke u nyan ŋipulaatal ngbaan, aan m cha waanib ngbaan nya buen, nima kan, bi ga ŋmaa toor kitork tii u.”

Inandalahn 1:18

Tɔ, Uwumbɔr kpa mbamɔn, min le yii waamɔb. Ŋipepel mɔmɔk aanib, li pel m chee man, lik maah bi iween i ponn ni na man. Bi chur maanachipɔm ni bipiisapɔm tinaagbiir.

Daniel 9:14

Tidindaan Uwumbɔr, sin le nyan sil ke aa daa timi aatafal, ki mu sil ŋa kina; ba pu? aa ŋani tiwan ni ŋan na n‑yoonn mɔmɔk, le ti yii kaa ŋun tii si.

Nkahm 21:7

Le bi dan Moses chee ki nan bui u ke, “Taah len aa ni Uwumbɔr tibɔr ti kaa ŋan na, ti tun titunwanbir. Mee Uwumbɔr ke u gaa timi lii iwaa ngbaan chee.” Kina pu le Moses mee Uwumbɔr tii bi.

Nkahm 22:34

Le Balaam giin bui ke, “M tun titunwanbir. Maa nyi ke aa si nsan ni ke aa kiir mi; nima pu na, aa yaa nyi ke naa lir mi m buen kan, cha m gir kun.”

Matiu 27:4

le ki bui bi, “M tun titunwanbir la. M kooh unii u kaa kpa taani na ke bi ti ku u.” Le bi bui u, “Naa ye timi aabɔr. Ni ye saabɔr la.”

Rom Yaab 2:5

Le aatafal pɔɔ. Saa ban ke aa kpeln aasui. Nima le Uwumbɔr ga moo daa aatafal, bundaln u ga gee liŋuul binib aanimbil ni ki ji bi tibɔr mbamɔm na.

Rom Yaab 3:19

Tɔ, ti nyi ke nkaal aah len pu na mɔmɔk len binib bi bi mu chee na la. Nima le dulnyaa wee ni aanib mɔmɔk aabɔr bii Uwumbɔr chee. Ubaa aan ŋmaa len tibaa ke u nyan ubaa tibɔr ni Uwumbɔr chee.

Josua 7:20

Le Akann bui ke, “Ni ye mbamɔn la, m tun titunwanbir, timi Israel yaab Aadindaan Uwumbɔr aanimbiin ni. Maah ŋa pu na sɔ:

1 Samuel 15:24

Le Sɔɔl kii ke, “Een, m tun titunwanbir. M yii Uwumbɔr aamɔb, ni saah mɔk pu na. M san maajab le ijawaan, ki ŋa baah ban pu na.

1 Samuel 15:30

Sɔɔl nan ki bui u ke, “M tun titunwanbir. Tɔ, tee tii mi kipak, maayidam ni Israel aanib bee mɔmɔk aanimbiin ni. Gir dii mi buen aan m ti doon Aadindaan Uwumbɔr.”

1 Samuel 26:21

Sɔɔl nan kii u ke, “M tun taani. Maabo David, gir ni. Maan ki tun si taani ubaa; ba pu? aa gaa maamɔfal lii kinyeek kee. M ŋa mbaa ujɔr la. M tun titunwanbir sakpen.”